Lɛɛ gbɔwɔ ɓa 8:14 - Yálá laawoo hɛɓɛ (dc)

¹⁴ Eziptə pənən gɛ nuą kəlee di di ŋąąwala diɛ hįįlon gulɔ, kɛlaa, di hvo pɛli mą. Ɉįilonŋąąi ti di kɛi pɛlɛ nuą diɛ, da ɉuwɔɠaa kəlee.

Yálá laawoo hɛɓɛ

¹⁴ Eziptə pənən gɛ nuą kəlee di di ŋąąwala, diɛ hįįlon gulɔ, kɛlaa, di hvo pɛli mą. Ɉįilonŋąąi ti di kɛi pɛlɛ nuą diɛ, da ɉuwɔɠaa kəlee.

Bible

¹⁴ Ize-ŋai dí ǹofo-pomai ŋá tɛ̀ gîe ma a gbulu-ŋa. Ǹɔii gwaa kélee kúŋ è nyɔ̀ŋ a dílula kuŋ.

Lɛɛ gbɔwɔ ɓa 8:14 Iomraidhean Croise

Tɔɔɓɛlaa dɔlɔɔ 18:26

Di di wɔ nįŋɛ̨i həɠə, ɛlɛɛ di baa; yili pulu, di di woo tɛ Baalə pɔ pələ, ə həɠə yələwala ɓa, ə lɛɛ ɉu hvóló ə haŋą; diɛ kɛ mą: «Baalə, ku woo pulu pənə!» Kɛlaa woo ta hvo tɔɔ, nu ta hvo kpɛli mɛ̨nį ta ɓo, di kɛi mąną di wɔ haláá kulɔi di bɛli níila.

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.

Lɛɛ gbɔwɔ ɓa 7:21

Ɉɔwɔleeɠaa di haa, ɲá ə kun Eziptə nuą di hvo pɛli da kpələi, ŋąmą yɛ ɓo nɔi nąą kəlee.

Lɛɛ gbɔwɔ ɓa 8:13

Moisə da Aarɔn, di gɛ yɛ bələi di di tí la. Aarɔn ə nwɔ tunwɔ̨n gɛlɛ nɔi ɓa, muluun gəlee mąą ə pənə a hįįlon, di pɛlɛ nuą kɔ́lɔ ɓa, da ɉuwɔɠaa kəlee. Eziptə muluun gəlee ə mąą pənə a hįįlon, nɔi nąą kəlee.

Lɛɛ gbɔwɔ ɓa 8:15

Bənən gɛ nuą diɛ tɔɔmun ma: «Yii nwɛi, Yálá kɛ mɛ̨nį ka.» Ə mą kɛ tii, tɔɔmun ə gili walawala, mɛ̨nįi ŋɛ̨i Moisə da Aarɔn di ɉu hvɛli mą, hvo gɛ, yɛ pələi Yai-Laa ə gbɛa mo la.

Lɛɛ gbɔwɔ ɓa 8:24

Tɔɔmun yɛ diɛ: «Gáá hvaai mą, ŋį́ ɓo kaa, ka li ka haláá kulɔ Yai-Laa ka wɔ Yálái ɓa nɔi pun ɉu, kɛlaa, ka hvo li kwɛa la a mɔlɔ. Ka li ka Yálá hvɛli mą́ą́.»

Lɛɛ gbɔwɔ ɓa 9:11

Bənən gɛ nuą di hvo pɛli tɔɔi Moisə lííla, dɔɔhɛnŋąą tii kɛ diɛ mąą mɛ̨nį ɓa. Mąąhɔlɔɓo, dɔɔhɛn ə tɔɔ bənən gɛ nuą da Eziptə nuą kəlee diɛ.

Azaya 19:11

Tanisə ɲąąwooɓo nuą kili kpɛɛi kpɔ di yəi a neelee, Faraɔn nwɔ kalanɉonŋąąi, di kaa a nu tupɛ-tupɛ puɔ gii mɛ̨i; ka pɛli kɛi ləi Faraɔn ɓa: «Gáá a kili mąą mun, a tɔwɔ tɔwɔ tɔɔɓɛlaa yee pɔ mun da?»

Azaya 34:2

Yai-Laa nwɔ liiholii aa muhəɠə lɔi kəlee laa ɓa, nwɔ kɛɛ kala liiholii aa muhəɠə di wɔ kɔlaɠa kəlee pɔ, aa ɲee lɛ diɛ di hukala mɛ̨nį ɓa; aa ɲee ɓo diɛ, di hukala.

Izikiɛ 39:11

A mąą yələi, ŋą Gɔgə kámą tɛ Israɛlə lɔi hu; kɛɛnąą laa tɛɛ ta ɓa; Ovarim-yee lɔwai lɔi hu, gboloyá kwɛlɛ; a bələ too hiɛ kulɔ nuą tɔwɔ. Nąą ɓə di kaa pai Gɔgə looi laa, da ŋą nu kpului; di kaa pai nąą laa heei a Gɔgə da nwɔ nuą di kámą la.

Zooɛ 2:20

Ka yowo a həɠə ɲánwuɔ̨ pələ, ŋį́ mąą kwɛa kaa, gɛ́ bili lɔi kpoloon ɉu kpalaa hu. Di mąąkpɛɛ nuąi di tɔwɔ pələ, gɛ di pili voló həɠəi pələ gboloyá hu. Yiiɠaa di pulu pələ, gɛ di pili ɉɛɠɛi pələ gboloyá hu, di powa lulɔ kun yɛ tɛ a ɲɔ̨nwɔ̨ɔ̨, di kun yɛ ɲɔ̨n bɛlɛ nuą diɛ. Nuąi kpɔ ka di mɔ̨nɔ̨ ɓo tii, bələ ɓə da haa la.» A tɛ̨ą Yai-Laa aa mɛ̨nį ɲɛ̨i kɛnɛ̨ɠaa kɛ.