Hanwon 20:4 - Yálá laawoo hɛɓɛ (dc)

⁴ Hviɲɛ̨mun a ɲɔw kwɛlɛ ɓa, hva kɛɛ hvala, mɔ̨nun dee yələ, yɛ mɔ̨nun gwɛli, hva ɉɔlɔɓo.

Yálá laawoo hɛɓɛ

⁴ Hviɲɛ̨mun a ɲɔw kwɛlɛ ɓa, hva kɛɛ hvala, mɔ̨nun dee yələ, yɛ mɔ̨nun gwɛli, hva ɉɔlɔɓo.

Bible

⁴ Kpâlaŋ ŋá tíi-kɛ-nuu nyɛ̃-nyɛŋɔɔ va tíi kɛ̀ a tíi-kɛ-tãi. Sí-sɛŋ ƃá kula tãi a sèri, vé pâi sɛŋ da kâai.

Hanwon 20:4 Iomraidhean Croise

Hanwon 10:4

Nu yee ɲą laɠiɛ, a gɛ a yee hvowolomun, Kɛlaa, koló kɛ yee a nu tɔɔ.

Hanwon 13:4

Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Hanwon 19:15

Hviɲɛ a nu kɛ a nu ɲą́ą́, nui vįikpɛɛ, ya ɓə pulu a baa.

Hanwon 19:24

Hviɲɛ̨mun a ɲee lɔ kɔ̨nɔ̨n ɉu hva pɛli dɛi na.

Hanwon 20:5

Liɛwoo kaa nu lii hu yɛ palə, kilimąą mun mə nwɛlɛɛ ɲái tii haɠa.

Hanwon 21:25

Mɛ̨nįɠaa hviɲɛnun a ɲɛ̨i kulɔ bo diɛ ɓə pai baai, mąąhɔlɔɓo ɲeeɠaa di hvo koló kɛ.

Hanwon 24:34

Nąąlɔwai, mąąwɛlilaa ə hee ə́ mɛ̨i, yeehvowololaa a pu ə́ mɛ̨i, yɛ toomɛ̨i kɛmun.

Hanwon 6:6

Hviɲɛmun, li tai ə́ humoɠaa kaa, ə́ di túwɔ́ pələ mąąkpɛɛ, ə́ kili hɔlɔɓo bɔ.

Ikilisiati 11:4

Nu a ɲɔw yɛ kɛ diɛ: «Gwɛlan ŋɛ̨i ɓa, tulɔ mɛ̨nį kaa ləi ŋɛ̨i-o?» A wala kɛ tii, «Vaŋą tɛɛ pələ kaa ləi ŋɛ̨i?» Mąą nu hva hihɛn ɉi, yaan hva hihɛn da ma hɔlɔɓo.