Ɛsdrasə 9:6 - Yálá laawoo hɛɓɛ (dc)

⁶ Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Yálá laawoo hɛɓɛ

⁶ Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Bible

⁶ Ŋá m̀o ńyɛ̂ɛi, “Óo Ŋáɣâlai, ŋumɛ káa ḿâ a gɛɛ ŋá ŋ́uŋ mu siɣe íŋɛi túɛ. Kúsɔnyɔ̂ŋ su a kɛ́tɛ a tɛɛ kúkpono ma, a tɛ́ ŋ̀ele-kɔlɔŋ su.

Ɛsdrasə 9:6 Iomraidhean Croise

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Kɔlɔnikɔ Veerɛi 28:9

Yai-Laa kwəi mɛ̨nį hukulɔ mun da ə kɛ Samari, diɛ kɛ mą: Odɛdə. Israɛlə kɔlaɠa kɛɛ bulu pənəi, yɛ pai Samari, Odɛdə ə kulɔ yɛ li di laakwiɛn ɉii, yɛ diɛ: «Ka nąnni di wɔ Yálái Yai-Laa lii aa holi Ɉuda pɔ, ya ɓə gɛ yɛ di lɔ ka yee ŋą, kaan, kaa gɛɛ kalaa huwiɛ, aa həli yələ kɔ́lɔn ma.

Ɛsdrasə 9:13

Yili ɓa, mɛ̨nįɠaai kpɔ laa kuɔ, ə kulɔ ku wɔ túwɔ́ pələ ɲɔ̨n da ku wɔ nɛ̨ŋɛ̨nŋąą mąą mɛ̨nį hu. Kɛlaa, Yɛ́i ɓaa ku wɔ Yálá, ə́ ku wɔ nɛ̨ŋɛ̨nŋąą lɛɛ kuɔ a kpɛli, ə́ ə́ kili kulɔ ku wɔ nɛ̨ŋɛ̨nŋąą hu, hvó ku hon ni yɛ pələi ku túwɔ́ la. Ɛlɛɛ, yɛ́ gbəli wolo lɛɛ a vulú, yɛ́ naahɔn mo.

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Zôo 40:4

Lə kɛ hɛn mąą ɲą́ą́, yaai ŋą́ ə́ woo pulu pənə? Ŋą́ą́ ɲéé pɛlɛ ná, və́ kɛa hvaai.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 38:4

Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!

Mąątɛ̨nɛ̨ 38:5

Mąąhɔlɔɓo, ɉɔ́n aa kɛnɛ̨ aa tɛɛ gbínį ɓa, nwiɛ yee aa tɛɛ mą́ą́.

Lɛɛ gbɔwɔ ɓa 32:31

Moisə ə pənə ə li Yai-Laa pɔ, yɛ mą: «Nuąi ŋɛ̨i daa nɛ̨ŋɛ̨n gɛnɛ̨ həɠə, daa di kpɔɔ hali pɛli a hɛni.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 59:12

Mąąhɔlɔɓo kuɔ túwɔ́ pələ ɲɔ̨n damąąi kaa tɔɔnin ə́ lííla, ɛlɛɛ kuɔ hɔn ɲɔ̨nŋąąi diɛ ku kalamąɓo, tɛ̨ą li, kuɔ kulɔ nwoomu laa kanąnŋąąi lɔ kuɔ, ɛlɛɛ ku ku hɔnŋąąi tii kɔ́lɔn.

Ɉeremi 3:3

Yili mąą mɛ̨nį ɓə gɛ, və́ ə́ kɔ́ a tulɔ. Ə lɛɛ, weewaa tulɔ hvo pu. Pələi mąn ə kɛ la tii, ə́ ə́ yee kanąn nɔ ə́ wɔ wɛli hon ŋaaɓa. Mɛlɛkpɛɛ mąąi a hvə yɛ́, hvó kpɛli gɔlɔn ni.

Ɉeremi 31:19

Ŋą́ búlu tɔɔ kɛ yɛ́, kɛlaa, ŋą́ą́ ɉɔ́n mąą hvalin: Pənəi ŋą́ mo gɛ́ gbɔ́ɔ́ kɛ pələ kaa, ŋą́ kɛi níí pɔ kɛlɛ. Kwəi pili mąą da nwumɛ̨ daa ɉón. Mąąhɔlɔɓo, gáá nwɔ́ hulɔnon naai ŋį́ gulɔ, bulu mɔ̨nɔ̨ mįi.

Ɉeremi 51:9

Kwaa Babilonə hali kɛ pələ kwɛli, Kɛlaa, kɛi hvo kɛa mą. 'Ka tee kɛa mą, nu kəlee ə li bɔ taai, nwɔ mɛ̨nįi aa həli yələkɔlɔ ma, aa tɛ tulɔ kpinįnŋaa diɛ.

Ɉeremi 6:15

Di wɔ túwɔ́ pələ ɲɔ̨n tii kaa pai di ɲɛ̨i paai. Ə mą kɛ tii, yiihu di hva kpɛli nwumɛ̨. Di kili hvo ɉu diɛ kɛ di ɓɛlɛ aa kpɛɛ diɛ; yili mąą mɛ̨nį ɓa, di kaa pai tooi yɛ nu kəlee; ɓɛlɔwai gáá pai múhəɠəi la di laa ɓa, di kaa pai tooi, ɲą́ą́ Yai-Laa nwóó li!

Ɉeremi 8:12

Di kaa pai nwumɛ̨i di wɔ túwɔ́ pələ ɲɔ̨n ɉu. Kɛlaa di hvo mąn kɛa nwumɛ̨ kɔ́lɔn. Di kili hvo ɉu, diɛ kɛ di ɓɛlɛ aa kpɛɛ diɛ. Yili ɓə gaa mą: Yai-Laa yɛ diɛ: Di kaa pai tooi yɛ nutakpɛliɠaa tii kəlee. Di woo hukulɔ yələ di ɲɛ̨i a paa.

Woolaa 3:42

Kuɔ ɓə nɛ̨ŋɛ̨n ɉəɠə, kuɔ ɓə nwoo lɛɛ, yaan, hvo ku mąąwɛli kaa li.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Levetekɔ 26:40

«Kɛlɛɛ, di kaa pai hvaai di hɔn ma, da di nąnni, diɛ kɛ daa nɛ̨ŋɛ̨n ɉəɠə mą́ą́, daa tɔɔ Ná.

Lukə 15:21

Non ə mo kɛa mą, yɛ mą: ‹Ną́n, ŋą́ą́ nɛ̨ŋɛ̨n ɉəɠə Yálá ɓa, ŋą́ą́ nɛ̨ŋɛ̨n ɉəɠə yɛ́. Mą́ą́ hvo kpɛli nɛ̨ɛ̨li hvo gáá a ə́ lon da.›

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

M̀ɛni-lɛɛi 18:5

Gbala ə tɔɔ, nwɔ nɛ̨ŋɛ̨nŋaa daa tɛ, daa həli yələ kwəi, ɛlɛɛ, Yálá aa gili hvilɛn nwɔ tuwɔ pələ ɲɔ̨nŋaai diɛ.