Lɛɛ gbɔwɔ ɓa 5:3 - Yálá laawoo hɛɓɛ (dc)

³ Moisə da Aarɔn, diɛ mą: «Hebreuɠaa di wɔ Yálá, aa gbɔwɔ lɛ kuɔ, yɛ kwəli ku hvóló haaɓa hiɛ kɛ nɔi pun ɉu, ə gɛ, ku haláá kulɔ Yai-Laa ɓa, yai gaa a ku wɔ Yálá, kwa wala li, a ku nwun na pili a kwəi kulɔ, a wala kɛ ti, ku lɛɛ kɔ́ hu.»

Yálá laawoo hɛɓɛ

³ Moisə da Aarɔn, diɛ mą: «Hebreuɠaa di wɔ Yálá, aa gbɔwɔ lɛ kuɔ, yɛ kwəli ku hvóló haaɓa hiɛ kɛ nɔi pun ɉu, ə gɛ, ku haláá kulɔ Yai-Laa ɓa, yai gaa a ku wɔ Yálá, kwa wala li, a ku nwun na pili a kwəi kulɔ, a wala kɛ ti, ku lɛɛ kɔ́ hu.»

Bible

³ Nya ƃe dí mò dîyɛɛi, “Kwa Ibulu-ŋai Díɣâlai kú kúkîe-ni kàa. Mɛni ma kpera yɛ̂ ǹɛ́ɛ naa kú lí vɛ̃ɛ-kpâlaŋ su a ɣele-kûu saaƃa sia a gɛɛ kú sâla kúla Yâwɛɛ Kúɣâlai ma. A wàla kɛ́ tí, a pâi kúpaâi a kɔlɔ-fela kpaa máŋ a kɔ́.”

Lɛɛ gbɔwɔ ɓa 5:3 Iomraidhean Croise

Tɔɔɓɛlaa veelɛ 17:25

Ɓɛlɔwai di hee la a nįnɛ̨, gɛɛ nąą tii ɓa, di hvo kɛi ɲɔw Yai-Laa ɓa, Yai-Laa ə yalaɠaa tɛɛ, yiliɠaai diɛ di paa.

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Ɛsdrasə 7:23

Mɛ̨nįi lɔpee yələkɔlɔn ɉu Yálá a mo, mąąnɛ̨ɛ̨ ka gəlee kɛ a mąąhulaa, nwɔ pɛ́lɛ́i mąą mɛ̨nį ɓa, əgɛ nwɔ liiholi hvo pa nee yɛɛ tɔɔmun mɛ̨i, da nonnii, ɛlɛɛ da di wɔ lɔi.

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Lɛɛ gbɔwɔ ɓa 7:16

A pa, yɛ́ mą: ‹Yai-Laa Hebreuɠaa di wɔ Yálái ɓə dɔ́ɔ́ ə́ pɔ, yɛ ə́ ɓo nwɔ nu huwui ɓa, ə li nɔi pun ɉu, ə kwɛli hvilɛn mą; ya ka ti hvó gɛ li.

Lɛɛ gbɔwɔ ɓa 8:1

Yai-Laa yɛ Moisə ɓa: «'Mo Aarɔn ɓa, ə nwɔ tunwɔ̨n ɉaŋą ɲá pɛlɛɛɠaa kəlee mɛ̨i, da bowa kəlee, gbəŋəɠaa di tɛ Eziptə lɔi nąą kəlee.»

Lɛɛ gbɔwɔ ɓa 8:20

Yai-Laa ə gɛ tii. Vɔn gbulu kɛnɛ̨ ə lɔ tɔɔmun ɲəi bɛlɛ́n, nwɔ nu kpɛa-kpɛaa yəi bɛlɛ́n, ə mą kɛ Eziptə nuą kəlee. Vɔn ə kɛ nɔi nąą kəlee, yɛ kɛɛ kala.

Lɛɛ gbɔwɔ ɓa 8:27

Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Izikiɛ 6:11

Yai-Laa woo ka, yɛ: «Ə́ yee kɛlɛ gee ɓa, ə́ kɔ́wɔ kɛlɛ nɔi ɓa; 'tómą a gboo woo. Israɛlə nu huwu nwɔ tuwɔ pələ ɲɔ̨n gəlee ɓə pai gɛi yɛ too la a ɓɔwa kwɛaa laa pɔɔ, da pulu, da lɔi kala ɲɔ̨n naa pɔɔ.

Levetekɔ 26:25

Ŋą́ kɔ́ kɔ́ ɓɔwa pa ka mɛ̨i, ə gɛ mįnɛ̨i ŋɛ̨i ka gala ə nwą́ną kulɔ kaa. Ka káá pai ka ɲąąkpɔn ɉii kaa wɔ taa kpɛa-kpɛaɠaai hu, kɛlaa ŋą́ lɔi wolo ɲɔ̨n nɔ ka lɔwai; kaa too ka yowoɠaa yee ŋą.

Dutɛrɔnome 28:21

Yai-Laa kaa pai nu huwu pu ɲɔ̨n bɛlɛi kaa, ə lɛɛ la ɉu, ka kpɛɛ, nɔi ŋɛ̨i ka káá lii ɉɔlɔɓoi ɉu.