Hebreu 11:4 - Yálá laawoo hɛɓɛ (dc)

⁴ Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Yálá laawoo hɛɓɛ

⁴ Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Bible

⁴ Laa-la sârai ƃe Ebɛɛ è sâla kùla la Ɣâla ma, nyíi kɛ̀ a ǹɛ́lɛɛ é tɛ́ɛ Kîŋ ŋɔi mai. Zâlai ŋí sârai Ɣâla e Ebɛɛ lɛ̀ a tɔ̃yâ-nuu. Ɣâla è nyíŋi maa-sere-faa kɛ̀ a ǹyée seɛɛ Ebɛɛ ŋɔsama-sɛŋ mu. Ebɛɛ è sàa, kɛ́lɛ, ŋɔlaa-lai sârai gáa niî lônoi.

Hebreu 11:4 Iomraidhean Croise

Zɛnɛse 4:10

Yai-Laa yɛ Kain ɓa: «Lə mɛ̨nį ɓə ŋɛ̨i ə́ gɛi? Ə́ ləɠə ɲąmą woo kaa tɔɔi lɔi mɛ̨i, gɛ́ mɛ̨n, yɛ kɛ diɛ: ‹Hvo kɛli di nwɔ́ɔ́ kwələ kulɔ.›

Zɛnɛse 4:15

Yai-Laa yɛ Kain ɓa: «Kpaa-oo! Nu ta a ə́ paa, ə́ wɔ kwələ a kulɔ gee mɛ̨i mɛ̨ihveelɛ.» Yai-Laa ə nɛɛ mą, ə kɔ́lɔn ɉɛn da kɛ Kain ɓa, əgɛ, nu ta a kwiɛn na hvo baa.

Zɛnɛse 4:25

Adamə da nɛ̨ą di pənə di lon ɉulɔnu takpɛli hɔlɔɓo, di naa hee a Sɛtə. Ɛvə yɛ diɛ: «Yálá aa hvaa mą, Abɛlə ŋɛ̨i Kain ə baai, aa bɔɔi tɛɛ bɔ́.»

Zɛnɛse 4:8

Ə kɛ lɔ a yələ ta, Kain yɛ nəɠə Abɛlə ɓa: «Pa gwəli ə́ náálɛ.» Lii kɛa di moi, Kain ə wolo nəɠə Abɛlə ɓa, ə baa.

Tɔɔɓɛlaa dɔlɔɔ 18:38

Yai-Laa ə nwɔ̨n gulɔ yələi, ə ɉaláá hɛnŋąą kələn, ə gwɛi kələn, ə gwɛniɠaa kələn, bɔlɔi di gulɔ di dɔɔ, ə kəlee kələn, ɲái kɛ nowa hu, ə gbala.

Zôo 8:10

Kɛlaa, di wɛi, di kaa pai pələ ɓoi yɛ́, di ə́ kilaa pɔ̨nɔ̨. Di wɔ kiliŋą laa hu, di kaa pai mɛ̨nįɠaai ŋɛ̨i ɓoi yɛ́; diɛ kɛ yɛ́:

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Levetekɔ 9:24

Nwɔ̨n da ə kulɔ Yai-Laa lííla, ɉaláá hɛnŋąąi kɛ ɉaláá kulɔ kəhi mɛ̨i da ɉuwɔ wulɔɠaa, ə di kələn. Nuą kəlee di nąą kaa, di tómą a kwəinɛ̨ɛ̨, di pɛlɛ di liiɓa nɔi ɓa.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Hebreu 11:2

Yaa ɓə wɔlɔ gɛ, gu nąnni pɔlɔɠaa diɛ kɛla hvaa lɛlɛɛ hɔlɔɓo.

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Hebreu 5:1

Ɉaláá laa həli mun gɛnɛ̨ɛ̨ lɔpee di kɛi ɉəɠə, da ɉəɠə kɛ nu kanŋaa lɔwai, di ɉee nu kanŋaa mąą mɛ̨nį ɓa, yɛ di mąą mɛ̨nį laa həli Yálá ɓa. Nwɔɔ mąą tíi ɓaa, ə Yálá kɔ hɛn naa həli, ə nɛ̨ŋɛ̨nŋaa mąą haláá kulɔ.

Hebreu 9:22

ɛlɛɛ, yɛ bələi dɔn ə mo la, ɲąmą ɓə da ɉɛn gəlee mąąhəɠə la, ɛlɛɛ akɛ ɲąmą a wala pu, nɛ̨ŋɛ̨n mąąhvaa hva lɛɛ.

Piɛrə veelɛ 2:8

Mąąhɔlɔɓo, Lɔtə ti kɛ a dəlimoɔ, da diɛni ɓə kɛ kɛɛnąą tɔ̨nɔ̨, yɛ di kɛ mɛ̨nį ɲɔ̨nŋąa ti naa kaa, yɛ bələ mɛ̨n, yili yɛ nii kələn gwəi.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.