Hanwon 13:4 - Yálá laawoo hɛɓɛ (dc)

⁴ Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Yálá laawoo hɛɓɛ

⁴ Hviɲɛmun hva niiɓa kɛ. Kɛlaa, walamun a liiɓa hɛn ɉɔlɔɓo.

Bible

⁴ Zɛŋ ŋ̀wɛli káa nyɛ̃ŋ-nyɛŋ-nuu mai, va zɔlɔ ƃô, kɛ́lɛ zɛŋ tíi-kpanaŋ kɛ́-nuu a ŋ̀wɛ̂lii, a zɔlɔ ƃô.

Hanwon 13:4 Iomraidhean Croise

Zɛnɛse 26:32

Voló tɔ̨nɔ̨i tii yee mu, Isaakə nwɔ luwɔɠaai di pa di mɛ̨nį ta ɓo mą, yɛ hvilɛn na ɲálɔwa nįnɛ̨ ɓa, yii di kɛi dee, diɛ mą: «Kwaa həli ya ɓa.»

Mąątɛ̨nɛ̨ 92:14

Ɉinŋąąi mɔ̨ɔ̨ Yai-Laa yəi bɛlɛ́n, yɛ kɛnɛ̨ gu wɔ Yálái yəi gwəlii.

Hanwon 10:4

Nu yee ɲą laɠiɛ, a gɛ a yee hvowolomun, Kɛlaa, koló kɛ yee a nu tɔɔ.

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.

Hanwon 12:11

Nui a ɲəi ɲɛa koló kɛ, gɔ̨nɔ̨n va kpɛɛ ɲəi. Kɛlaa, nui a hvilɛn ɓowo mɛ̨nį pulu, mąą nu kili hvo mą.

Hanwon 12:24

Nui nwalaa, gaa pai tɔɔlaa kɛi; Kɛlaa, hviɲɛ kulɔmun nwɛi, hvɛɛ da gbaan goló laa mą.

Hanwon 12:27

Loɉoi gaa ɲąą, hva baa huwɔ paa, Kɛlaa, nu kɛɛ gíligíli lɛlɛɛ.

Hanwon 13:3

Nui a ɲee kɛ naaləi ɓa, a nwɔ yɛnɛ̨ɛ̨ mɛ̨i kaa. Kɛlaa, nui a howon a mɔlɔ, a gbɔwɔ nwun na pili.

Hanwon 13:5

Lɛɛmun nwɛli hvo tələnmomun ma. Kɛlaa, nwąnąlɔmun a nu laa kala, yɛ mɛlɛkpɛɛ mą.

Hanwon 20:4

Hviɲɛ̨mun a ɲɔw kwɛlɛ ɓa, hva kɛɛ hvala, mɔ̨nun dee yələ, yɛ mɔ̨nun gwɛli, hva ɉɔlɔɓo.

Hanwon 21:25

Mɛ̨nįɠaa hviɲɛnun a ɲɛ̨i kulɔ bo diɛ ɓə pai baai, mąąhɔlɔɓo ɲeeɠaa di hvo koló kɛ.

Hanwon 21:5

Nu walaa a koló kɛ a gili, a dɔ̨nɔ̨ hɔlɔɓo, Kɛlaa, nui a nii mąą kpɛlin, a too kanąn ɉu.

Hanwon 24:30

Ŋą́ tɛɛ hviɲɛ̨mun da yəi ɲɛa, nu hɛɠɛɓoɔ ta ŋą viɲə yɛa kwɛlɛ.

Hanwon 24:31

Ɲąąlən da tumɔ ɲɔ̨nwɔ̨ɔ̨ɠaa daa tiliin ɲɛa naa kəlee, nwɔ tíi mąąkwəli kwɛni, aa pu.

Hanwon 26:13

Hviɲɛ̨mun a kɛ diɛ: «Nu kala huwɔ kaa bələ pɔ, yala kaa pɛlɛni gwəli hąąi!»

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.

Hanwon 6:6

Hviɲɛmun, li tai ə́ humoɠaa kaa, ə́ di túwɔ́ pələ mąąkpɛɛ, ə́ kili hɔlɔɓo bɔ.

Hanwon 8:34

Lúwɔ́ lon maa nui a nwəli tɔɔ nwóó ɓa, dɔɔ ɲə́i bɛlɛ́ laaləi a yələ kəlee, yɛ ɓo a ɲɛ̨i yɛ ɲɛ̨i kɛ ɲə́i bɛlɛ́ laaləi ɓa.

Wɛli 5:3

Ŋą́ą́ mą́ą́ hɛnŋaa kulɔ mą́ą́, ŋą́ pənə kpɔ kɛa ləi gɛ́ gɛ mą́ą́! Ŋą́ą́ gɔ́wɔ́ ɓa kələ a nɛlɛɛ, ŋą́ pənə kpɔ kɛa ləi gɛ mąąliɓi!

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Lonon mo 23:10

Gbɛɛ ɓə a pɛli Ɉakɔbə nwɔ muluun gbalai nonon ɉii? Da Israɛlə nwɔ nu kpului tii líi lɔ daną danąi? Yálá ə gɛ ŋį́ haa a dələnmo nuąi ŋɛ̨i haa pələ. Nwɔ́ yɛnɛ̨ɛ̨ laa kulɔi ə kɛ yɛ di wɛi.»

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Zasua 7:3

di pənə di pa Ɉosue pɔ, diɛ mą: «Ə mą kɛ nuą kəlee di hvo li li, nu waa hveelɛ, awala kɛ tii nu waa haaɓa ɲɔ̨nwɔ mąn, də li lɔ di Ai taa huwolo a kɔ́; mąąhɔlɔɓo, nuąi laa di hvo tamą li.»