Lɛɛ gbɔwɔ ɓa 6:6 - Yálá laawoo hɛɓɛ (dc)

⁶ Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Yálá laawoo hɛɓɛ

⁶ Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Bible

⁶ Mɛni ma, m̀ó Eezuɛ-ŋai dîa yɛ̂ɛi, ‘Ńyãa ƃa Yâwɛɛ. Ŋa pâi kákulâi mɛni-solii su nyii Ize-ŋai da dɛɛ̂i kápɔi. Ŋa pâi kákulâi díyêei ǹuɛ-laai su. Ŋa pâi ŋáwala-wala-yeei sãai mɛni ŋá-teɛɛ su ŋá kákùla díyêei.

Lɛɛ gbɔwɔ ɓa 6:6 Iomraidhean Croise

Tɔɔɓɛlaa dɔlɔɔ 8:42

Mąąhɔlɔɓo, di kaa pai kɛi ə́ laa kɛnɛ̨ mɛ̨nį bələ mąn ɉii, da ə́ wɔ huwalawala mɛ̨nį; mąą nu a pa bɛlɛ́i ŋɛ̨i pɔ, yɛ ə́ hvɛli,

Tɔɔɓɛlaa veelɛ 17:36

Yai-Laa tii ka kulɔ Eziptə lɔi hu a nwɔ huwalawala yee kɔ̨nwɔ̨n, ya ɓə mąąnɛ̨ɛ̨ ka kwɛli hvilɛn mą, ka ɲɔw mą, ɛlɛɛ, ka haláá kulɔ mą.

Kɔlɔnikɔ Maa-ŋuŋ 17:21

Akɛtii, hį́i ta kaa mɔ̨ɔ̨ yɛnɛ̨ɛ̨, gɛ pələ ə ɓo yɛ Israɛlə Ə́ wɔ nu huwui; A nu huwui ŋɛ̨i Yálá ə́ di kwɛli kulɔ ɓo, ə di kɛ a gwɛlin? Ə́ di nwun mąąɓo Eziptə yəi, Ə́ hį́i kəlee kpɛ di tɔwɔ, əgɛ, Ə́i wɔɔ kɛnɛ̨laa, da ə́ wɔɔ yee walawala laa lɛ.

Nehemi 1:10

Ə́ wɔ nu huwui li, ə́ di nwun mąąɓo a ə́ wɔ hvaŋą kɛnɛ̨, a ə́ yee nwɔ huwalawalalaa.

Mąątɛ̨nɛ̨ 77:16

Ə́ ə́ wɔ nuąi nwun mąąɓo a ə́ yee nwɔ huwalawalalaa, diɛi a Ɉakɔbə da Ɉosɛfə di lonnii.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Mąątɛ̨nɛ̨ 81:6

Yɛnɛ̨ɛ̨ yíi ɓo bələ ta ka ti ə naa Ɉosɛfə nwuɔ̨, ɓɛlɔwai ə pɛlɛ la Eziptə lɔi ɓa, woo ta kaa tooi nwə́lii və́ gɔlɔn.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:16

«Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 15:13

Yáá Ə́ wɔ nu huwui nwun mąąɓo, a wɛlikɛmąąlaa, a huwalawalalaa, Yáá tɔɔ di tɔwɔ, Yɛ́ li a diɛ ɓɛi ə́ wɔ Mąąhəɠəlaa kaa heeni laa.

Lɛɛ gbɔwɔ ɓa 16:6

Moisə da Aarɔn diɛ Israɛlə lonnii diɛ: «Háákələi yələwulii pɔ, ka káá pai gɔlɔn ɉii, kaa diɛ; Yai-Laa ɓə ka kulɔ Eziptə lɔi hu.

Lɛɛ gbɔwɔ ɓa 18:1

Mɛ̨nįɠaa kpɔ Yálá ə gɛ Moisə da Israɛlə nuą diɛ, Madian haláá laa həli mun Ɉetro yai kɛ a Moisə mɔlɔ́, ə bələ mɛ̨n, diɛ mą: Yai-Laa aa Israɛlə nuą kulɔ Eziptə lɔi hu!

Lɛɛ gbɔwɔ ɓa 2:11

Moisə kɛnɛ̨ɛ kɛa, yələ ta, ə həɠə yɛ li kulɔi niɛni mɛ̨i, bɔlɔtɛ kóló ɓa. Ə Eziptə mun da kaa, yɛ Hebreu tɔ̨nɔ̨ kɛlɛ, diɛi tii a niɛni.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Lɛɛ gbɔwɔ ɓa 6:2

Yálá yɛ nwɔ̨nɔ̨ Moisə ɓa: «Ɲą́ą́ ɓə gáá a: Yai-Laa.

Lɛɛ gbɔwɔ ɓa 6:29

Ə kɛ mą: «Ɲą́ą́ ɓə gáá a Yai-Laa; mɛ̨nįɠaai ŋɛ̨i gáá moi yɛ́, 'li ə́ mo Eziptə tɔɔmun ma.»

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Lɛɛ gbɔwɔ ɓa 7:4

Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Azaya 9:12

Bələ ɓə Yai-Laa ə nwɔ nuąi kɛlɛ la, bələi mąn ə kɛ la tii, di hvo pənə di hvo pa di nwɔ Yálái pɔ, yai a Yai-Laa Mɛ̨nį Kəlee ŋą Hééɓomun.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Ɉeremi 21:5

Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Ɉeremi 32:21

Ə́i wɔ nu kpului Israɛlə kulɔ Eziptə lɔi hu, a kpalo mɛ̨nįɠaa, da mɛ̨nį kpɛa kpɛa kɛɛ, a ə́ hvaŋą kɛnɛ̨, a ə́ yee kɔ́ŋɔn ɉu walawalaa; yɛ nuą kwəi pili diɛ.

Izikiɛ 20:33

Gáá a vúlú ɲą́ą́ Mɛ̨nį kəlee ŋą Hééɓomun Yálá, ɲą́ą́ ɓə pai heei ka mɛ̨i a ka wɔ tɔɔmun; a váŋa kɛnɛ̨, a níí holiɛ.

Gɛlaɠaa 13:17

Gu huwui a Israɛlə, nwɔ Yálá, ə ku kalaɓɔlɔni həɠə ɉu a dee, ə di kpulu hu kɛnɛ̨, ɓɛlɔwai di kɛ la Eziptə lɔi hu. Yili pulu, ə di kulɔ laa a ɲeekɔ̨nwɔ̨n ɉuwalawalaa.

Dutɛrɔnome 11:2

Mɛ̨nįɠaai Yai-Laa ka wɔ Yálái ə gɛ, gbaɠala kaa ka kəlee kaa, gɛnɛ̨ pələ, ɲee huwalawala pələ, ɲee kwɔnwɔ̨n ɉu hvaŋą kɛnɛ̨ pələ, gbaɠala hvo ka lonnii diɛ, di hvo mɛ̨nįɠaa tii ka gɔlɔn, di hvo da kaa, da nwɔ kpalo mɛ̨nįɠaa;

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 26:8

Ə ku kulɔ Eziptə lɔi hu a nwɔ huwalawala yii hɛn da hva tɔɔ na, a ɲee walawalaa, ə kpalo ɓɛla ku mɔ̨nɔ̨ ɓo nuą diɛ, a kpalo mɛ̨nį da kwɛlɛɛn mɛ̨nį kpɛa kpɛaaɠaa.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Dutɛrɔnome 6:12

Ka gɛ a nɛlɛɛ, ka hvo lɛ̨ą Yai-Laa ɓa, yai ka kulɔ Eziptə lɔi hu, nuwɔ pɛlɛ́i tii mu.

Dutɛrɔnome 7:19

Ka ka kiliŋąhiɛ, Yai-Laa ka wɔ Yálái hvaŋą kɛnɛ̨ pələ ɓa, da ɲee kwɔnwɔ̨n ɉu walawala pələ. Mɔ̨nɔ̨ kpɛa kpɛaɠaa ka ɲɛ̨i ə tɔɔ ɉu, gbalo mɛ̨nįɠaa da gwəi pili mąą mɛ̨nįɠaa; yili gili ə too ka ŋą, a ɓɛlɔwai Ə ka kulɔ la nɔi tii hu, a nwɔ yee walawala laai hɛn da hva tɔɔ na. Yai-Laa ka wɔ Yálái kaa lɔ pai yili ɲɔ̨nwɔ̨nmą naai nu huwu tii diɛ, diɛi ka ka ɲɔwi diɛ.

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Dutɛrɔnome 9:29

Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»