Lɛɛ gbɔwɔ ɓa 5:1 - Yálá laawoo hɛɓɛ (dc)

¹ Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Yálá laawoo hɛɓɛ

¹ Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Bible

¹ Nàa pôlu ma Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Eezuɛ Ŋɔɣâlai è mò ǹyɛɛi, ‘Ŋánûai lɛ́ɛ naa dí lí a gɛɛ dí kúu kɛ́ ḿâ vɛ̃ɛ-kpâlaŋ su.’ ”

Lɛɛ gbɔwɔ ɓa 5:1 Iomraidhean Croise

Tɔɔɓɛlaa dɔlɔɔ 21:20

Akabə yɛ Eli ɓa: «Ee kə ɲówo! Yáá nwɔ̨nɔ̨ gáá.» Eli yɛ Akabə ɓa: «Ee! Ŋą́ą́ ə́ kaa-o. Mąąhɔlɔɓo, yáá ə́ kpɔwɔ kwɛlɛ túwɔ́ pələ ɲɔ̨n ma, mɛ̨nį a nwąną Yai-Laa ɓa, yɛ́ gɛ.

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 10:4

Yá lənə nwɔ̨nɔ̨ mą, gáá tinąą pai ɓoi peeləɠaa diɛ, di pɛlɛ ə́ wɔ lɔi nąą kəlee.

Lɛɛ gbɔwɔ ɓa 10:9

Moisə yɛ mą: «Ku lonnii, ku wɔ nu pɔlɔ-pɔlɔɠaa, ku yəi taatɛlɛɛɠaai kəlee, kwa diɛni ɓə lii. Mąąhɔlɔɓo, ku kaa lii Yai-Laa mąąwiɛ hɛli pui.»

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Lɛɛ gbɔwɔ ɓa 33:13

Yii hu, akɛ ŋą́ą́ ə́ líí hon a neelee, mɛ̨nįi ə́ kaa bɔ, nɛ mą́ą́, əgɛ, ŋą́ ə́ kɔ́lɔn a neelee, yá gɛ ti, akɛti ŋą́ą́ Ə́ líí hon gbɔ a tɛ̨ą; Ɛlɛɛ, Ə́ nu huwui ŋɛ̨i kaa a Yɛ́ nu huwu.»

Lɛɛ gbɔwɔ ɓa 4:23

Ŋą́ą́ mo yɛ́, 'ɓo nón ma ə li ə tí mą́ą́; ya ka hvó gɛi hvó ɓo mą hvo li! Yili ɓa, gáá ə́ lon ɉulɔnu dɔlɔɔ paai.›»

Lɛɛ gbɔwɔ ɓa 6:11

«Li, yɛ́ Eziptə tɔɔmun ma: ‹'Ɓo Israɛlə lonnii diɛ, di kulɔ ə́ pɔ lɔi.›»

Lɛɛ gbɔwɔ ɓa 6:27

Moisə da Aarɔn ɓə li, diɛ kɛ Eziptə tɔɔmun ma: «'Ɓo Israɛlə lonnii diɛ di kulɔ ə́ wɔ lɔi hu.»

Lɛɛ gbɔwɔ ɓa 7:16

A pa, yɛ́ mą: ‹Yai-Laa Hebreuɠaa di wɔ Yálái ɓə dɔ́ɔ́ ə́ pɔ, yɛ ə́ ɓo nwɔ nu huwui ɓa, ə li nɔi pun ɉu, ə kwɛli hvilɛn mą; ya ka ti hvó gɛ li.

Lɛɛ gbɔwɔ ɓa 7:2

Mɛ̨nįɠaai ŋį́ nɛ yɛ́, yá nɛ ə́ liɛ Aarɔn ɓa, ya ɓə a li ə naa həli Eziptə tɔɔmun ma, ə gɛ, ə Israɛlə lonnii lɛɛ laa, di kulɔ nwɔ lɔi hu.

Lɛɛ gbɔwɔ ɓa 8:1

Yai-Laa yɛ Moisə ɓa: «'Mo Aarɔn ɓa, ə nwɔ tunwɔ̨n ɉaŋą ɲá pɛlɛɛɠaa kəlee mɛ̨i, da bowa kəlee, gbəŋəɠaa di tɛ Eziptə lɔi nąą kəlee.»

Lɛɛ gbɔwɔ ɓa 8:16

Yai-Laa yɛ Moisə ɓa: «Humo kpɔ tinąą, ə́ li Eziptə tɔɔmun bɔ, gaa pai kulɔi yɛ li ɲá kwɛlɛ. Ə́ mo mą, yɛ́ mą: Yai-Laa woo ka, yɛ: 'Ɓo nwɔ́ nuąi diɛ, di li, di kwɛli hvilɛn mą́ą́.

Lɛɛ gbɔwɔ ɓa 8:17

Yá wala gɛ, gáá pai moi vɔnŋąą diɛ, di pɛlɛ yɛ́ ká ə́ wɔ nu kpɛa-kpɛai, da ə́ wɔ lɔi hu nuą, da ə́ wɔ pɛ́lɛ́i diɛ; Eziptə pɛlɛ́ɠaa kəlee laa kaa pai hvɛɛi a vɔn, di pɛlɛ nɔi mɛ̨i nąą kəlee.

Lɛɛ gbɔwɔ ɓa 8:20

Yai-Laa ə gɛ tii. Vɔn gbulu kɛnɛ̨ ə lɔ tɔɔmun ɲəi bɛlɛ́n, nwɔ nu kpɛa-kpɛaa yəi bɛlɛ́n, ə mą kɛ Eziptə nuą kəlee. Vɔn ə kɛ nɔi nąą kəlee, yɛ kɛɛ kala.

Lɛɛ gbɔwɔ ɓa 8:27

Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Lɛɛ gbɔwɔ ɓa 9:1

Yai-Laa yɛ Moisə ɓa: «'Li, ə́ mo Eziptə tɔɔmu ma, yɛ mą: Yai-Laa Hebreuɠaa di wɔ Yálái woo ka, yɛ: ə́ ɓo nwɔ nu huwui ɓa, di li di kwɛli hvilɛn mą.

Lɛɛ gbɔwɔ ɓa 9:2

Yá lənə nwɔ̨nɔ̨ mą, yá wala ɓo diɛ, di hvo li,

Azaya 25:6

Yai-Laa Mɛ̨nį Kəlee ŋą Hééɓomun, gaa pai hɛli kɔ̨nɔ̨n bɛlii nu kəlee ɓa ɲee ŋɛ̨i nwuɔ̨, a huwɔ wulaa kɔ̨nɔ̨n, da lɔɔ nɛ̨ɛ̨ɠaa, huwɔ wulɔɠaa, da lɔɔ nɛ̨ɛ̨.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Maafîu 10:18

Di kaa pai lii a kaa lɔi nąmįną lííla, ə mą kɛ tɔɔ ɓɛlaa lííla, mą́ą́ mɛ̨nį ɓa. Ə gɛ, ka mą́ą́ kɛla hvaa ɓo di ɲɛ̨i ɓa, da nuąi di hvo Yálá kɔ́lɔn.

Maafîu 10:28

Nui a nu paa, hva pɛli hɛn da kɛi a níi, ka hvo ɲɔw mą. Nui a pɛli nu paai, ə níi pili ɉahanąmą nwɔ̨n ɉu, kaa mun ka ɲɔw mą.

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Korɛntə dɔlɔɔ 5:8

Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.