Lɛɛ gbɔwɔ ɓa 34:16 - Yálá laawoo hɛɓɛ (dc)

¹⁶ Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Yálá laawoo hɛɓɛ

¹⁶ Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Bible

¹⁶ Káfe dílônii-nɛyãai da kùla a nɛyâa kálônii-sinaai mɛni ma. Kà gɛ̀ tí, tãi da kɛ̀ díɣâla-ŋai fɛlîi la pere sîi nyɔ́mɔɔ-ŋa sui, da pâi kálônii-sinaai líi penêi dí nia mâ da dîa-ni díkɛ díɣâla-ŋai fɛ̀li.

Lɛɛ gbɔwɔ ɓa 34:16 Iomraidhean Croise

Zɛnɛse 24:3

'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Tɔɔɓɛlaa dɔlɔɔ 11:1

Tɔɔmun Salomɔn ə lɔi takpɛliɠaa hu nɛ̨ąą tamąą wɛli la kɛ, Eziptə tɔɔmun lon ɉəɠɛɛ pulu, Moabə nɛ̨ąą, Amɔn nɛ̨ąą, Edɔmə nɛ̨ąą, Sidɔn nɛ̨ąą, da Hɛtə nɛ̨ąą.

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Kɔlɔnikɔ Veerɛi 21:11

Yoramə kpįnįi tii, ə hali kɔ́iɠaa pɛli Ɉuda lɔi hu ɲeeɠaa nwuɔ̨, ə Ɉerusalɛmə nuą ɲąątɔɔ a túwɔ́ pələ ɲɔ̨n mą, ə Ɉuda nuą yee lɔ wɛli mɛ̨nį hu.

Ɛsdrasə 9:12

Ka hvo ka lonnii nɛ̨ą tɛɛ di lon ɉinąą pɔ, ka hvo di lon nɛ̨ąą həɠə a ka lon ɉinąą di nɛ̨ąni. Ka hvo ka ɲɛ̨i kulɔ di wɔ liilaa da di wɔ kwəinɛ̨ɛ̨ pɔ. Yili ɓə a gɛ, ka hu ə walawala, ka nɔi tɔlɔ kulɔ, ɛlɛɛ, kaa di lɛɛ a kwɛlin yii a kɛ a ka lonnii di wɔ a yələ kəlee.›

Ɛsdrasə 9:2

Diɛ, da di lonnii, daa nɛ̨ą həɠə ɓɛ a di nɛ̨ąni, Yálá nwɔ nu huwui hu, da nɔi nuą daa humo a di kee. Bɛlɛ nąmįną, da galanɉonŋąą ɓə di yee lɔ dúwɔ́ pələ ɲɔ̨n tii hu tɔwɔ.»

Nehemi 10:30

di tɔɔ di kaayɔwɔɠaai a nu kpɛa kpɛaɠaa di pulu, ə lɛɛ, di mįnɛ̨ həɠə diɛ di kwɛla, diɛ di kaa pai hiɛi a Yálá nwɔ tɔ́n nwooi, yai ə dɛɛ nwɔ tímun Moisə yee ŋą. Yai-Laa gu wɔ Yálá nwɔ tɔ́n nwooɠaa, nwɔ tíɓoɠaa diɛ pɛli di yee kɛi da nwɔ yɛnɛ̨ɛ̨ hon bələ ɓa, diɛ di pɔ túwɔ́ ɓo.

Nehemi 10:31

Yii gaa tii ku hvo kɛa pai ku lonnii nɛ̨ą tɛɛi nɔi hu nuą pɔ, ə lɛɛ, ku hvo pai di lonnii nɛ̨ąą həɠəi a ku lon ɉinąą di nɛ̨ąni.

Nehemi 13:23

Ɲələi tii ɓə nwɔ̨nɔ̨, ŋį́ Ɉuifəɠaa kaa la, diɛi Asdɔdə, Amɔn da Moabə nɛ̨ąą həɠə la a di nɛ̨ąni;

Nehemi 13:25

Ŋą́ haŋą diɛ, ŋį́ di nɛ̨ŋɛ̨n naa, ŋį́ daɠaa kɛlɛ di lɔwai, ŋį́ di nwun nəɠa kulɔ. Yili pulu, ŋį́ mo diɛ, di di kwɛla a Yálá laa, gɛ́ diɛ: «Ka hvo ka lon nɛ̨ąą tɛɛ da lɔpee pɔ a nɛ̨ą, ka hvo di lon nɛ̨ɛ̨nu ta həɠə a ka lon nɛ̨ą, ə mą kɛ a kaa kpinįi ka wɔɔ.

Mąątɛ̨nɛ̨ 106:39

Diɛ di kpɔwɔ mąąliɓi, a di túwɔ́ pələ, a di pulu tɔɔ Yálá ɓa, di kɛ mɛ̨niɠaa hu.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Levetekɔ 21:15

mąą hvo nɛ̨ɛ̨li hvo huwu takpɛli lɔ ɉuwu hu, mąąhɔlɔɓo, ɲą́ą́ ɓə gáá a Yai-Laa, ɲą́ą́i ɉəɠə ɉu.»

Zasua 23:12

Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Zasua 23:13

mąąnɛ̨ɛ̨ ka kili ə pu ɉu kaa diɛ Yai-Laa ka wɔ Yálá kaa pai kpɛlai nu huwuɠaai tii kpɛɛ ɓa ka ɲɛ̨itɔwɔ. Di kaa pai kɛi ka tɔwɔ a hɛlɛn, di ɓo a hvaɠa ka kpanaŋą; diɛ yali ka ɲɛ̨i yɛ ɲąąlən, ə lɛɛ ɉu, nɔi lɛlɛɛ ŋɛ̨i Yai-Laa ka wɔ Yálá ə dɛɛ ka pɔ, ka kpɛɛ ɉu.

Nwun mąąɓo 14:3

Samsɔn kaa nuą diɛ mą: «A kɛ tii, hvo kɛ nɛ̨ɛ̨non da kaa li ə́ huwu lɔwai ɓɛ, yii yá pɛli ɉəɠəi a ə́ nɛ̨ą? Hvo kɛ li lɔ Filisti nɛ̨ɛ̨nu, a diɛi di huwu kaa a kɛ́nɛ̨ kpolɔwaɠaai?» Kɛlaa, Samsɔn yɛ nąn ma: «Nɛ̨ɛ̨nui tii ɓə gáá bɔ ŋą́ ɉəɠə a nɛ̨́ą, ka li ka mąą mɛ̨nį ɓo.»

Nwun mąąɓo 3:5

Israɛlə lonnii di kɛ heeni Kanaan nuą lɔwai, da Hɛtə nuą, da Amɔrə nuą, Perizi nuą, Hivi nuą da Ɉebusə nuą lɔwai.

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.

Nwun mąąɓo 8:27

Zedeɔn ə nɛɛ mą, ə ɉɛnŋaa tii kəlee pɛli a hɛn da mąąnįnįn, ə dɔɔ bɔ taai Ofra. Nąą ɓə Israɛlə nuą di kɛi li laa, diɛ kwɛli hvilɛn naa ɉɛn tii ɓa. Yili ə kɛ a hɛlɛn ə tɛ Zedeɔn nwɔ pɛ́lɛ́i tɔwɔ.