Lɛɛ gbɔwɔ ɓa 39:1 - Yálá laawoo hɛɓɛ (dc)

¹ Ɉəɠə pɛ̨ɛ̨ tii a viliiɓoɔ gbuluɔ mu tɛɠiɛ, gbɔluɔ gbələ tətə, di ɉɔlɔn a ɉaláá kulɔ həɠəɠaa, diɛ haláá kulɔ la Yálá nwɔ pɛ́lɛ́i mu. Di Aarɔn nwɔ haláá kulɔ həɠəɠaai kɛ yɛ bələi Yai-Laa ə Moisə tí la.

Yálá laawoo hɛɓɛ

¹ Ɉəɠə pɛ̨ɛ̨ tii a viliiɓoɔ gbuluɔ mu tɛɠiɛ, gbɔluɔ gbələ tətə, di ɉɔlɔn a ɉaláá kulɔ həɠəɠaa, diɛ haláá kulɔ la Yálá nwɔ pɛ́lɛ́i mu. Di Aarɔn nwɔ haláá kulɔ həɠəɠaai kɛ yɛ bələi Yai-Laa ə Moisə tí la.

Bible

¹ Dí seɣe lɛ́lɛɛ-ŋai kpɛ̀tɛ a yee bûluŋ kɛ́ɛ, yee kpɔ̂lu m̀u-tɛiɣɛɛ da ƃála-leɣa kpɔ̂lu zâla láa soŋ-ƃelai mɛni ma nyii-ŋai dí doo dîa dítii kɛ́-mɛni ma Gwaa ma waai ma. Dí Eelɔŋ ŋɔsâla láa soŋ-seɣe-ŋai kpɛ̀tɛ yɛ̂ɛ berei Yâwɛɛ è nɛ̀ la Mose mai.

Lɛɛ gbɔwɔ ɓa 39:1 Iomraidhean Croise

Mąątɛ̨nɛ̨ 93:5

Ə́ wɔ tɔ́n nwooɠaai kaa a tɛ̨ą, hva ɉəɠə mą, mąą hva hvalin, Yai-Laa! Mąąhəɠəlaa kaa a yɛ́ bɛlɛ́i mąą hon ɉɛn, a yələ kəlee mɛ̨nį.

Lɛɛ gbɔwɔ ɓa 25:4

Həɠə muleeɓoɔ, həɠə kpɔluɔ, həɠə kpɔluɔ mu tɛɠiɛ, həɠə kwɛlɛɛ, ɓolu ləɠa həɠə;

Lɛɛ gbɔwɔ ɓa 26:1

«Gee kaa kələ kɛ pələ ka: Akɛ a həɠə ɓɛla, bɛ̨ɛ̨ ɲɛ̨i ə ɓo pow, gəlee, a yeekali walawalaa, dɛɠiɛ mu kpɔluɔ, gbɔluɔ gbələ tətə da viliiɓoɔ. Mąąnɛ̨ɛ̨ ə́ mąąkpɛ malakaɠaa pɛli, diɛ mɛ̨i kaa, di pɛliɛ a yɛlɛ.

Lɛɛ gbɔwɔ ɓa 28:5

Ɉəɠə mąąpu nuą da mąąpu a yeekali kpɔluɔ mu tɛɠiɛ, gbɔluɔ gbələ tətə, viliɓoɔ da hɛni.

Lɛɛ gbɔwɔ ɓa 31:10

Ɉaláá laa həli həɠəɠaa yai a Aarɔn nwɛi, da nonnii,

Lɛɛ gbɔwɔ ɓa 35:19

ɉaláá həɠəɠaai da kɛ góló kɛi ɉu, ɲokolo həɠəi a Aarɔn da nonnii di wɔɔ, yai da gɛ diɛ bɛlɛ́ mąąhəɠɛɛ mu.»

Lɛɛ gbɔwɔ ɓa 35:23

Nuąi kpɔ həɠə kpɔluɔ mu tɛɠiɛ ə kɛ di yəi, da gbɔluɔ gbələ tətə, da mahiɓoɔ, da həɠə kwəlɛɛ pə-pə, ɓolu ləɠa, ɓɛlaa kɔ́lɔ həɠəi di gbɔlu, da nini kɔ́lɔ həɠəɠaa, di kɛi pa a diɛ.

Lɛɛ gbɔwɔ ɓa 38:31

Nwuluɠaai di gwəli mąą tínɛ̨n na, da gwənąn naaləi kpon vilɛn ɉii, da gwəli tɔɔ wulu kəlee, ə mą kɛ bɛlɛ́ wuluɠaa, di kulɔ mala kwɛlii ti hu.

Lɛɛ gbɔwɔ ɓa 39:41

Ɉaláá kulɔ həɠəɠaa diɛ ɓaa: Ɉaláá laa həli mun gɛnɛ̨ Aarɔn nwɔ həɠəɠaai, ɉəɠəɠaai nonnii da doo di kwąną diɛ di kɛ kóló kɛ ɉu.

Izikiɛ 42:14

Ɓɛlɔwai ɉaláá laahəli nuą da lɔ la gɛɛnąą mąąhəɠɛɛ ɓa, di hva kɛa pənə di hvo kulɔ ɲiman mu, hvo kɛi da ɉaláá kulɔ həɠəɠaa kulɔ diɛ, di di pu, mąąhɔlɔɓo di mąąhəɠɛɛi, nąąlɔwai, da həɠə takpɛli too kɛa di kwąną, yili pulu, da pɛli kɛa di kulɔ ɓɛi nuą kaa laa.

Izikiɛ 43:12

Bɛlɛ́ mąą tɔ́n ga: Ɲee ton na, da nɔi kpɔ tii gwɛlɛ nąą kəlee, ə mąątínɛ̨n ə doo gee hu, mąąhəɠɛɛ kpɔ kɛnɛ̨. Bɛlɛ́ mąą tɔ́n ga tii.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 9:25

Ɛlɛɛ, hvo kɛ li li laa gbɔwɔ kulɔ mɛ̨nį a haláá, geemɛ̨i tamąą, yɛ bələi ɉaláá laa həli mun gɛnɛ̨ ə kɛli lɔ la ɉəɠəpɛlɛ́ mu a kwɛlan ɉəli pələ tɛitɛi, a ɲąmą nįnɛ̨.