Hanwon 4:4 - Yálá laawoo hɛɓɛ (dc)

⁴ Nán ə kɛi níɛwoo kɛ, yɛ mąą: Nwóóɠaa naa kili ə lɛɛ ə́ ŋą, kpaalə ŋɛ̨i gáá nɛi yɛ́, ə́ hiɛ la; a kɛ tii, yá lamun yɛnɛ̨ɛ̨.

Yálá laawoo hɛɓɛ

⁴ Nán ə kɛi níɛwoo kɛ, yɛ mąą: Nwóóɠaa naa kili ə lɛɛ ə́ ŋą, kpaalə ŋɛ̨i gáá nɛi yɛ́, ə́ hiɛ la; a kɛ tii, yá lamun yɛnɛ̨ɛ̨.

Bible

⁴ ńâŋ è sɛŋ lɛ̀ ḿâ ǹyɛɛi, “Ŋ̀óo-ŋai ŋí lâai kɛ́ a gbanaŋɔɔ ílii su. Ŋátɔ̂ŋ-ŋai dí lɛ́ɛ íkili ŋá a gɛɛ í lɛ́ɛ a ífulu.

Hanwon 4:4 Iomraidhean Croise

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:144

Mɛ̨nįɠaai yá mo, gəlee hąŋąąi ɲɛ̨n deei və mą, mɛ̨nį hukpɛ kili tɛɛ bɔ́, gɛ́ pɛli nú kɛi.

Mąątɛ̨nɛ̨ 119:168

Ə́ wɔ tíɓoɠaai, da ə́ wɔ tɔn nwooɠaai, ŋą́ gəlee pɔ mɛ̨nį kɛ, dɛ́ɛ́ pələɠaa kəlee kaa ə́ ɲɛ̨́i ɓa.

Hanwon 22:6

Lokolo lɛɛ tiikpə, ə́ galan a kpaalə mąąnɛ̨ɛ̨ ə hiɛ la, ə mą kɛ aa pɔlɔ, hva lɛ̨ą mą.

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Hanwon 3:2

Mąąhɔlɔɓo, ɉaalai ɓə ə́ yíi a kwɛa la, ə́ wɔ kwɛlanŋaa hu ə kwɛa, ɲąą ə nɛ̨ɛ̨.

Hanwon 7:2

Yii ŋį́ mo yɛ́, 'gɛ. Ya ɓə a gɛ ə́ lamun yɛnɛ̨ɛ̨. Mɛ̨nįɠaai gáá ə́ kalan ɉii la, ɉon a nɛlɛɛ yɛ ə́ ɲɛ̨i lon.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Ɉeremi 38:20

Ɉeremi yɛ mą: «Di hva ə́ tɛɛ di pɔ, Yai-Laa woo mɛ̨n; ya ka ŋɛ̨i, gáá moi yɛ́, yá mɛ̨n, ɉu a nɛ̨ɛ̨ yɛ́, ə́ wɔ yɛnɛ̨ɛ̨ a lɛɛ ə́ yəi.

Ɉaan 12:50

Ɛlɛɛ, ŋą́ gɔlɔn gɛ́ nwɔ tɔ́n nwoo kaa a ɓalo hva kpɛɛ. Yii Ną́n ə bu ná, ya ɓə gáá moi.»

Ifisiɛŋ 6:4

Káái a lon gaa-nuą, 'ká hvo ká lonni hon a di liikələn bələ di kwəi. Kɛlaa, 'ká di kulɔ ɉu, káá di hutɔɔ, 'káá di liɛwoo kɛ a wooɠaai a həɠə gu Nąmu pɔ.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 6:6

Díɓoɠaai ŋɛ̨i gáá ɉu woo ɓoi kaa háákələi, mąąnɛ̨ɛ̨ ka di kanąn ka kili pɔ.

Timote veelɛ 1:5

Laa na laa hu kwɛlɛɛ hələ-tə-təi gaa ə́ yəi, a laa na laai gbɛa kɛ, ə́ mąą Loisə, yəi, yai nwɔ̨nɔ̨ kɛ, ə́ lee Eunisə yəi, ŋą́ gíli hvilɛn mą, náái kpɔ na, ya ka tii ə́ yəi.

Timote veelɛ 3:15

Ə həɠə ə́ lokolo yələ ɓa ə həli yiihu ɓa, ə́ ɉɛɓɛ́ mąąhəɠɛɛ hu wooɠaa kɔ́lɔn, da pɛli di kili tɛɛ ə́ pɔ, yai a nu lɔ nwun mąąɓo laa hu a nu laa Jesus Kristə la.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Nwun mąąɓo 13:12

Manoa ə pənə, yɛ mą: «Mɛ̨nį ŋɛ̨i ə́ mo, naa a hon, lə ɓə kwa gɛ nokoloi tii mąą mɛ̨nį hu?»