Hanwon 3:1 - Yálá laawoo hɛɓɛ (dc)

¹ Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Yálá laawoo hɛɓɛ

¹ Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Bible

¹ Ńoŋ, ífe nìa ŋásɛŋ-lɛɛi ma. Ŋátɔ̂ŋ-ŋai dí lɛ́ɛ íkili ŋá í dímɛi káa.

Hanwon 3:1 Iomraidhean Croise

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:153

Nwɔ́ mɔ̨nɔ̨i kaa, ə́ gúlɔ ɉu, hvó gaai, və́ lɛ̨ą li ə́ wɔ tɔn nwooi ɓa.

Mąątɛ̨nɛ̨ 119:16

Ə́ liiɓa mɛ̨nįɠaa kaa a nííɓa mɛ̨nįɠaa, vá lɛ̨ą ə́ woo ta ɓa.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 119:34

Kiliŋą laa mąą tɛɛ bɔ́, əgɛ, gɛ́ pɛli lɛɛ ə́ wɔ tɔn nwooi pulu, gɛ́ bɔ mɛ̨nį kɛ gwə́i tɔnɔ̨ mɛ̨i.

Mąątɛ̨nɛ̨ 119:61

Nuąi di hva lɛɛ di woo pulu, di wɔ ɓaaləɠaai daa mą́ą́tinɛ̨n, Kɛlaa ə́ wɔ tɔn nwooi nwɛi, vá lɛ̨ą mą.

Mąątɛ̨nɛ̨ 119:93

Vá lɛ̨ą kpɛli tanɔ̨n, ə́ wɔ tɔn nwooɠaai diɛ, mąąhɔlɔɓo, di haalai ɓə, ə́ nwɔ́ yɛnɛ̨ɛ̨ pu la nįnɛ̨ kɔ́lɔi.

Mąątɛ̨nɛ̨ 91:16

Ŋą́ bilɛ yɛnɛ̨ɛ̨ hu, ŋą́ malo.

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Hanwon 1:8

Nón, mɛ̨nįi ə́ nąn gaa ə́ kalan ɉii la, ə́ wəli tɔɔ mą, 'Hvó lɛ̨ą ə́ lee nwɔ liɛwoo ɓa.

Hanwon 16:31

Nwun bowa kaa a mąąwiɛ ɓɔlɔ, nu a ɉɔlɔɓo tələnmo pələ mɛ̨i.

Hanwon 2:1

Nón! Akɛ mɛ̨nįi gáá ə́ kalan ɉii la, gili a lɛɛ ə́ ŋą Yii ŋą́ ə́ tí la, a kɛ ə́ ɲɛ̨i ɓa yɛ hɛn gɔw;

Hanwon 23:26

Nón, ə́ kilitɔɔ mą́ą́, ə́ ɉíɛ pələ pɔɔ həɠə.

Hanwon 31:5

Mąąhɔlɔɓo da gbələ, da lɛ̨ą tɔ́n nwoo ɓa, ɛlɛɛ, diɛ mąąwɛli nuą di wɔ tɛ̨ą mąą mɛ̨nį pili ɉu.

Hanwon 4:2

A tɛ̨ą, kalan bələ lɛlɛɛ ka ŋɛ̨i gáá naa həlii kaa, mɛ̨nįi ŋɛ̨i gáá ka kalan ɉii la, ka hvo ɓo mą, ka hvo doo.

Hanwon 4:21

Hvo ɓo mą 'hvó doo. Kɛlaa, di kili lɛɛ ə́ ɲą.

Hanwon 4:5

Kili mɛ̨nį kwɛli, da nwun gɛ ɉu mɛ̨nį. 'Hvó lɛ̨ą nwɔ́ liɛwooɠaa diɛ, 'hvó ə́ pulu tɔɔ mą.

Hanwon 8:1

Kili kaa təli ɓo kɛi, nwun gɛ ɉu laa yɛ nwoo pili. Ka hvo nwoo mɛ̨n ɉii?

Hanwon 9:1

Kili aa nwɔ pɛ́lɛ́i tɔɔ, aa dɔɔmu kɛ mą mɛ̨ihveelɛ.

Azaya 51:17

'Ə́ muhəɠə, 'ə́ muhəɠə, 'haŋą ə́ tɔɔ Ɉerusalɛmə, yɛ́i ŋɛ̨i Yai-Laa yee ə nwɔ liiholi ya tɔɔ ə́ lai, ə nwun ɉu tínɛ̨n gbama tɛɛ ə́ pɔ, ə́ ɉu lɔɔ kpələ, ə́ ɉu ɓo.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 5:16

«Ə́ lee da ə́ nąn di mąąwiɛ, yɛ bələi Yai-Laa ka wɔ Yálái ə ka tí la, ə gɛ, ə́ yíi ə kwɛa, ə́ nwun na ə nɛ̨ɛ̨, nɔi ŋɛ̨i Yai-Laa ka wɔ Yálái ə dɛɛ ka pɔ ɉu.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.