Filipə 1:1 - Yálá laawoo hɛɓɛ (dc)

¹ Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Yálá laawoo hɛɓɛ

¹ Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Bible

¹ Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ-Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Filipə 1:1 Iomraidhean Croise

Markə 13:34

Nąąlɔwai kɛ pələ kaa pai kɛi yɛ: Hulɔnu ta yii kɛi li hiɛ ɓa, gɛɛ kulɔi ɲəi bɛlɛ́n ə bɛlɛ́n diɓoɠaa kalihvaɓo nwɔ tínuą diɛ. Ə nu kəlee kɛ kólo tɛɛ bɔ, yɛ bɛlɛ́ laaləi mɛ̨i kaa mun mą: ‹Ə ɲɛ̨i kɛ bɛlɛ́ laaləi.›

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Gɛlaɠaa 1:20

Yaan, mɛ̨nįi bɛ̨ɛ̨ Yálá mąątɛnɛ̨ wələ hɛɓɛ́ hu, ya ka, diɛ mą: «‹'Nwɔɔ pɛlɛ́i ə lɛɛ aa gboloon, nu hvo lɔ mu.› «Bɛ̨ɛ̨ nwɔ̨nɔ̨ ɉɛɓɛ́i ti naa ta yɛ mą: «‹Nu takpɛli ə tɔɔ dɔɔi.›

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Gɛlaɠaa 9:13

Ananiasə ə nwoo ɲąąpənə yɛ mą: «Nąmu, ŋą́ą́ nu tamąą woo mɛ̨n, diɛ ɉulɔnui tii laa pələ ɓo, mɛ̨nį ɲɔ̨n kpɔ aa naa ə́ wɔ nu mąąhəɠɛɛɠaa diɛ Ɉerusalɛmə, diɛ ɉukulɔ.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Korɛntə dɔlɔɔ 16:10

Timote a pa laa, ka ká yee hee mu a nɛlɛɛ, mąąhɔlɔɓo, kwa yaa ɓə ku kaa Ną́mu nwɔ kólói ɓa kuɔ gɛ.

Korɛntə veelɛ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun, kwa gu nąn non Timote ɓə ɉɛɓɛ́i ŋɛ̨i tɛɛi Yálá ŋą kpɔn ɓa, yai gaa Korɛntə, ə mą kɛ, galan nɛai di kaa Akaiə nąą kəlee.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

Ifisiɛŋ 1:15

Yili ɓə gɛ, ɲą́ą́ kpɛlimąn,, 'ká laa mɛ̨nį gu Nąmu Jesus la, da mąąhəɠə nuą wɛli la kɛ pələ ká yəi, yii kpɔ kɛa ŋą́ yili bələ mɛ̨n;

Ifisiɛŋ 6:24

Nuąi kpɔ gu Nąmu Jesus Kristə wɛli kaa diɛ ɲɛ̨n deei hvo mą, Yálá ŋą nɛ̨ɛ̨laai ə kɛ di kəlee diɛ.

Filipə 2:19

Ną́mu Jesus hu, gáá bɔ ŋą́ Timote tɔɔ ka pɔɔli yiihu, a ɉu kpua, ə gɛ ɓɛlɔwai a pənə a paa la a ka mąą mɛ̨nį hukulɔ mą́ą́, ɲą́ą́ gbɛli ŋį́ hvaŋą lɔ hɔlɔɓo.

Filipə 2:5

Mąąnɛ̨ɛ̨ ka wɔ kiliŋąhiɛ ə kɛ lɔ yɛ pələi Kristə nwɛi ə kɛ la.

Filipə 3:12

Və́ kɛli káá, ŋą́ą́ gəlee hɔlɔɓo, a wala kɛ ti, ŋą́ą́ mɛ̨nį kəlee aa pɛli ɉu, kpaa-o! Kɛlaa, gáá tɔɔi a nwą́nąi gilɛ həɠɛɛ hu, ə gɛ, ŋą́ həli dɔ̨nɔ̨ ɓa, mąąhɔlɔɓo, ɲą́ą́ gbɛli, Jesus Kristə ə ɉón.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Tɛsalonikə dɔlɔɔ 1:1

Polə, Silvain, ɛlɛɛ Timote, kuɔ ɓə ɉɛɓɛ́i ŋɛ̨i tɛɛi Tesalonikə kalan gbɔn ɓa, diɛi di kaa gu Ną́n Yálá da gu Ną́mu Jesus Kristə hu. Mɛ̨inɛ̨ɛ̨ da liilaa ə kɛ ka pɔ.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Tɛsalonikə veelɛ 1:1

Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu.

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Timote dɔlɔɔ 3:8

Gbɔn ɉu mɛ̨nį ɲɛ̨i kulɔ nuą diɛ kpɛli, mąąnɛ̨ɛ̨ di kɛ a nu mąąwiaɠaa, diɛ kulɔ di woo ɓa, di hvo di kpɔwɔ tɛɛ lɔɔ pɔ, ə mą kɛ, nwumɛ̨ hɛn gwɛliɛ.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Taitɔ 1:7

Hvo kɛli, nui a kɛ gbɔn nwun na, yai a Yálá ŋą hɛn gɔwii laai kɛmun, ə kɛ a nui hɔn və mą, hvo kɛ a ɲɛ̨itɛ hvaaɓomun, a liikələn gwəi mun, a lɔɔ kpələmun, a hvaa kɛmun, hvo kɛ a hvulu hɛn gwɛlimun.

Filemɔn 1:1

Ɲą́ą́ Polə, ɲą́ą́ ŋɛ̨i gaho ŋą Jesus Kristə laa mąą mɛ̨nį ɓa, kwa Timote ɓə ɉɛɓɛ́ ŋɛ̨i tɛɛi Filemɔn ɓa, diɛi kwa diɛni ku kaa díɓo tɔ̨nɔ̨i ŋɛ̨i ɓa.

Hebreu 13:23

'Ká kili ə pu ɉu káá, gu nąn non Timote aa kulɔ gaho ŋą. A pa ɉa, kwa yaa kwa pa ká pɔɔli.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 2:8

Malakai gbɔn nwun na Smirnə, hɛɓɛ́ kɛ ə dɛɛ mą: «Dɔlɔɔ da Gbɛla mąą, woo ka, yai di baa, kɛlaa, ə pənə ə kɛ a vúlú, yɛ:

M̀ɛni-lɛɛi 22:9

Kɛlaa, yɛ mą́ą́: «'Hvó kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii a Yálá kwəi mɛ̨nį hukulɔ nuą di mąą mɛ̨nį ɓa, ɛlɛɛ, da nuąi da di yee kąnąn ɉɛɓɛ́i ŋɛ̨i hu wooɠaa diɛ. Yálá ɓə mąąnɛ̨ɛ̨i di gwɛli hvilɛn mą.»