Lɛɛ gbɔwɔ ɓa 38:1 - Yálá laawoo hɛɓɛ (dc)

¹ Yili pulu, di ɉaláá kulɔi pɛli a kpitili wulu, gwɛa yee ə ɓo a yee laa mą lɔɔli, ɲąą kɛnɛ̨ yee ə ɓo a yee laa mą lɔɔli, nąą kəlee pɛliɛ a gee, ɛlɛɛ, dɔɔmɛ̨i ə ɓo a yee laa mą haaɓa.

Yálá laawoo hɛɓɛ

¹ Yili pulu, di ɉaláá kulɔi pɛli a kpitili wulu, gwɛa yee ə ɓo a yee laa mą lɔɔli, ɲąą kɛnɛ̨ yee ə ɓo a yee laa mą lɔɔli, nąą kəlee pɛliɛ a gee, ɛlɛɛ, dɔɔmɛ̨i ə ɓo a yee laa mą haaɓa.

Bible

¹ È géreŋ sala kula teƃelei kpɛ̀tɛ máŋ a kpitili. M̀éla kélee è kɛ̀ a bɔriɛɛ. Ŋɔkôya è kɛ̀ a kɔ́ɔ-ƃɔlɔni lɔ́ɔlu mɛi feerɛ da gbûra, ŋɔŋa-kɛtɛ kɛ́ ƃò a kɔ́ɔ-ƃɔlɔni lɔ́ɔlu mɛi feerɛ da gbûra. Ŋɔmɛi-kôya kɛ̀ a kɔ́ɔ-ƃɔlɔni náaŋ da gbûra.

Lɛɛ gbɔwɔ ɓa 38:1 Iomraidhean Croise

Kɔlɔnikɔ Veerɛi 1:5

Kɛlaa, ɉaláá kulɔi ŋɛ̨i Hurə lon Uri nwɔ lon Besalɛlə ə bɛli a mala kwɛli, ə kɛ laa Yai-Laa nwɔ pɛlɛ́i laaləi; nąą ɓə Salomɔn da nu kpului tii kəlee di kɛi gwɛli.

Kɔlɔnikɔ Veerɛi 4:1

Ə Yálá kɔ́i pɛli a ɓala-kwɛli, gwɛaa a yee laa mą pow hveelɛ, ɲąą kɛnɛ̨ a yee laa mą pow hveelɛ, mɛ̨i kwɛa a yee laa mą pow.

Lɛɛ gbɔwɔ ɓa 25:5

Ɓɛlaa kɔ́lɔɠaai daa gbɔlu, nini kɔ́lɔ həɠəɠaa, kpitili wulu ɓɛlaɠaa;

Lɛɛ gbɔwɔ ɓa 30:17

Yai-Laa yɛ Moisə ɓa:

Lɛɛ gbɔwɔ ɓa 31:9

ɉaláá kulɔi tii da daatɛlɛɛɠaa kələn naa Yálá ɓa, da gwɛlɛ hɛnŋąą kəlee. Ɲá pu hɛnɲaŋą kɛnɛ̨ da gɔwɔɠaa.

Lɛɛ gbɔwɔ ɓa 38:2

Di mįnɛ̨ɠaa tɔɔ nwəli la nąąn ma, di ɓala kwɛli yá hiɛ mą.

Lɛɛ gbɔwɔ ɓa 40:29

Yili pulu, ə Yai-Laa mąąwiɛ haláá kulɔ kəhi hvilɛn gee kaa kələ laaləi, ə Yálá mąąwiɛ haláá kulɔ laa da Yálá kɔ́ halááɠaa, yɛ bələi Yai-Laa ə dí la.

Lɛɛ gbɔwɔ ɓa 40:6

Ɉaláá hɛn da gəlee kələn nwɔ taɓali, ə́ vilɛn gee kaa kələ laaləi ɲɛ̨i tɔwɔ.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Hebreu 13:10

Guɔ gu wɛi, yiihu, haláá kulɔi ta kaa gu yəi, ɓɛi, ɉaláá laa həli nuąi ɓɛ lɔi mɛ̨i, di hva kɔ̨nɔ̨n ɉəɠə laa hvo mįi.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

M̀ɛni-lɛɛi 21:16

Daa-lee tii nąą kəlee pɛliɛ kɛ a gee; gwɛa yee da ɲąą kɛnɛ̨ yee pɛliɛ kɛ gee. Ə daa kɔ́ɔn a veen gbaɠai tii, ə ɓo a kilə waa-hveelɛ pulu nwun-veelɛ, gwɛa pələ, ɲee la kwɛa pələ, dɔɔmɛ̨i kwɛa pələ, ə kɛ lɔ tanɔ̨n.