Lɛɛ gbɔwɔ ɓa 4:1 - Yálá laawoo hɛɓɛ (dc)

¹ Moisə ə Yálá woo ŋąąpənə yɛ mą: «Israɛlə nuą di hvo lii laai nwóó la, mąąhɔlɔɓo, di kaa lii kɛi mą́ą́: ‹Yai-Laa, hvo kɛ gbɔwɔ lɛ li yɛ́!›»

Yálá laawoo hɛɓɛ

¹ Moisə ə Yálá woo ŋąąpənə yɛ mą: «Israɛlə nuą di hvo lii laai nwóó la, mąąhɔlɔɓo, di kaa lii kɛi mą́ą́: ‹Yai-Laa, hvo kɛ gbɔwɔ lɛ li yɛ́!›»

Bible

¹ Nya ƃe Mose è zu tòo ǹyɛɛ, “Kɛ́lɛ dífe pâi lâai a ńyãa kpaa máŋ dí díwoli tɔ́ɔ ŋ̀óo mà. Kpɛ́ni fêi, da pâi môi dîyɛɛi, ‘Yâwɛɛ fé pá ní ípɔ.’ ”

Lɛɛ gbɔwɔ ɓa 4:1 Iomraidhean Croise

Tɔɔɓɛlaa dɔlɔɔ 13:3

Mąą yələ, Yálá nwɔ nui ə mɛ̨nįi tii kɔ́lɔn ɉɛn nɛ, yɛ diɛ: Mɛ̨nįi pai nɛ yɛ kɛ Yai-Laa ɓə mo, ya ka: Ɉaláá kulɔi kaa pai ɓɛlai, nuwui tii mɛ̨i ə pu.

Lɛɛ gbɔwɔ ɓa 2:14

Yili yɛ Moisə ɓa: «Gbɛɛ ɓə ə́ kɛ a ku lɔwai mɛ̨nįɠaa hutɔɔmun? Gaa ə́ kwəi bələi ti wɛi ə́ Eziptə mun ti paa la, ə́ kaa pai báái ti?» Yii kɛa Moisə ə gaa yɛ nuą kili aa pu mɛ̨nįi ti hu, ə ɲɔw.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Lɛɛ gbɔwɔ ɓa 3:18

Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Lɛɛ gbɔwɔ ɓa 4:10

Moisə yɛ Yai-Laa ɓa: «Ną́mu nɛ̨ɛ̨ Yɛ́, náá wiai mą́ą́, va pɛli hvaai, háákələi mɛ̨nį hvəli, və́ wala nwóó hukulɔ, gbaɠala kaa Yɛ́, yili hvo gɔwɔ tɔɔ li a volói Ə́ kɛi hvaa la Ə́ wɔ tímun bɔ.»

Lɛɛ gbɔwɔ ɓa 4:30

Mɛ̨nįɠaa kpɔ Yai-Laa ə mo Moisə ɓa, Aarɔn ə gəlee laa həli galanɉonŋąą diɛ, Moisə ə gwɛlɛɛn mɛ̨nįɠaa kəlee kɛ Israɛlə lonnii ɲɛ̨i ɓa.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Lɛɛ gbɔwɔ ɓa 6:12

Moisə yɛ mą: «Israɛlə lonnii ɓə di hvo di wəli tɔɔ nwóó ɓa, Eziptə tɔɔmun gaa pai nwəli tɔɔ pələ kɛi ləi nwóó ɓa, ɲą́ą́ ŋɛ̨i náá kpan ɉu hvo tee li?»

Lɛɛ gbɔwɔ ɓa 6:30

Kɛlaa, Moisə ə nwoo ŋąąpənə, yɛ mą: «Ɲą́ą́ ka náá kpan ɉu hvo tee li, Eziptə tɔɔmun a nwəli tɔɔ pələ kɛ kpɔ ləi nwóó ɓa?»

Ɉeremi 1:6

Gɛ́ Yai-Laa ɓa: «Kə́! Ną́mu Yai-Laa! Gáá a lokolo, və́ wala kpɔn ɉu mɛ̨nį ɓo.»

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Gɛlaɠaa 7:25

Ə kɛ Moisə kwəi, gaa nɛi gaayɔwɔɠaa diɛ yɛ kɛ: Yálá kaa pai di nwun mąąɓoi a yaa. Kɛlaa, yiliɠaa di hvo gbaɠala kaa li ti.

Nwun mąąɓo 6:17

Zedeɔn yɛ nwɔ̨nɔ̨ mą: «Akɛ yáá ɉəɠə ɉu, mɛ̨nį ta lɛ mą́ą́, yii a nɛ yɛ, Yai-Laa yɛ́ ka tii mɛ̨nį ɓoi mą́ą́.