Lɛɛ gbɔwɔ ɓa 4:11 - Yálá laawoo hɛɓɛ (dc)

¹¹ Yai-Laa yɛ mą: «Gbɛɛ ɓə laaləi kɛ nu ɓa? A wala kɛ ti, gbɛɛ ɓə a nu kɛ a muugbɛ, a wala kɛ ti wəli tínímun? Gbɛɛ ɓə a nu ɲɛ̨ilon gɛ ɉu, awala kɛ tii ə gɛ, a ɲɛ̨ipumun? Kɛlɛi Ɲą́ą́ Yai-Laa, ɲą́ą́ ɓə!

Yálá laawoo hɛɓɛ

¹¹ Yai-Laa yɛ mą: «Gbɛɛ ɓə laaləi kɛ nu ɓa? A wala kɛ ti, gbɛɛ ɓə a nu kɛ a muugbɛ, a wala kɛ ti wəli tínímun? Gbɛɛ ɓə a nu ɲɛ̨ilon gɛ ɉu, awala kɛ tii ə gɛ, a ɲɛ̨ipumun? Kɛlɛi Ɲą́ą́ Yai-Laa, ɲą́ą́ ɓə!

Bible

¹¹ Nya ƃe Yâwɛɛ è mò ma ǹyɛɛi, “Gbɛ̂ɛ ƃé núu-kpune lá kɛ̀ mai? Gbɛ̂ɛ ƃa núu kɛ̀ a mûgbɛ-nuu kpaa máŋ woli-tiniŋ-nuu? Kpaa máŋ gbɛ̂ɛ ƃa núu kɛ̀ gɛ́ kwaa kâa kpaa máŋ a ŋɛi-pu-nuu? Ńyãai a Yâwɛɛ, ńyãa fêi?

Lɛɛ gbɔwɔ ɓa 4:11 Iomraidhean Croise

Zɛnɛse 11:7

Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Mąątɛ̨nɛ̨ 146:8

Yai-Laa a ɲɛ̨i punuą ɲɛ̨i hvoloon, Nuąi diɛ di too, Yai-Laa a di hąŋąn ə di tɔɔ, Yai-Laa a tələnmo nuą wɛlila kɛ.

Mąątɛ̨nɛ̨ 51:15

Ŋą́ yɛ́ pələi lɛ hɔn ɲɔ̨n gɛ nuą diɛ, nɛ̨ŋɛ̨n ɉəɠə nuą diɛ pɛli pənəi, diɛ pa ə́ pɔ.

Mąątɛ̨nɛ̨ 94:9

Yálái tii wəli kɛ nu ɓa, hva mɔ̨ɔ̨ pɛli mɛ̨nį mɛ̨n ɉii? Yai ɲɛ̨i kɔ́w pɛli, hva pɛli mɔ̨ɔ̨ kɛɛ mąą kpɛɛi?

Hanwon 20:12

Wəlii a mɛ̨nį mɛ̨n, ɲɛ̨ikɔw a kɛɛ kaa, Yai-Laa ɓə gəlee hveelɛi pɛli.

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Azaya 6:7

ə ɉee nááləi ɓa, yɛ mą́ą́: «Ɓɛlɔwai ə tunwɔ̨n na ə́ laawulun mą, ə́ kɛ hɔn aa kulɔ yɛ́, ə́ wɔ nɛ̨ŋɛ̨n aa waa yɛ́.»

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Ɉeremi 1:9

Yili pulu Yai-Laa ə ɲee haŋą, ə ɉee nááləi ɓa, yɛ mą́ą́: «Yiihu, ŋą́ą́ nwóóɠaa pu ə́ la ka tii.

Izikiɛ 33:22

Ɲələi tii bu mun tii ə paa la, mąąyíi yələ, yələ wulii pɔ, Yai-Laa ə nwɔ ə ɲee laa mɛ̨́i, ɓɛlɔwai nui tii ə həɠə la bɔ́ɔ́li yələwala pɔ; náá ə hvaa, və́ kɛa kɛ a muugbɛ.

Amɔsə 3:6

Da pɛli mɔ̨ɔ̨ di kɔ́ tulu hvɛɛ taai yii daai nuą hu hva pu diɛ? Mɛ̨nį nwąnąą ta a pɛli ə laa ta ɓa, akɛ hvo həɠə li Yai-Laa pɔ?

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Lukə 1:20

Kɛlaa, nwooɠaa ŋɛ̨i ŋą mo, yii hvo laa li nąąi; pələi mąn nąą kaa pai hvɛɛi la a nąąlɔwai, yili mąą mɛ̨nį ɓa, ə́ kaa pai kɛi a muugbɛ, hvo pai hvaai ə lɛɛ la ɉu, mɛ̨nįɠaai tii ŋą mo nąą ə hvɛɛ.»

Lukə 1:64

Ŋąąɓa, Zakari laa ə hvaa; ə Yálá hɛɠɛɛɓo kpɔ a nwoo kɛnɛ̨.

Ɉaan 10:21

Daɠaa diɛn, diɛ kɛ mą: «Ɲįnɛ̨n a ka nu pulu, pələ hvəə a hvaa la. Ɲįnɛ̨n hva pɛli mą hvo ɲɛ̨ipu nuą ɲɛ̨i hvolon.»