Hanwon 21:4 - Yálá laawoo hɛɓɛ (dc)

⁴ Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Yálá laawoo hɛɓɛ

⁴ Ɲɛitɛmun, huɲąɲą kɛnɛ̨mun, nwąnąlɔ nuą da di wɔ mąąwiɛ, gəlee kaa a nɛ̨ŋɛ̨n.

Bible

⁴ Ŋwana-lɔ̂ɔ-nuu ŋɔfúlu-lai mɛi káa-sɛŋ ƃa ŋɛi-naŋiŋ-mɛi da yoŋka téɛɛ. Nyíŋi ǹyaŋ káa a sɔnyɔ̂ŋ.

Hanwon 21:4 Iomraidhean Croise

Zôo 18:5

Nu ɲɔ̨nwɔ̨ɔ̨ nwɔ kɛɛ pɔ̨nɔ̨i hu a kpinį, ɲəi bɛlɛ́n nwɔ̨n nən yɛ luwun.

Zôo 18:6

Nwɔ həɠə pɛ́lɛ́i mu kɛɛ pɔ̨nɔ̨ yɛ pənə a kpinį nabon a ɉee nwun na, yɛ luwun.

Mąątɛ̨nɛ̨ 10:4

Nu ɲɔ̨nwɔ̨ɔ̨ a tɛɠɛɓo Yálá hu, yɛ ɲąŋąɲąŋąlaa kulɔ la; hva kpɛli giliŋą hiɛ, a kɛ kɛi diɛ Yálá hvo laa; gwəi kili kəlee ka tii.

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Mąątɛ̨nɛ̨ 131:1

Ɲee mąąhəɠɛɛ tɛ wələ. Davidə nwɔ wələ. Yai-Laa! Kpɔwɔ ɲąąkɛnɛ̨ kili hvo gwə́i, Vá ɲɛ̨́i kulɔ mɛ̨nįi gɛnɛ̨ɛ̨ dɛɛ mą́ą́, bɔ. Vá hvilɛn mɛ̨nį kpɛa-kpɛaɠaa pulu, a mɛ̨nį kpɛa-kpɛaɠaa tii di tɛɛ mą́ą́i.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 21:27

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, mąąhɔlɔɓo, da gulɔ a líiɲɔ̨nwɔ̨ɔ̨.

Hanwon 24:20

Mąąhɔlɔɓo, mɛ̨nį ɲɔ̨n gɛ nuą di tinąą hvo diɛ; ɛlɛɛ, mɛ̨nį ɲɔ̨n gɛ nuą di wɔ nwɔ̨n a luwun.

Hanwon 30:13

Nu taɠaa kaa laa, di ɲɛ̨i tɛɠɛ ɓo ɉuwɔ, diɛ nu kəlee kaa lɔ di nwuɔ̨ pələ!

Hanwon 6:16

Mɛ̨nį mɛ̨ida kaa laa, yii nwɛli hvo Yai-Laa ɓa, di kaa kpɔ hɔlɔmun mɛ̨ihveelɛ; diɛ ɓaa:

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 3:16

Yái-Laa yɛ: yii Siɔn nɛ̨ɛ̨lɛa kaa ɓələn gulɔi, da kɛi hiɛ daa di ɲɛ̨i pili yələi, diɛ nuą ɲɛ̨i kwɛli, di hiɛ diɛ di wilɛn gbɛlin, diɛ di kɔ́wɔ kwaną talanən bɛlɛɛ tin dɔɔ;

Lukə 11:34

Nu ɲɛ̨ikɔw kaa a kɔ́lɔ nwɔ kɛɛ pono, akɛ, mɛ̨nį ta a wala kɛ mą, nu kɔ́lɔ nąą kəlee a kɛ kɛɛ pono hu. Kɛlaa, akɛ nu ɲɛ̨ikɔw nąą ta a kɛ mą, nu kɔ́lɔ nąą kəlee a kɛ kpinį hu.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Lomaŋ 14:23

Kɛlaa, nu a kɛi kɔ̨nɔ̨n mįi, ɲinɛ̨-ɲinɛ̨n ə ɓo ɉu, hɔnmąąmun ni, mąąhɔlɔɓo, hvo gɛi a ə́ kwəi kwɛlɛɛ laa na laa hu. Yaan, mɛ̨nįi hvó gɛi a ə́ kwəi kwɛlɛɛ laa na la hu, nɛ̨ŋɛ̨n ni.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»