Ɛsdrasə 8:1 - Yálá laawoo hɛɓɛ (dc)

¹ Bɛlɛ nąmįną da nu huwuɠaai kwa diɛni ku həɠə Babilonə lɔi hu, tɔɔmun Artasɛrsɛsə nwɔ tɔɔlaa lɔwai, diɛ ka:

Yálá laawoo hɛɓɛ

¹ Bɛlɛ nąmįną da nu huwuɠaai kwa diɛni ku həɠə Babilonə lɔi hu, tɔɔmun Artasɛrsɛsə nwɔ tɔɔlaa lɔwai, diɛ ka:

Bible

¹ Tãi Gâloŋ Atasɛra è kɛ̀ la a kâloŋ Pɛsia lɔii mɛi, Ɛzura da ǹûai kùla gɔ-soŋ-laai su Babelɔŋ dí pá pôlu Zerusâlɛŋ, dísuui láa túɛ-ƃelai láa káa ŋí:

Ɛsdrasə 8:1 Iomraidhean Croise

Kɔlɔnikɔ Maa-ŋuŋ 24:31

Diɛ kpɛlimąn, bələi tii di kaayɔwɔɠaai a Aarɔn lonnii di gɛ la, bələ lɔ ɓə di gbɛɛn bili la heeɓomun Davidə, Sadɔkə, Ahimelɛkə, da ɉaláá kulɔ pɛlɛ́ nąmįną ɲɛ̨i ɓa, ə pɛlɛ la Levi lonnii diɛ, bɛlɛ́ nąmįną, ə mą kɛ, nəɠə nwɔ pɛlɛ́ nąmįną diɛ.

Kɔlɔnikɔ Maa-ŋuŋ 26:32

Yaa, da gaayɔwɔɠaa, di kɛ a kpakolo waa hveelɛ pulu nwun mɛ̨ihveelɛ, a pɛlɛ́ nąmįną; diɛ ɓə tɔɔmun Davidə ə di hee Rubɛn nwɔ pɛlɛ́i nwun na, da Gadə nwɛiɠaai, ɛlɛɛ, Manase huwu bələ tɔ̨nɔ̨i kɛ ɲanwuɔ̨ pələ; diɛ ɓə di yee ə kɛ Yálá mąą mɛ̨nį ɲɛ̨ikulɔ mɛ̨nįɠaa diɛ, da dɔɔmun nwɛiɠaai.

Kɔlɔnikɔ Maa-ŋuŋ 4:33

ə pɛlɛ la daa-lee kwɛlɛ taa pɛlɛɛɠaa diɛ, ə pa ə həli la Baalə. Yili ɓə kɛ a di hee lɔiɠaa.

Kɔlɔnikɔ Maa-ŋuŋ 9:1

Di Israɛlə nuą kəlee lonon, di di laa pɛ̨ɛ̨ Israɛlə tɔɔɓɛlaa di wɔɔ hɛɓɛ́i hu. Yii ɓaa Ɉuda nuą di wɛi, di wɔlɔ li a diɛ Babilonə luwɔlaa hu, di wɔɔ woo kala laa mąą mɛ̨nį ɓa.

Kɔlɔnikɔ Maa-ŋuŋ 9:34

Levi lonnii kɛ a pɛlɛ́ nąmįną, nwun nąmu laa ə ɓo diɛ həɠə gee pɔ kəlee mɛ̨i, diɛ ka tii. Di kɛ heeni Ɉerusalɛmə daai.

Kɔlɔnikɔ Veerɛi 26:12

Gɔkuláa walawalaɠaa tii di kɛ kuláa walawala nu waa hveelɛ pulu nwun mɛ̨ida yee mu.

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Ɛsdrasə 2:2

Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:

Ɛsdrasə 2:3

Pareɔsə lonnii di kɛ a nu waa hveelɛ pulu nwundɔ̨nɔ̨ ɲee mɛ̨ihveelɛ kɔ́w hveelɛ (2172)

Ɛsdrasə 2:62

Nuą tii, di di laa leelee kwɛli ɉɛɓɛ́ hu, di hvo ɉɔlɔɓo, di di kaa kɛa yɛ nu mɛ̨nį kalaaɠaa, di di laa kulɔ ɉaláá kulɔ nuą lɔwai.

Ɛsdrasə 7:13

«Wóó ka, gɛ̨ diɛ: Nui lɔpee gaa nwɔ́ lɔi hu a Israɛlə mun da, ə kɛ a haláá laa həli nuą, ə kɛ a Levi huwuhu nuą, da kɛ bɔ də li Ɉerusalɛmə, ka diɛni ka li.

Ɛsdrasə 7:28

Aa hvaa mą, tɔɔmun aa ɲɛ̨i lɛlɛɛ hee mą́ą́, da nwɔ ɲɛ̨itɔwɔ nuą, ə mą kɛ nwun nąmįną, diɛi kpɔ di yee walawalaa. Mɛ̨nįi tii ə vaŋą lɔ, ŋį́ Israɛlə kalanɉonŋąą ŋąąkpɔn, kwa diɛni ku pa.»

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Ɛsdrasə 7:7

Israɛlə lonnii tamąą, da ɉaláá laa həli nuą tamąą, da Levi lonnii tamąą, wələ too nuą tamąą, bɛlɛ́ laaləi mąąkpɛ nuą tamąą, da tɔɔmun nwɔ tínuą tamąą də li Ɉerusalɛmə, tɔɔmun Artasɛrsɛsə nwɔ tɔɔlaa gwɛlan mɛ̨ihveelɛ lɔwai.

Ɛsdrasə 8:2

Pinasə lonnii lɔwai, Gɛrsɔmə. Itamarə lonnii lɔwai, Daniɛlə. Davidə lonnii lɔwai, Hatusə;