Hebreu 13:4 - Yálá laawoo hɛɓɛ (dc)

⁴ Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Yálá laawoo hɛɓɛ

⁴ Hílɛtai yíi mɛlɛ ə kɛ mą nu kəlee ɲɛ̨i ɓa, ɛlɛɛ, hilɛtai gbin, hvo kɔhɔɓo; mąąhɔlɔɓo, túwɔ́ pələ ɲɔ̨n gulɔ nuą, da wɛlikɛ nuą, Yálá kaa pai di kiti teei.

Bible

⁴ Tɔɔ nɛnî-kula-mɛni é kɛ́ a ƃaa-kɛ-maa pere-sii kélee su. Nɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Hebreu 13:4 Iomraidhean Croise

Zɛnɛse 2:21

Nąąlɔwai, Yai-Laa ə yii kɛnɛ̨ tɛ nu ɲɛ̨i, ə yii. Yai-Laa ə nɛɛ mą, ə nu kəŋə gbɛakɔw tɔ̨nɔ̨ kulɔ ɉu, ə nuwu hiɛ nąą.

Zɛnɛse 2:24

Yili ɓə gaa mą, hulɔnu a həɠə nąn bɔ, ə həɠə nee pɔ, ə yili nɛ̨ą ɓa, da yaa di kɛ a nu tɔ̨nɔ̨.

Tɔɔɓɛlaa veelɛ 22:14

Ɉaláá laa həli mun Hilkiyahu, da Ahikamə, Akbɔrə, Safan, ə lɛɛ, Asaya, də li Yálá kwəi mɛ̨nį hukulɔ nɛ̨ɛ̨nu Hulda pɔɔli, nui kɛ a ɉəɠəɠaa mɛ̨i kaa mun Salumə, yai kɛ a Tikwa lon, yɛ ɓo a Harhasə mąnįn, nɛ̨ą li kɛ. Nɛ̨ɛ̨nui tii ə kɛ Ɉerusalɛmə daa nįnɛ̨i. Yii lɔ di kpɛɛ a di woo hukulaa mą,

Zôo 31:12

Yili a kɛ kɛ a nwɔ̨n, yii a lɛɛ níi kələn ɉii ə nwún na pili, Ə li nwɔ́ wuluɠaai kəlee paa kpɔ, ə həli la ɉamu ɓa.

Azaya 8:3

Kwa Yálá kwəi mɛ̨nį hukulɔ nɛ̨ɛ̨nu ku lɔ pɛlɛ́n; ə koo həɠə, ə lon ɉulɔnu kaa, Yai-Laa yɛ mą́ą́: «'Naa hee a: Mahɛrə-Salalə-Hasə-Bazə;

Levetekɔ 15:18

«Hulɔnu ta da nɛ̨ɛ̨nu ta da laa, mąąnɛ̨ɛ̨ di di waa a ya tɔ́n gaa diɛ ə lɛɛ ɉu yələ ə wulu.

Levetekɔ 18:20

«Hvó laa a nɔi lon da nɛ̨ą, yá gɛ tii, tɔ́n a kɛ yɛ́.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Korɛntə dɔlɔɔ 6:18

Ka pu ka həɠə túwɔ́ pələ ɲɔ̨n dɔwɔ, nɛ̨ŋɛ̨n da kpɛliɠaa kaa laa, nu a ɉəɠə hva gɔlɔ mąą liɓi. Kɛlaa, túwɔ́ pələ ɲɔ̨n gulɔmun a nɛ̨ŋɛ̨n ɉəɠə gbɔwɔ kɔ́lɔ ɓa.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Korɛntə dɔlɔɔ 7:38

Yili ɓa, nui a nwɔ wɛlii həɠə a nɛ̨ą, aa gɛ a nɛlɛɛ; nui nwɔ̨nɔ̨ awala nwɛi həɠə, yili hviɛlaɓoɔi.

Korɛntə dɔlɔɔ 9:5

Akɛti, mąąlaa hvo mɔ̨ɔ̨ ku yəi, ku hvo kristalon nɛ̨ąą hvilɛn ku pɔ, yɛ bələi, gɛlaɠaa takpɛliɠaa di gɛ la, a gu Nąmu kaayɔwɔɠaa da Sefasə?

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Galatə 5:19

Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Dutɛrɔnome 22:22

Da hulɔnu ta hon, da hilɛtaai nɛ̨ą di ɓo laani, da gəlee hveelɛi paa, ɉulɔnui tii laa a nɛ̨ɛ̨nu, ə mą kɛ nɛ̨ɛ̨nu kpɛli mąn. Bələ ɓə ka mɛ̨nį ɲɔ̨n gulɔ la ka lɔwai.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Timote dɔlɔɔ 3:12

Gbɔn ɉu mɛ̨nį ɲɛ̨i kulɔ nuą, di nɛ̨ąni di kɛ tɛitɛi, di pɛliɛ di lonnii ɲąąwooɓoi da di wɔɔ pɛlɛ́ɠaa.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 3:4

Ə kɛ a pɛlɛ́ nąmu lɛlɛɛ, ɲee pɛliɛ nonnii diɛ, di ɓo nwoo mu, nwumɛ̨ mąą laa hu.

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.

Timote dɔlɔɔ 5:14

Gáá kani bɔ, galaninŋaai a nu nwunuɠaa di pənə, di hilɛ həɠə, di lon gaa, di di wɔ pɛlɛ́i laahɔnmo, di hvo pa nəi pələ tɛɛ gu yowoɠaa di wɔ laa pu ɉu pɔ.

Taitɔ 1:6

Di tɛitɛi, di mąąnɛ̨ɛ̨i di kɛ a nuąi hɔn və diɛ, di ɓo a nɛ̨ą tanɔ̨n nąmu, di lonnii di ɓo a laa na nuą, di hvo di hɔn mo túwɔ́ pələ ɲɔ̨n mɛ̨nį ta lɔpee hu, di woo mɛ̨nŋąą.

Hebreu 12:16

Ka gɛ a nɛlɛɛ, wɛlikɛmun hvo kɛ ká lɔwai, 'ká hvo Yálá mɛ̨nį mɛlɛ too, yɛ bələi Esau ə gɛ la, ə nwɔ nu pɔlɔlaa lɔwɔtɔ́ɔ́ ɓá-kɔwɔ tɔ̨nɔ̨ mąą mɛ̨nį ɓa.

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!