Ɛsdrasə 1:8 - Yálá laawoo hɛɓɛ (dc)

⁸ Pɛrsə tɔɔmun Sirusə, ə mo Mitredatə ɓa, yaa ŋɛ̨i kɛ a ɉɛnŋąą laikɛ mun, ə ɉɛnŋąą tii kulɔ, ə dɛɛ Ɉuda tɔɔmun Sɛsbasarə pɔ.

Yálá laawoo hɛɓɛ

⁸ Pɛrsə tɔɔmun Sirusə, ə mo Mitredatə ɓa, yaa ŋɛ̨i kɛ a ɉɛnŋąą laikɛ mun, ə ɉɛnŋąą tii kulɔ, ə dɛɛ Ɉuda tɔɔmun Sɛsbasarə pɔ.

Bible

⁸ È zãâi ŋí kélee tɛ̀ɛ Miturɛda pɔ́. Miturɛda ƃé kɛ̀ a gâloŋ yêei-sãai kélee mɛi-ƃelai láa-tuɛ núu. Miturɛda è zãâi kélee lòno é dílaa pú kɔlɔ ma Sebaza mì, nyíi kɛ̀ a Zuda lɔii láa-tuɛ nuui a maa tãi tí.

Ɛsdrasə 1:8 Iomraidhean Croise

Ɛsdrasə 1:11

Ɉɛnŋąą tii kəlee pɛlɛɛ gee ɓa, ə kɛ a hɛn ɲąŋą waa lɔɔli pulu nwun nąąn. Sɛsbasarə ə ɉɛnŋąą tii kəlee həɠə, ɓɛlɔwai di kɛi həɠə la Babilonə lɔi hu, diɛ di pulu pənə Ɉerusalɛmə daai.

Ɛsdrasə 2:2

Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:

Ɛsdrasə 5:14

Ya ɓə gɛ, ɉɛnɲąŋąɠaai ŋɛ̨i wɔlɔ kɛ Yálá yəi bɛlɛ́n Ɉerusalɛmə daai, yɛ ɓo a hɛni da wali, Nabukodonosorə ə wɔlɔ ɉəɠə, ə li la Babilonə, ə bu nwɔ haliɠaai yəi bɛlɛ́n. Tɔɔmun Sirusə ə ɉɛnŋąąi tii kulɔ ɉali pɛ́lɛ́i tii mu, nui ŋɛ̨i da kɛ mą Sɛsbasarə yai ə ɉee a nɔi nwun nąmu, ə ɉəɠə ə dɛɛ bɔ.

Ɛsdrasə 5:16

Nąąlɔwai tii, Sɛsbasarə ə pa ɓɛ Ɉerusalɛmə daa, ə Yálá hee pɛlɛ́ kɔ́wɔ tɔɔ. Yili pulu ɓə kɛa, ku ku yee pɛlɛ la goló ɓa, kuɔ gɛ, kɛlaa, hvo nii kpɛɛ li.›

Ɛsdrasə 5:2

Saltiɛlə lon Zorobabɛlə, da Yosadakə lon Ɉosue, di di muhəɠə, Yálá hee pɛ́lɛ́i ŋɛ̨i gaa Ɉerusalɛmə daai, di goló kɔ́wɔ tɔɔ gwəi mɛ̨nį hukulɔ nuą diɛ kpɔn mąą tɛɛ di pɔ.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Egaa 1:1

Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Egaa 1:14

Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.