Hebreu 10:5 - Yálá laawoo hɛɓɛ (dc)

⁵ Yili ɓə gɛ, ɓɛlɔwai Kristə ə kɛi pa la yɛnɛ̨ɛ̨, ə mo, yɛ mą: «Haláá hɛn da kɔ́ɓo hɛn lɔpee ta wɛli hva ə́ hon, kɛlaa ə́ kɔlɔ ta tɛ mą́ą́.

Yálá laawoo hɛɓɛ

⁵ Yili ɓə gɛ, ɓɛlɔwai Kristə ə kɛi pa la yɛnɛ̨ɛ̨, ə mo, yɛ mą: «Haláá hɛn da kɔ́ɓo hɛn lɔpee ta wɛli hva ə́ hon, kɛlaa ə́ kɔlɔ ta tɛ mą́ą́.

Bible

⁵ Nyíŋi mɛni ma, tãi Kôrai è pà la ŋ̀éniɛi sui, è mo, nyɛɛi, “Ífe sâla-kúlaa da sama-sɛŋ wɛ̂li ní, kɛ́lɛ, í kpono kpɛtɛ ḿɛni ma.

Hebreu 10:5 Iomraidhean Croise

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Azaya 1:11

Ka wɔ haláá tamąąi ka ka gulɔi, Və́ kɛa da bɔ. Ɲą́ą́ Yai-Laa nwɔ́ɔ́ li, mɛlaa ka gulɔ mą́ą́ a haláái da gəlee kələn, ə mą kɛ a nįŋɛ̨ gbɔn nwulɔɠaai ka gulɔ mą́ą́ a haláá, ŋą́ą́ pilɛ ɉu. Nįŋɛ̨ hilɛ ɲąmąɠaai, mɛlaa lon da molu ɲąmąɠaa, nąą wɛli hvo kɛa mą́ą́.

Azaya 40:16

Liban wuluɠaa di mą tamą, di hva pɛli ɲəi nwɔ̨n dįnįi kwɛi kulɔi, ɉu huwɔɠaa di hva pɛli kɛi ɲəi a haláá hɛn da gəlee kələn.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Ɉeremi 31:22

Ə́ kaa lɛɛi tɔɔi yai yai ɛlɛɛ ɉu mįnɛ̨ lɔwai, Nɛ̨ɛ̨non gwɛli teɠɛɛ? Ya pa Yai-Laa aa mɛ̨nį nįnɛ̨ pɛli lɔi mɛ̨i, Nɛ̨ɛ̨nu kaa hulɔnu kwɛlii.

Ɉeremi 6:20

Lansan ŋɛ̨i ka həɠə la Saba, kaa paa la mą́ą́ mɛ̨nį ɓa, lə ɓə ŋį́ gɛ la? Lə ɓə ŋį́ gɛ a ɉɛn mąą kun nɛ̨ɛ̨i tii, ka həɠə la kwɛala lɔiɠaa hu? Ka wɔ haláá yiiɠaa da gəlee kələn, wɛli hvo mą́ą́. Ka wɔ haláá ɓɛlɛ hvo gwə́i.

Maafîu 11:3

Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 7:19

ə di tɔɔ Ną́mu Jesus pɔɔli, əgɛ, di mąąni kɛ, diɛ mą: «Akɛti, Nwun mąąɓomun Yálá ə naakwɛlanmo yaai ku kaa mąąkpɔn ɉi, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 10:7

Ya ɓə, ŋą́ kɛ mą: Ɲą́ą́ ka, mąąhɔlɔɓo, Ŋą́ą́ kpɔ ɓə, mą́ą́ mɛ̨nį ɓoɔi ɉɛɓɛ́ hu: Ŋą́ą́ pa, oo Yálá, ŋą́ ə́ liiɓa kɛ.»

Hebreu 10:8

Kristə ə gbɛa kɛ mą: «Kɔɓo hɛn, haláá hɛn da gələn, ə mą kɛ, nɛ̨ŋɛ̨n mąąhvaalɛɛ haláá, da wɛli hvo kɛli yɛ́, da hvo ə́ lii hon ni.» 'Ká ká kiliŋąlaa mą, ɉaláái mąą mɛ̨nį kaa ɓoi, ya tii wɔlɔ dɔn ə kɛ yɛ, diɛ gulɔ.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Hebreu 8:3

Ɉaláá laa həli mun gɛnɛ̨i lɔpee da ɉeei, ya ɓə a, Yálá kɔ hɛn da ɉaláá hɛnŋaa laa həli; hvo kɛli yaa kpɛlimąn, hɛn da ə kɛ ɲəi yɛ naa həli gbɔwɔ mąą mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!