Lɛɛ gbɔwɔ ɓa 6:1 - Yálá laawoo hɛɓɛ (dc)

¹ Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Yálá laawoo hɛɓɛ

¹ Yai-Laa yɛ mą: «Mɛ̨nįi gáá pai naai Eziptə tɔɔmun ma, ə́ kaa kɛa pai gaai. Hvo kɛli da di yee tɔɔ gwąną, ya ɓə a gɛ ə di lɛɛ laa di li; yee tɔɔ gwąną mɛ̨nį laa a too ɉu, ya ɓə gaa pai di kpɛi la nwɔ lɔi hu.»

Bible

¹ Nya ƃe Yâwɛɛ è mò Mose mà ǹyɛɛi, “Ƃa pâi nâa gâai mɛnii ŋa pâi gɛ̂i a Gâloŋ. Ŋa pâi gɛ̂i a wála-wala-laa a gɛɛ é dílɛɛ naa dí lí. Ŋa pâi máŋ gɛ̂i a wála-wala-laa é díkula ŋɔlɔii su”

Lɛɛ gbɔwɔ ɓa 6:1 Iomraidhean Croise

Tɔɔɓɛlaa veelɛ 7:19

Yaan, tɔɔmun nwɔ ɓíítiŋɛ̨i ə mo Yálá nwɔ nui ɓa, yɛ mą: «Ə mą kɛ Yálá aa wolo ɓo yələkɔlɔn mą, nwoo ŋɛ̨i ə́ mo, hva pɛli kɛi», Elise yaan, ə nwoo pulu pənə, yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Tɔɔɓɛlaa veelɛ 7:2

Tɔɔmun nwɔ ɓíítiɛ̨i yɛ Yálá nwɔ nui ɓa: «Ə mą kɛ Yálá aa yələkɔlɔn nwolo ɓɔ mą, mɛ̨nįi ŋɛ̨i ə́ mo, bɔ mɛ̨nį hva pɛli kɛi!» Elise yɛ mą: «A tɛ̨ą, ə́ kaa pai gaai a ə́ ɲɛ̨ikɔw, kɛlaa, hvá da mįi.»

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Mąątɛ̨nɛ̨ 12:5

A nuą tii da kɛ kɛi diɛ: «Ku laaləi a mɛ̨nį nɛ̨ɛ̨ kuɔ, ku nɛ̨n dɔɔi ku pulu, gbɛɛ ɓə ɲee a pɛli kuɔ, ə hee ku mɛ̨i?»

Mąątɛ̨nɛ̨ 12:6

Ya ɓə Yai-Laa a kɛ diɛ: «Mąąwɛli nuą laanɔ̨nwɔ̨ ɓo pələ, da yeehvowolo nuą wɔlɔ pələ, múhəɠə hiɛ kpɔlɔ li. Nui di kɛi di lɛayá pili mą, gɛ́ ɉee liilaa hu.»

Mąątɛ̨nɛ̨ 136:12

A vaŋą kɛ̨nɛ̨, a ɲee kɔ́nwɔ̨n ɉu wala wala! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 89:13

Ɲələi pələ mąn, ɉɛɠɛɛ pələ mąn, yɛ́ ɓə gəlee pɛli, Tabɔrə yee da Hɛrmɔn yee, da ə́ laa mɛ̨n, da tóma a kwəinɛ̨ɛ̨.

Lɛɛ gbɔwɔ ɓa 11:1

Yai-Laa yɛ Moisə ɓa: «Gáá pai mɛ̨nį nwąnąą gbəli laai Eziptə tɔɔmun ma da nwɔ nuą kəlee. Yili pulu, gaa pai ɓoi kaa, ka kulɔ di wɔ lɔi hu. Di kaa pai ka kpɛi kpɔ tɛ̨ɛ̨tɛ̨ɛ̨, ka kulɔ di wɔ lɔi hu.

Lɛɛ gbɔwɔ ɓa 12:31

Mąą kpinįi ti hu, tɔɔmun ə nɛɛmą, ə Moisə da Aarɔn di təli, yɛ diɛ: «'Ka ka muhəɠə! 'Ka kulɔ nwɔ́ nuąi lɔwai, kaa ka Israɛlə lonnii. 'Ka li ka kwɛli hvilɛn Yai-Laa ɓa, yɛ bələi ka mo la.

Lɛɛ gbɔwɔ ɓa 12:33

Eziptə nuą di Israɛlə lonnii mąąwələən di kulɔ mɛ̨nį ɓa nɔi, mąąhɔlɔɓo di kɛi kɛ diɛ: «Ku kəlee ku kaa pai haai!»

Lɛɛ gbɔwɔ ɓa 12:39

Nɛɠɛ kpɔlɔi ti kɛ di yəi diɛ həɠə la Eziptə lɔi hu, di kɛi kɛa bɛli bələ ɓa a nwɔ̨nmii. Mąąhɔlɔɓo, di hvo lɛɛ laa hvo tɛ. Ɓɛlɔwai di di kpɛ la Eziptə lɔi hu, di hvo pɛli bələ pɔ kɔ̨nɔ̨n ɉəɠəi.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:16

«Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Lɛɛ gbɔwɔ ɓa 15:6

Ee! Yai-Laa Ə́ ɓa-mįi-yee aa gbɔwɔ lɛ a huwalawala laa, Yai-Laa Ə́ ɓa-mįi-yee aa Ə́ yowoɠaa hu wolo.

Lɛɛ gbɔwɔ ɓa 7:4

Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Lɛɛ gbɔwɔ ɓa 7:5

Eziptə nuą di kaa pai gɔlɔn ɉii diɛ ɲą́ą́ ɓə gáá a Yai-Laa ɓɛlɔwai ŋą́ ɲee haŋą la, gɛ́ nwɔ́ nuąi kulɔ di wɔ lɔi hu.»

Azaya 63:12

A Nui tii ɲee kɔ̨nwɔ̨n mąąɲɔwuɔi, ə kɛli hiɛ Moisə ɓa-mįi-yee hu pələ? A Nui tii kɛ yaɠaa tee gee la di tɔwɔi? Ə gɛ tii, Naa yɛ pɛli tɛi la a yələ kəlee mɛ̨nį.

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Lonon mo 23:23

Tɔlukpɛɛ hvo Ɉakɔbə pɔɔli. Ɲɛ̨ąkpɛ mɛ̨nį hvo Israɛlə pɔɔli. Mɛ̨nįi Yálá a gɛ, a ɓo Ɉakɔbə ɓa. A ɓo Israɛlə ɓa a guu.

Gɛlaɠaa 13:17

Gu huwui a Israɛlə, nwɔ Yálá, ə ku kalaɓɔlɔni həɠə ɉu a dee, ə di kpulu hu kɛnɛ̨, ɓɛlɔwai di kɛ la Eziptə lɔi hu. Yili pulu, ə di kulɔ laa a ɲeekɔ̨nwɔ̨n ɉuwalawalaa.

Dutɛrɔnome 32:39

Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?