Hebreu 3:10 - Yálá laawoo hɛɓɛ (dc)

¹⁰ kwɛlan bɔw nąąn ɲee mu. Yili ɓə gɛ, gɛ́ nííɲąnwąną diɛ, gɛ́ kɛ diɛ: Yələ kəlee ká káá lɔ lan bələ mɛ̨i, nuą ŋɛ̨i, di hvo kpɛli nwɔ́ pələɠaai kaa li,

Yálá laawoo hɛɓɛ

¹⁰ kwɛlan bɔw nąąn ɲee mu. Yili ɓə gɛ, gɛ́ nííɲąnwąną diɛ, gɛ́ kɛ diɛ: Yələ kəlee ká káá lɔ lan bələ mɛ̨i, nuą ŋɛ̨i, di hvo kpɛli nwɔ́ pələɠaai kaa li,

Bible

¹⁰ Mɛni ma ńii è ŋwàna ŋ̀éniɛi tí su-ƃelai dîa, ŋá m̀ó, ńyɛɛi, ‘Da siɣe pere ma a tãi kélee dílii su-pere. Dífe niî ńdûa-perei kɔ́lɔŋ ní.’

Hebreu 3:10 Iomraidhean Croise

Zɛnɛse 6:6

Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Mąątɛ̨nɛ̨ 147:20

Hvo ta lɔi ta lɔpee hon ni tii, dai lɔpee hvo ta nwɔ tíɓoɠaai kɔ́lɔn ni. 'Kánikookwəi!

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Mąątɛ̨nɛ̨ 78:40

Di kɛi di kwɛli tee mą nɔi pun ɉu! Kpɔ gee mɛ̨i tamąą, Diɛ níikələn gwəi nɔi pun gələn ŋąą ti hu, kpɔ kɛlɛ-kɛlɛ.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 4:22

A tɛ̨ą, nwɔ́ nuąi kili hvo di kwəi! Di hvo kpɛli gɔ́lɔn. Di hva mɛ̨nį kpaɠala kaa. Di yɛlɛɛi mɛ̨nį ɲɔ̨n gɛi, di hva pɛli nɛlɛɛ kɛi.

Osia 4:12

Ɉɛn nwɔ́ nu huwui a mąąnikɛ, ya ɓaa a nwɔ wului, ɛlɛɛ, nwɔ wulu wonwoi ɓə a gili ɲą pɔ̨nɔ̨, mąąhɔlɔɓo, wɛli mɛ̨nį a nwun ɉu lan, ɛlɛɛ, daa lɔ wɛli mɛ̨nį hu, diɛ kulɔ la di wɔ Yálái, woo mu.

Maafîu 20:24

Galan nɛa powi tii lɛɛ, yii kɛa di yili mɛ̨n di ɓɛlaa hveelɛi tii la, di líí ə holi di pɔ.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Ɉaan 8:45

Nwɛ́i, tɛ̨ąi ŋɛ̨i gáá moi kaa, ya ɓə ka hvo laai la ná.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 3:7

Akɛ ŋą́ lɛɛ kɛ, yili ɓə Yálá nwɔ mąąwiɛlaa a kulɔ ɉu, lə mɛ̨nį ɓa, da gítí tee yɛ nɛ̨ŋɛ̨n ɉəɠə mun?

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Nwun mąąɓo 10:16

Yili pulu, ɉaliɠaai kpɔ kɛ Israɛlə nuą yəi, di di yee kulɔ gəlee hu, di tínɛ̨n di kwɛli hvilɛn Yai-Laa ɓa. Mɛ̨nį ɲąąnwąnąąi tii kɛ naa di mɛ̨i, Yai-Laa hvo pɛli gili kulɔi ɉu.