Hebreu 13:2 - Yálá laawoo hɛɓɛ (dc)

² 'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Yálá laawoo hɛɓɛ

² 'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Bible

² Káfe kpera ŋɔ̃yâ sonîi a ǹɛ́lɛɛ, kpɛ́ni fêi, ŋɔ̃yâ soŋɔɔ a ǹɛ́lɛɛ su, núu da-ni da ɣâla-taa-kela-ŋa soŋ a ǹɛ́lɛɛ dítɛ̂i-pere.

Hebreu 13:2 Iomraidhean Croise

Zɛnɛse 18:1

Yai-Laa ə gbɔwɔ lɛ Abrahamə ɓa Mamre nwɛla kwɛlɛ. Nąąlɔwai, hvóló kulaa kpɔ kɛ, wəleen ɲɛ tɔɔ, Abrahamə heɛ ɲəi ɉəɠə pɛlɛ́ kwɛlɛ.

Zɛnɛse 19:1

Yələwulii pɔ lɔwai, Lɔtə ə kɛ heeni Sodomə taa ɉįi la, malaka hveelɛi tii diɛ pa.

Tɔɔɓɛlaa veelɛ 4:8

Ə kɛ a yələ ta, Elise yɛ tɛɛ Sunɛmə daai, nɛ̨ɛ̨nu yee walawalaa ta ə kɛ laa ə Elise mąąnɛ̨ɛ̨, yɛ Elise ə kɔ̨nɔ̨n mįi bɔɔli. Ə həɠə kɛa ɲələi ɓa, yələi lɔpee Elise aa kɛi tɛɛ la Sunɛmə, ə kɛi li yɛ kɔ̨nɔ̨n mįi nɛ̨ɛ̨nui tii pɔɔli.

Zôo 31:19

Ŋą́ nu kaa kɛ həɠə hvo mą, ŋą́ yeehowolo mun gaa kɛ ɲiihəɠə hvo ɲəi,

Zôo 31:32

Nwɛą hvo kɛi yii yɛnɛ̨ɛ̨ bɔ́ɔ́li, Ŋą́ kɛi nwɔ́ pɛlɛ laa ɓo hiɛ kulɔ mun dɔwɔ.

Azaya 58:7

'Ə́ kɔ̨nɔ̨n da tɛɛ pulu gɛlɛ pɔ, ɛlɛɛ nwɔ̨nɔ̨, ə́ yee hvowolonuą nwɛąlaa kɛ, ya nu kaa həɠə hvo mą, 'həɠə tɛɛ bɔ, nui gaa a ə́ kpinįlee kpɔɔ kpɔɔ, 'hvo ə́ ɲɛ̨i loo mą.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Maafîu 25:35

Mąąhɔlɔɓo, pulu ə kɛ mą́ą́, ka gɔ́ a kɔ̨nɔ̨n. Kpələ wɛli ə kɛ mą́ą́, ka yalaɠi tɛɛ bɔ́. Ŋą kulɔ kaa a nweą, ka nweə̨ laa kɛ.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 25:43

Ŋį́ kulɔ kaa a nweą, ka hvo nwéą laa kɛ. Mą́ą́ haɠaai kɛ, ka hvo həɠə kɛ mą́ą́. Ɲɔn ə kɛ mą́ą́, ka hvo mą́ą́ kɔ́nwɔ̨. Ŋą́ kɛ gaho ɲą, ka hvo ka woo pili mą́ą́.›

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Lomaŋ 12:13

Ká kaayɔwɔɠaai kanąn gaa diɛ, ka di mąą kpɔnmąą ɓo; ka ka yee hee nwɛ̨ą mu a kwəinɛ̨ɛ̨.

Lomaŋ 16:23

Gaiusə yai a nwɛ̨́ą́ ną́mu, yɛ ɓo a gbɔn nwɛ̨ą nąmu, yɛ ka túwɔ́ɓo. Erastə yai a daa hɛngɔw laikɛ mun, yɛ ka tuwɔ ɓo, ə mą kɛ, gu nąn non Kuartusə yaa kpɛli, yɛ ka tuwɔ ɓo.

Timote dɔlɔɔ 3:2

Kɛlaa hvo kɛli, gbɔn ɲɛ̨itɔwɔ mun, ə kɛ a nui hɔn və mą, ə ɓo a nɛ̨ą tanɔ̨n nąmu, ɲąąlaa, ɲee pɛliɛ gbɔwɔ ɓa, yɛ gbɔwɔ hon a nɛlɛɛ, ɲɛ̨i ponoɔ, yɛ pɛli nuą mąąkwɛlii,

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Taitɔ 1:8

Mąąnɛ̨ɛ̨i ə kɛ a, nui ɲɛ̨i ponoɔ nu kəlee tɔwɔ, mɛ̨nį lɛlɛɛ wɛli ə ɓo mą, ɲee pɛliɛ gbɔwɔ ɓa mɛ̨nį kəlee hu, ɉaŋąą, mąąhəɠɛɛ, bɛliɛ gbɔwɔ mu,

Piɛrə dɔlɔɔ 4:9

'Ká ká yee hee nu kəlee mu a kwəi kwɛlɛ laa, 'ká hvo ɉaa.

Zɔ̂ŋ Zaaƃai 1:5

Nwɛ́likɛmąąmun, ə́ kaa tuwɔi yɛ́ bɛli ə́ wɔɔ laa na laa ɓa, a nąn nonnii hon yá mo a nɛlɛɛ, ə mą kɛ, nwɛ̨ąą.