Lɛɛ gbɔwɔ ɓa 8:15 - Yálá laawoo hɛɓɛ (dc)

¹⁵ Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Yálá laawoo hɛɓɛ

¹⁵ Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Bible

¹⁵ Kɛ́lɛ tãi Gâloŋ è gàa la a gɛɛ a pere loŋ sɔlɔ ƃôi, è ǹíi su kpànaŋ ŋɔ́nɔ. Vé ŋ̀óli tɔ̀ɔ ní ŋɔ́nɔ Mose da Eelɔŋ díwoo ma, yɛ̂ɛ berei nɔ́ Yâwɛɛ è mò lai.

Lɛɛ gbɔwɔ ɓa 8:15 Iomraidhean Croise

Lɛɛ gbɔwɔ ɓa 14:5

Di mo Eziptə tɔɔmun ma diɛ mą: Israɛlə lonnii daa pu. Eziptə tɔɔmun da nwɔ ɲɛ̨itɔwɔ nuą kəlee, di wɔ kiliŋąhiɛ mąą ə hvalin, diɛ kɛ mą: «Lə ɓə ŋɛ̨i gu gɛ a gu kpɔwɔi? Lə mɛ̨nį ɓa gu Israɛlə lonnii lɛɛ laa, diɛ kulɔ gu yəi luwɔlaa hu?»

Lɛɛ gbɔwɔ ɓa 4:21

Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.

Lɛɛ gbɔwɔ ɓa 7:4

Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Lɛɛ gbɔwɔ ɓa 8:14

Eziptə pənən gɛ nuą kəlee di di ŋąąwala diɛ hįįlon gulɔ, kɛlaa, di hvo pɛli mą. Ɉįilonŋąąi ti di kɛi pɛlɛ nuą diɛ, da ɉuwɔɠaa kəlee.

Lɛɛ gbɔwɔ ɓa 8:16

Yai-Laa yɛ Moisə ɓa: «Humo kpɔ tinąą, ə́ li Eziptə tɔɔmun bɔ, gaa pai kulɔi yɛ li ɲá kwɛlɛ. Ə́ mo mą, yɛ́ mą: Yai-Laa woo ka, yɛ: 'Ɓo nwɔ́ nuąi diɛ, di li, di kwɛli hvilɛn mą́ą́.

Lɛɛ gbɔwɔ ɓa 8:28

Bələi mąn ə kɛ la tii, tɔɔmun ə gili walawala, hvo gɛ hvo Israɛlə lonnii lɛɛ laa di hvo li.

Lɛɛ gbɔwɔ ɓa 8:8

Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Hanwon 26:11

Bələi lɔ yilɛ a pənə yɛ maɠi kɔ̨mɔ̨n la, bələ lɔ ɓə kilikpɛɛgwəi mun a pənə ə too la nwɔ ɓowolaa hu.

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Ikilisiati 8:11

Nui a mɛ̨nį ɲɔ̨n gɛ, gwələ hva kulɔ mą ɲąąɓa; mɛ̨nįi a gɛ mɛ̨nį ɲɔ̨n gɛ nuą diɛ mɛ̨nį ɲɔ̨n gɛ la yaa li.

Azaya 26:10

Kɛlaa, da kɛi nu ɲɔ̨nwɔ̨ɔ̨ mąąwɛli kaa, hva tələnmo yíi mąąkwɛli; ə mą kɛ, tɛ̨ą lɔi hu ɓə, a mɛ̨nį ɲɔ̨n gɛ lɔ laa, ɛlɛɛ, hva Yai-Laa nwɔ mąąwiɛ kaa.

Osia 6:4

Lə ɓə ŋą́ pɛli gɛi a yɛ́ Ɛfraimə? Lə kpɔ ɓə ŋą́ pɛli gɛi a yɛ́ Ɉuda? Ka wɔ tələnmolaa kaa lɔ yɛ nąląąn a pu yələ wala pɔ, ə ɓo yɛ yələ ɓɔi nɛ̨n ɲá, yai hva lamun laakpala ŋą.

Hebreu 3:15

Moɔi ŋɛ̨i nwɔ̨nɔ̨, yɛ mą: «Háákələi, ka Yálá laa woo mɛ̨n, ká hvo ka kili walawala, yɛ ɲələi nuą di di kwɛli tee la.»

Hebreu 3:8

'ka hvo ka kili walawala, yɛ ɲələi nuą di di kwɛli tee la, a ɲələi di kɛi Yálá hukɔɔn na, nɔi pun ɉu.

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

Samuɛlə dɔlɔɔ 6:12

Nįŋɛ̨ɠaai tii di bələ haŋą Bɛtə-Sɛmɛsə pələ. Di lɛɛ lɔ bələ tɔ̨nɔ̨i tii mɛ̨i diɛ li, diɛ wɔlɔ, di hvo li ɓa-mįi-yee hu pələ da kɔ́ɓɛyee hu pələ. Filisti tɔɔɓɛlaa hvilɛn ŋąą di pulu, ə lɛɛ ɉu di həli Bɛtə-Sɛmɛsə ɲɛ̨n ma.

Samuɛlə dɔlɔɔ 6:3

Ɉaláá laa həli nuą diɛ diɛ: «Ka kɛ bɔ ka Yálá nwɔ kəhii pənə ka dɛɛ ɓɛi ə həɠə laa, ka hvo dɛɛ lɔ tii kpɛli-kpɛli, kɛlaa, mąąnɛ̨ɛ̨ ka ká pɔɔ ŋą pɛli haláá kulɔ mąą mɛ̨nį hu, ə gɛ ka nwun mąą ə ɓo, ɛlɛɛ, mɛ̨nįi kɛi gɛ yɛ mɛ̨nį ɲąąnwąnąą laa kaa, ka pɛli kɔ́lɔn ɉii.»

Samuɛlə dɔlɔɔ 6:6

Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.

Samuɛlə dɔlɔɔ 6:9

Ka gaa nįŋɛ̨ɠaa da Israɛlə pələ həɠə diɛ li Bɛtə-Sɛmɛsə pələ, a kɛ tii, ya ka tii ɲee ə kɛ guɔ, kɛlaa, da wala ɉon a bələ, a kɛ tii, naa hvo kɛ gu wɔ laanɔ̨nwɔ̨i ŋɛ̨i hu.»