Hanwon 4:8 - Yálá laawoo hɛɓɛ (dc)

⁸ 'Kanąn kili mɛ̨nį ɓa, ya ɓə a ə́ nwun muhəɠə. A kɛ a ə́ wɔ mąąwiɛ, akɛ yá kanąn mą.

Yálá laawoo hɛɓɛ

⁸ 'Kanąn kili mɛ̨nį ɓa, ya ɓə a ə́ nwun muhəɠə. A kɛ a ə́ wɔ mąąwiɛ, akɛ yá kanąn mą.

Bible

⁸ Ƃa táre ƃâa sìɣe, a pâi ílaa maa tɛ̂i. Ƃà kpùlɔŋ mà, gɛ̀ ní a pâi ƃaa-kɛ-maa tɛɛ̂i ípɔ.

Hanwon 4:8 Iomraidhean Croise

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.

Hanwon 3:16

A nu yíi kwɛa, ɛlɛɛ, yɛ yee la hvólón da mąąwiɛ tɛɛ bɔ pələ kəlee hu.

Hanwon 3:35

Kilimąą nuą da mąąwiɛ hɔlɔɓo a di kwɛlin, nwunmɛ a tɛ a kilikpɛɛgwəi nuą.

Wɛli 2:6

Gɛɓɛyee kaa laani nwún mu. Mamįiyee laŋąnŋąą gbíni ɓa.

Danîa 12:3

Nwun gɛ ɉu nuąi ŋɛ̨i kɛi kpɔmaa tɛɛ nuą pɔ diɛ lɛɛ tələnmolaa hu, di ɲɛ̨ilaa a kɛ lən ɉii yɛ pɛmɛ̨nɛ̨n gɔw.

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.