Ɛsdrasə 5:16 - Yálá laawoo hɛɓɛ (dc)

¹⁶ Nąąlɔwai tii, Sɛsbasarə ə pa ɓɛ Ɉerusalɛmə daa, ə Yálá hee pɛlɛ́ kɔ́wɔ tɔɔ. Yili pulu ɓə kɛa, ku ku yee pɛlɛ la goló ɓa, kuɔ gɛ, kɛlaa, hvo nii kpɛɛ li.›

Yálá laawoo hɛɓɛ

¹⁶ Nąąlɔwai tii, Sɛsbasarə ə pa ɓɛ Ɉerusalɛmə daa, ə Yálá hee pɛlɛ́ kɔ́wɔ tɔɔ. Yili pulu ɓə kɛa, ku ku yee pɛlɛ la goló ɓa, kuɔ gɛ, kɛlaa, hvo nii kpɛɛ li.›

Bible

¹⁶ Nya ƃe Sɛbasa è pà é Ŋ̀âla-pɛrɛi kɔ́ɔ pîlaŋ. É kúla tãi tí ma é tóo sâa ma, díkaa nîi dɔɔ̂i dífe niî kpɛɛ ní ma.’ ”

Ɛsdrasə 5:16 Iomraidhean Croise

Ɛsdrasə 3:10

Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Ɛsdrasə 3:8

Pai ŋɛ̨i di mo Ɉerusalɛmə, Yálá nwɔ pɛ́lɛ́i kɛ laa, gwɛlan veelɛnąą nwɔ ɲąnin veelɛ lɔwai, Saltiɛlə lon Zorobabɛlə da Yosadakə lon Ɉosue, da di kaayɔwɔɠaai ŋɛ̨i kɛ a ɉaláá laa həli nuą, a Levi lonnii da nuąi kpɔ kulɔ luwɔlaa hu, diɛ pa Ɉerusalɛmə daai, di di yee pɛlɛ goló ɓa. Di Levi lonnii hee Yálá hee pɛlɛ́ tɔɔ mɛ̨nį golóɠaa nwun na, ə gɔwɔ tɔɔ nui gaa kwɛlan gaa pow hveelɛ mą, yɛ li la tɔwɔ pələ.

Ɛsdrasə 5:14

Ya ɓə gɛ, ɉɛnɲąŋąɠaai ŋɛ̨i wɔlɔ kɛ Yálá yəi bɛlɛ́n Ɉerusalɛmə daai, yɛ ɓo a hɛni da wali, Nabukodonosorə ə wɔlɔ ɉəɠə, ə li la Babilonə, ə bu nwɔ haliɠaai yəi bɛlɛ́n. Tɔɔmun Sirusə ə ɉɛnŋąąi tii kulɔ ɉali pɛ́lɛ́i tii mu, nui ŋɛ̨i da kɛ mą Sɛsbasarə yai ə ɉee a nɔi nwun nąmu, ə ɉəɠə ə dɛɛ bɔ.

Ɛsdrasə 5:15

Yɛ yili ɓa: Ɉɛnɲąŋąɠaai ŋɛ̨i həɠə, ə́ li ə́ ɉee Yálá yəi bɛlɛ́n Ɉerusalɛmə, ɛlɛɛ, di Yálá nwɔ pɛ́lɛ́i tɔɔ, ɓɛi wɔlɔ gaa laa tɔɔ ni.

Ɛsdrasə 5:2

Saltiɛlə lon Zorobabɛlə, da Yosadakə lon Ɉosue, di di muhəɠə, Yálá hee pɛ́lɛ́i ŋɛ̨i gaa Ɉerusalɛmə daai, di goló kɔ́wɔ tɔɔ gwəi mɛ̨nį hukulɔ nuą diɛ kpɔn mąą tɛɛ di pɔ.

Ɛsdrasə 6:15

Di bɛlɛ́ tɔɔlaa kulɔ a Dariusə nwɔ tɔɔlaa gwɛlan mɛ̨ida nąą, a ɲąnin ŋɛ̨i da kɛ mą Adarə, nwɔ hvóló haaɓa yələ.

Egaa 2:18

Mɛ̨nįɠaai pai kɛi, ə həɠə háákələi ɓa, ka mąąkpɛɛ kpɔ a nɛlɛɛ; voló ŋɛ̨i di Yai-Laa hee pɛlɛ́ gwɛni laa la, gaa a ɲąnin mɛ̨inąąn nwɔ hvóló pow hveelɛ kɔ́w nąąn ɲələ, nąą kili ə lɛɛ ka ŋą.

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Zakari 4:9

«Zorobabɛlə yee ɓə bɛlɛ́i ŋɛ̨i hvilɛn ɉii, yaa lɔ ɓə pai naakulɔi. Ɛlɛɛ, ka káá pai ɉu kɔ́lɔn ɉii kaa kɛ Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔ.

Ɉaan 2:20

Nuą tii di mo mą diɛ mą: «Kwɛlan bu-nąąn-kɔw-mɛ̨ida ɓə di gɛ diɛ bɛlɛ́i ŋɛ̨i tɔɔ, ya ɓə yɛ́ diɛ ya pɛli ə́ dɔɔ a hvóló haaɓa yee mu?»