Ɛsdrasə 5:5 - Yálá laawoo hɛɓɛ (dc)

⁵ Kɛlaa, Yálá ɲɛ̨i ə kɛ Ɉuifə kalanɉonŋąąi tii mɛ̨i, di hvo pɛli golói tii kpɛlai pələi. Di lɛɛ goló kɛi, ə lɛɛ la ɉu, diɛ tɔɔmun Dariusə woo mąąkpɔn.

Yálá laawoo hɛɓɛ

⁵ Kɛlaa, Yálá ɲɛ̨i ə kɛ Ɉuifə kalanɉonŋąąi tii mɛ̨i, di hvo pɛli golói tii kpɛlai pələi. Di lɛɛ goló kɛi, ə lɛɛ la ɉu, diɛ tɔɔmun Dariusə woo mąąkpɔn.

Bible

⁵ Kɛ́lɛ Ɣâla è tɔ̀ɔ Zuda-ŋai ŋí láa túɛ-ƃelai pôlu. Pɛsia nuu kpaya-kpayai dí gbɛ̀tɛ a gɛɛ dífe mɛni da kɛ̀ a Zuda-ŋai é lɛ́ɛ la zu dí kɔlɔ pɔ̃yɛ Gâloŋ Darɔ pɔnaa dí ǹá woo mɛni.

Ɛsdrasə 5:5 Iomraidhean Croise

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Ɛsdrasə 7:28

Aa hvaa mą, tɔɔmun aa ɲɛ̨i lɛlɛɛ hee mą́ą́, da nwɔ ɲɛ̨itɔwɔ nuą, ə mą kɛ nwun nąmįną, diɛi kpɔ di yee walawalaa. Mɛ̨nįi tii ə vaŋą lɔ, ŋį́ Israɛlə kalanɉonŋąą ŋąąkpɔn, kwa diɛni ku pa.»

Ɛsdrasə 7:6

Ɛsdrasə tii ə həɠə Babilonə daai. Ə kɛ a hɛɓɛ́ pɛ̨ɛ̨ mun, dɔ́n ɉɛɓɛ́i Yai-Laa, Israɛlə nwɔ Yálá ə dɛɛ Moisə pɔ, ə kɛ a gɔlɔnŋąą. Yɛ pələi nwɛli ə kɛ la nwɔ Yálái ɓa, yii gaa a Yai-Laa, yii kpɔ ə ɉu hvɛli tɔɔmun ma, di gəlee tɛɛ bɔ.

Ɛsdrasə 8:22

Kɛlaa, ŋį́ kɛi nwunmɛ̨ kɛi tɔɔmun ma: Holahi kpulu tɛɛ ku pɔ, yii a ku mąą kpɔnmąąɓo bələ pɔ, ku yowoɠaa mąą mɛ̨nį ɓa. Ku mo tɔɔmun ma, kuɔ mą: «Nuąi da Yálá kwɛli, a ɲee lɛlɛɛ laa di mɛ̨i, kɛlaa, nuąi da di kili kulɔ ɉu a ɲɛ̨i ɲɔ̨nwɔ̨ɔ̨ hee diɛ.»

Mąątɛ̨nɛ̨ 32:8

Gáá ə́ mąąkwɛlii, gɛ́ ə́ tɛɛ pələ lɛ yɛ́, gɛ́ ə́ liɛwoo ɓo, gɛ́ ɲɛ̨́i kɛ yɛ́.

Mąątɛ̨nɛ̨ 33:18

Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.

Mąątɛ̨nɛ̨ 34:15

Ə túwɔ́ pələ ɲɔ̨n mąą laa, ə túwɔ́ a nɛlɛɛ, hvilɛn líilaa pulu, ə ɲąąkɔn.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Filipə 1:28

'ká hvo nɛɛ laa ka yowoɠaa di hvo ka mąą ɲɔw mɛ̨nį ta hu, yili a di kili pu ɉu, diɛ, di kaa nwun na pili pələ mɛ̨i, kɛlaa ka wɛi, ə ɓo a ɓalo pələ. Yili a həɠə Yálá pɔ.

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»