Hanwon 19:8 - Yálá laawoo hɛɓɛ (dc)

⁸ Nui a kili hɔlɔɓo, a gbɔwɔ wɛlilakɛ, nui a ɲee kanąn nwun gɛ ɉulaa ɓa, bulu a nɛɛ mą.

Yálá laawoo hɛɓɛ

⁸ Nui a kili hɔlɔɓo, a gbɔwɔ wɛlilakɛ, nui a ɲee kanąn nwun gɛ ɉulaa ɓa, bulu a nɛɛ mą.

Bible

⁸ Ǹúui a táre kɔ̀rii, è gbîŋ wɛ́lini. Mɛni-ŋa-kaa-nuu a mɛni lɛ́lɛɛ sɔlɔ ƃô.

Hanwon 19:8 Iomraidhean Croise

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Hanwon 16:20

Nui a giliŋąhiɛ yɛ mɛ̨nį ɓo, a kulɔ ɉu a nɛlɛɛ. Nui nwɔ̨nɔ̨ a nɛɛ ɲəi kɛ Yai-Laa ɓa, nwun na nɛ̨ɛ̨ lon ni.

Hanwon 17:16

Wali kɛɛ kilikpɛɛgwəi mun ɲəi, dɔlɔ ɓaa lə? A pɛli mɔ̨ɔ̨ kili hɔlɔɓoi la? Kili hvo yaai tii mą.

Hanwon 19:9

Nui a kɛla hvaa ɓo a lɛɛ, ɉu tɔɔ mɛ̨nį hva ɉəɠə mą. Nui a lɛɛ mɛ̨nį ɓo, nwun a lɛɛ ɉu.

Hanwon 22:18

Mąąhɔlɔɓo, yá ə́ kili lɛɛ ɉu, ə́ naaikɛ ə́ líi hu, a ə́ laaləi kɛ kili pələ ɓo laaləi.

Hanwon 3:18

Gaa a yíipoo wulu, nuąi da di yee hee mu diɛ. Nui a ɉon kpaan, a kɛ nwun na nɛ̨ɛ̨ hu.

Hanwon 3:21

Nón, kɛ gili-gili laa, mɛ̨nį hukpɛ kili, mąą hvo kwɛa ə́ ɲɛ̨i mu, 'hvó lɛ̨ą mɛ̨nį hveelɛi tii ɓa.

Hanwon 3:22

Di kaa a ə́ nįį nwɔ yii-yɛnɛɛ, di ɓo a mɛ̨inɛ̨ɛ̨ kwɛɛn ə́ kwąną.

Hanwon 4:21

Hvo ɓo mą 'hvó doo. Kɛlaa, di kili lɛɛ ə́ ɲą.

Hanwon 4:4

Nán ə kɛi níɛwoo kɛ, yɛ mąą: Nwóóɠaa naa kili ə lɛɛ ə́ ŋą, kpaalə ŋɛ̨i gáá nɛi yɛ́, ə́ hiɛ la; a kɛ tii, yá lamun yɛnɛ̨ɛ̨.

Hanwon 4:6

'Hvó ə́ pulu tɔɔ kili mɛ̨nį ɓa, ya ɓə pai ə́ mɛ̨i kaa. Nwɛli la kɛ, ya ɓə a ə́ mąąkɔ̨nwɔ̨.

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Ɉaan 12:25

Nui a nwɔ yɛnɛ̨ɛ̨ wɛli la kɛ, yɛ viɛlaɓo Yálá ɓa; a kulɔ ɲəi. Kɛlaa, nui a gili kulɔ ɲɛnɛ̨ɛ̨ ŋɛ̨i hu Yálá mąą mɛ̨nį ɓa; a ɉɔlɔɓo ɲɛnɛ̨ɛ̨i kpɛɛ hvo mą ɉu.

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Piɛrə dɔlɔɔ 3:10

Hvó gaai, moɔi yɛ mą: «Gbɛɛ ɓə lamun yɛnɛ̨ɛ̨ wɛli kaa mą? Ɛlɛɛ, gaa bɔ ə nwunnąnɛ̨ɛ̨ yɛnɛ̨ɛ̨ kaa? Mąąnɛ̨ɛ̨ ə nɛ̨n dɔɔ gani vaa woo tɔwɔ, ə ɲee kɛ naaləi ɓa, ɛlɛɛ, nu ɓowo woo hvo kulɔ na,