Ɛsdrasə 1:1 - Yálá laawoo hɛɓɛ (dc)

¹ Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Yálá laawoo hɛɓɛ

¹ Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Bible

¹ Yâwɛɛ è wɔ́lɔ ŋɔmɔ̂leŋ pù Pɛsia kaloŋ Sarɔ kponôi. M̀ɔ̂leŋ ŋɔwála-walai è gɛ̀ Sarɔ é kɔlɔ pɔ̃yɛ, é dɛɛ ŋɔkâloŋ-laa lɔii gwaa kélee Zuda-ŋai ŋuŋ ma ƃó mɛni ma. È m̀ɛnii ŋí kɛ̀ ŋɔkâloŋ-laa koraŋ maa-ŋuŋ su. M̀ɛnii ŋí è kɛ̀ a ŋ̀óoi Yâwɛɛ è wɔ́lɔ mò ŋɔlóno kɛ́-nuui Zɛlemaya sârai ŋàa-see kɛ́ɛ. Ŋ̀óo-ŋai è bù gɔlɔi ŋí sui dîa káa ŋí:

Ɛsdrasə 1:1 Iomraidhean Croise

Ɛsdrasə 1:5

Nąąlɔwai, bɛlɛ nąmįnąi di kaa Ɉuda nu huwu lɔwai, da Bɛnɉamɛn huwuhu nuą, ə mą kɛ, ɉaláá laa həli nuą da Levi huwuhu nuą, da nuąi kpɔ Yálá nwɔ pɛ́lɛ́i gaa Ɉerusalɛmə daai, dɔɔ mɛ̨nį niihɛlɛn gaa diɛ, gəlee di di muhəɠə diɛ li.

Ɛsdrasə 4:3

Kɛlaa, Zorobabɛlə da Ɉosue, ə mą kɛ, Israɛlə nuą bɛlɛ nąmįną kəlee, di di woo ŋąąpənə, diɛ mą: Mąą hvo nɛ̨ɛ̨li, gwa kaa ni gu hvo kpɔn ku wɔ Yálái nwɔ pɛ́lɛ́i ɓa, gu hvo dɔɔ. Kuɔ tɔ̨nɔ̨ gbən mə mąąnɛ̨ɛ̨, ku Yai-Laa Israɛlə nwɔ Yálá nwɔ pɛ́lɛ́i tɔɔ, yɛ bələi Pɛrsə tɔɔmun Sirusə ə mąą laa tɛɛ la ku pɔ.

Ɛsdrasə 6:14

Ɉuifə kalanɉonŋąą yee ə lɛɛ bɛlɛ́ tɔɔ koló ɓa a nɛlɛɛ, yɛ pələi Yálá kwəi mɛ̨nį hu kulɔ nuą Aze da Ido lon Zakari di mo la; di bɛlɛ́ tɔɔ koló laa kulɔ, yɛ pələi Israɛlə nwɔ Yálá ə mo la; yɛ bələi Pɛrsə tɔɔɓɛlaa Sirusə, Dariusə da Artasɛrsɛsə di mo la.

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Ɛsdrasə 6:3

«Tɔɔmun Sirusə nwɔ tɔɔlaa gwɛlan dɔlɔɔ, ə mo yɛ diɛ: ‹Yálá hee pɛ́lɛ́i Ɉerusalɛmə, di kaa pai pənəi di bɛlɛi tii tɔɔ, ə gɛ diɛ haláá kulɔ laa, ɓɛi kɛ a dɔɔi bɔlɔ-pɔlɔ. Dɔɔɉu kaa pai kɛi a yee laa mą pow mɛ̨ida, ɲąą kɛnɛ̨ yee ə ɓo a yee laa mą pow mɛ̨ida.

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Mąątɛ̨nɛ̨ 106:46

Nuąi li a diɛ luwɔlaa hu, ə gɛ yiliɠaai di di ɲɛ̨imąąwɛli kaa.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Azaya 45:1

Yai-Laa woo ka, nui ə mąątí a tɔɔ wulɔ, mą, yɛ mą: A Sirusə ŋɛ̨i ŋą́ą́ ɉon a mamįiyee, gɛ́ lɔiɠaa pɛlɛ gɔwɔ mu, gɛ́ tɔɔɓɛlaa di wɔ hvąŋąlaa kulɔ di yəi, gɛ́ daa mąą kpɛ kponŋąą laaɓo dɔwɔ, gbonŋąąi tii da hva pɛli lɛɛi a naa kpulɔɔ dɔwɔ.

Ɉeremi 1:1

Ɉeremi yai kɛ a Hilkiyahu lon ɉulɔnu, nwoo ka. Ɉeremi nąn Hilkiyahu ə kɛ a ɉaláá laa həli nuąi kɛ heeni Anatotə daai di ta; yii kɛ Bɛnɉamɛn nwɔ lɔi hu.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Izikiɛ 38:5

Pɛrsə lɔi da Nubi da Putə, di kaa pai kɛi di pɔ. Ɓowa kwɛa da kɔ́ kɔ́ hə́mə di ɓo gəlee yəi.

Danîa 1:21

Daniɛlə ə kɛ tɔɔmu bɔ, ə lɛɛ la ɉu, ɓɛlɔwai Sirusə ə kɛ la a nɔi nwun nąmu nąąlɔwai ə ɉəli.

Danîa 2:1

Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.

Danîa 6:25

Tɔɔmun ə pənə ə mo, yɛ diɛ: «Nuąi kpɔ tii Daniɛlə mąąɲaba lɔ, di pa a gəlee, di di pili ɲala kwənąn ɉu; diɛ di lonnii da di nɛ̨ąni.» Di pili tii di mo ɲala kwənąn ɉu, gɛɛ di hvo həli nɔi ɓa, di kɔ́w kpuɔkpuɔɠaa lɔ ɓə kɛi too nɔi ɓa.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.

Ɉaan 1:23

Ə mo diɛ, yɛ diɛ: «Nui ŋɛ̨i nwoo kaa tɔɔi nɔi pun ɉu, ya ɓaa ɲą́ą́. Yaa ŋɛ̨i kɛi diɛ: ‹Ka Ną́mu nwɔ pələi haŋą a nɛlɛɛ!› Yɛ bələi tii Yálá kwəi mɛ̨nį hukulɔ mun Esai ə mo la.»