Ɛsdrasə 4:2 - Yálá laawoo hɛɓɛ (dc)

² di pa di həli Zorobabɛlə ɓa da bɛlɛ nąmįną, diɛ kɛ diɛ: «Ku kaa bɔ, gwa kaa ni gu Yálá hee pɛ́lɛ́i ŋɛ̨i tɔɔ, mąąhɔlɔɓo, kuɔ kpɛli, kwa kɛ kwɛli hvilɛn ɉii ka wɔ Yálái ɓa, ə həɠə Asiri tɔɔmun Asaradɔn nwɔ lɔwai ɓa, yaai pa ɓɛ a kuɔ, kwa kɛ haláá kulɔi Yálá ɓa.»

Yálá laawoo hɛɓɛ

² di pa di həli Zorobabɛlə ɓa da bɛlɛ nąmįną, diɛ kɛ diɛ: «Ku kaa bɔ, gwa kaa ni gu Yálá hee pɛ́lɛ́i ŋɛ̨i tɔɔ, mąąhɔlɔɓo, kuɔ kpɛli, kwa kɛ kwɛli hvilɛn ɉii ka wɔ Yálái ɓa, ə həɠə Asiri tɔɔmun Asaradɔn nwɔ lɔwai ɓa, yaai pa ɓɛ a kuɔ, kwa kɛ haláá kulɔi Yálá ɓa.»

Bible

² Dí lì Zɛrubabɛɛ da ǹúu sûu-ŋai láa túɛ-ƃelai pɔ́ naa dîyɛɛ dîai, “Kwa kâa-ni kwa pâi Yâwɛɛ ŋɔpɛ́rɛi tɔɔ̂i. Kúa máŋ kwa ŋ̀âla-tɔnɔi ŋí fɛ̀li. É síɣe tãi ma Asiria kaloŋ Ɛsɛadɔŋ è pà la a kúa ǹɔii ŋí sui, Ŋ̀âlai ŋí nɔ́ ƃé kwa sâla kùla ma a kóraŋ kélee.”

Ɛsdrasə 4:2 Iomraidhean Croise

Zɛnɛse 10:11

Nɛmrɔdə ə həɠə nɔi tii hu, ə li ə hee Asiri lɔi hu. Ə nɛɛ mą ə Ninivə taa tɔɔ, ə Rehovotə-Irə da Kala taa tɔɔ,

Tɔɔɓɛlaa veelɛ 17:24

Asiri tɔɔmun ə nuą həɠə Babilonə, Kutə, Awa, Hamatə, ɛlɛɛ, Sefarwaimə, ə di hee Samari taaɠaa hu a Israɛlə lonnii mąąhvalin. Samari ə kɛ kɛa a di wɔ lɔi, di hee nąą taaɠaa hu.

Tɔɔɓɛlaa veelɛ 17:41

Yɛ bələi ɉį́i takpɛliɠaa tii di kɛi Yai-Laa mąąwiɛ la, di yee ə ɓo di lɔ di yíi pələ pɔlɔ hu, diɛ di wɔ haliɠaai mąąwiɛ, bələ lɔ ɓə di lonnii di wɔ lonnii di kɛi túwɔ́ la háá ɓa háá.

Tɔɔɓɛlaa veelɛ 19:37

Ɓɛlɔwai ə kɛi kwɛli hvilɛn na nwɔ halii Nisrokə ɓa, Senakeribə lonnii hveelɛ: Adramelɛkə da Sarɛsɛrə, di di nąn baa a ɓɔwa, di pu, də li Araratə lɔi hu. Senakeribə lon Asaradɔn ə hee dɔɔ kpəlin ɉu a nąn mąąhvalin.

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Ɛsdrasə 2:2

Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:

Ɛsdrasə 3:12

Nu pɔlɔɠaai kɛ ɉaláá laa həli nuą lɔwai, Levi huwuhu nuą lɔwai, bɛlɛ nąmįną lɔwai, diɛi kɛ Yai-Laa hee pɛlɛ́ bɔlɔ-pɔlɔ kɔ́lɔn, ɓɛlɔwai di nįnɛ̨i tii goloon gaa la, di kəlee di bu mą a wɔlɔ. Kɛlaa, nuąi di hvo kɛ bɛlɛi tii bɔlɔ-pɔlɔ kɔ́lɔn, di wɛi, di kɛi tomą a kwəinɛ̨ɛ̨.

Ɛsdrasə 3:2

Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Mąątɛ̨nɛ̨ 73:8

Di yee pənə mɛ̨nį nuą hu, da kɛi mąą lono kɛ, diɛ yɛlɛ, diɛ lono kɛ a di woo kɛnɛ̨.

Azaya 37:37

Asiri tɔɔmun Senakeribə ə muhəɠə, ə pənə ə li Ninivə, ə hee laa.

Azaya 37:38

Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Osia 14:3

'Ka woo lɔ ka la, 'ka pənə ka pa Yai-Laa pɔ, 'ka kɛ mą: «Ku ɲɛ̨imąąwɛli kaa, ə́ ə́ yee hee ku mu, nɛ̨ŋɛ̨n gəlee kulɔ kuɔ; nįŋɛ̨ hilɛɠaa hvə ku kaa pai gulɔi yɛ a haláá, Kɛlaa nwooɠaai lɔ da kulɔ ku la diɛ lɔ ɓə.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Timote veelɛ 3:8

Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.