Ɛsdrasə 7:1 - Yálá laawoo hɛɓɛ (dc)

¹ Mɛ̨nįɠaai tii tɛɛ pulu, Pɛrsə tɔɔmun Artasɛrsɛsə nwɔ tɔɔlaa lɔwai hu; Ɛsdrasə ŋɛ̨i kɛ a Seraya lon, a Azaria lon, a Hilkiya lon,

Yálá laawoo hɛɓɛ

¹ Mɛ̨nįɠaai tii tɛɛ pulu, Pɛrsə tɔɔmun Artasɛrsɛsə nwɔ tɔɔlaa lɔwai hu; Ɛsdrasə ŋɛ̨i kɛ a Seraya lon, a Azaria lon, a Hilkiya lon,

Bible

¹ Kóraŋ támaa tɛɛ́ pôlu ma, dí Atasɛra kɛ̀ a kâloŋ Pɛsia lɔii mɛi. M̀aa tãi tí nalôŋ tɔnɔ è kɛ̀ naa ǹáa ƃé kɛ̀ a Ɛzura. È dínuu-suui kɔ́ɔ pîlaŋ mɛni pɔlɔi kɔ̂ri é gáa. È gɔ̀lɔŋ a gɛɛ gáa a Eezuɛ ŋɔsâla láa-soŋ nuu kɛ́tɛi Eelɔŋ ŋɔsuui su-nuui da. M̀ɛni-ŋai ŋí ƃé è gàa nyíi ǹɛ ma a gɛɛ gáa a ǹúu suui ŋí su nuu da. Dísuui kɔ́ɔ pîlaŋ-pere káa ŋí: Ɛzura ǹâŋ láa ƃé kɛ̀ a Seraya. Seraya ǹâŋ ƃé kɛ̀ a Azaria, Azaria kɛ́ ƃò a Ikaya ǹóŋ.

Ɛsdrasə 7:1 Iomraidhean Croise

Tɔɔɓɛlaa veelɛ 22:4

«Lí yɛ́ ɉaláá laa həli mun gɛnɛ̨ Hilkiyahu ɓa, ə ɉɛngɔwɠaa Yai-Laa yəi bɛlɛ́n, ɉeekpəlin na kɛ, da yii bɛlɛ́ laaləi mąąkpɛ nuą da ɉon nɔi nuą yəi.

Tɔɔɓɛlaa veelɛ 22:8

Ɉaláá laa həli mun gɛnɛ̨ Hilkiyahu yɛ ɉɛɓɛ́ kɛmun Safan ɓa: «Ŋą́ą́ dɔ́n ɉɛɓɛ́ kaa Yai-Laa yəi bɛlɛn.» Hilkiyahu ə ɉɛɓɛ́ tɛɛ Safan pɔ, yili ə mo.

Tɔɔɓɛlaa veelɛ 25:18

Tɔɔmun mąąkpɛ kɔ́kulááɠaa nwun nąmu ə, Seraya hon, yai kɛ a ɉaláá kulɔ nuą nwun nąmu ə mą kɛ, Sefaniahu, yii lɛɛ bɔɔ ɓa, da bɛlɛ́ laaləi mąą kpɛ nuą haaɓai.

Kɔlɔnikɔ Maa-ŋuŋ 9:11

Azaria, Hilkiya lon, Mesulamə lon, Sadɔkə lon, Merayotə lon, Ahituvə lon, yai kɛ a Yálá nwɔ pɛlɛ́i mɛ̨i kaa nuą nwun nąmu.

Kɔlɔnikɔ Veerɛi 34:15

Hilkiyahu yɛ ɉɛɓɛ́ kɛmun Safan ɓa: «Ŋą́ą́ dɔ́n ɉɛɓɛ́i kaa Yai-Laa nwɔ pɛlɛ́i mu.» Hilkiyahu ə dɔ́n ɉɛɓɛ́ tɛɛ Safan pɔ.

Kɔlɔnikɔ Veerɛi 34:9

Nuą tii di li ɉaláá laa həli mun gɛnɛ̨ Hilkiyahu pɔ. Nwalii lévi lonnii a bɛlɛ́ laaləi mɛ̨ikaa nuą, di ɉon Manase nuą, Ɛfraimə nuą, Israɛlə nuą kəlee, Ɉuda nuą da Bɛnɉamɛn nuą kəlee, ə mą kɛ, Ɉerusalɛmə nuą kəlee yəi, di paa la a Yálá nwɔ pɛlɛ́i nwɔɔ, di dɛɛ Hilkiyahu pɔ.

Ɛsdrasə 4:7

Tɔɔmun Artasɛrsɛsə nwɔ tɔɔlaa lɔwai, Bislamə, Mitredatə, Taveɛlə, da di ɓɛlaa kəlee, di hɛɓɛ́ pɛ̨ɛ̨ di dɛɛ tɔɔmun ma. Di ɉɛɓɛ́i tii pɛ̨ɛ̨ a Aramə nuą di wɔ hɛɓɛ́ kɔ́w, da di hvaa woo.

Ɛsdrasə 6:14

Ɉuifə kalanɉonŋąą yee ə lɛɛ bɛlɛ́ tɔɔ koló ɓa a nɛlɛɛ, yɛ pələi Yálá kwəi mɛ̨nį hu kulɔ nuą Aze da Ido lon Zakari di mo la; di bɛlɛ́ tɔɔ koló laa kulɔ, yɛ pələi Israɛlə nwɔ Yálá ə mo la; yɛ bələi Pɛrsə tɔɔɓɛlaa Sirusə, Dariusə da Artasɛrsɛsə di mo la.

Ɛsdrasə 7:10

Mąąhɔlɔɓo, Ɛsdrasə ə vaŋą lɔ Yai-Laa nwɔ tɔ́n kalan ŋąą ɓa, yɛ bɔ mɛ̨nį kɛ, ɛlɛɛ, yɛ ɉon bələ kalan Israɛlə lonnii diɛ.

Ɛsdrasə 7:12

«Artasɛrsɛsə, tɔɔɓɛlaa di wɔ tɔɔmun, gáá yələkɔlɔn ɉu Yálá nwɔ tɔ́n gɔlɔn mun a haláá laa həli mun Ɛsdrasə túwɔ́ ɓoi, yɛ li la tɔwɔ pələ.»

Ɛsdrasə 7:2

Salumə lon, Sadɔkə lon, Ahituvə lon,

Ɛsdrasə 7:21

Ɲą́ą́ tɔɔmun Artasɛrsɛsə, gáá moi Eufratə ya voló tooi pələ lɔi nwɔ wali pɛlɛ la nuą kəlee diɛ, gɛ́: mɛ̨nįi lɔpee yələkɔlɔn ɉu Yálá nwɔ haláá laa həli mun Ɛsdrasə a vɛli kaa, ka gɛ kpɔlɔ tii.

Nehemi 11:11

Hilkiya lon Seraya, yai kɛ a Mesulamə lon, Sadɔkə lon, Merayotə lon, Ahituvə lon, yii kɛ Yálá hee pɛlɛ́ goló ɲąąwooɓomun.

Nehemi 2:1

Tɔɔmun Artasɛrsɛsə nwɔ tɔɔlaa gwɛlan bow hveelɛ lɔwai, Nisan ɲąnin ɉu, tɔɔmun ə kɛ heeni daɓali ɓa, nɔɔ heɛ nííla, ŋį́ da pu ŋį́ dɛɛ bɔ. Volói tii, ɲį́nąą yiliɛi kɛ, ɲą́ą́n, və́ ta kɛ ɲį́nąą yili li ɲɛ̨i ɓa.

Nehemi 8:1

Nɔi lonnii kəlee di di ŋąąkpɔn nɔ yɛ nu tɔ̨nɔ̨, di pa a Moisə nwɔ tɔ́n ɉɛɓɛ́i, yaai tii Yai-Laa ə naa Israɛlə lonnii nwuɔ̨.