Lɛɛ gbɔwɔ ɓa 34:11 - Yálá laawoo hɛɓɛ (dc)

¹¹ Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Yálá laawoo hɛɓɛ

¹¹ Mɛ̨nii gáá moi yɛ́ háákələi, ə́ kili lɛɛ ɉu a nɛlɛɛ. Gáá pai Amɔrə nuą, Kanaan nuą, da Hɛtə nuą, da Perizi nuą, da Hivi nuą, ɛlɛɛ da Ɉebusə nuą kpɛi ka tɔwɔ.

Bible

¹¹ M̀ɛnii ŋa pâi môi yâ sâai, gɛ́. Ŋa pâi Amɔra-ŋai, Keena-ŋai, Ita-ŋai, Pɛriza-ŋai da Iva-ŋai é pɛ́lɛ Zɛbusa-ŋai dîa kpɛ̂i káŋɛi-tuɛ a tãi ká kɛ lɛɣɛ̂i la a diai.

Lɛɛ gbɔwɔ ɓa 34:11 Iomraidhean Croise

Kɔlɔnikɔ Maa-ŋuŋ 1:14

yili pulu Ɉebusə nuą, Amɔrə nuą, Girgasə nuą,

Nehemi 13:23

Ɲələi tii ɓə nwɔ̨nɔ̨, ŋį́ Ɉuifəɠaa kaa la, diɛi Asdɔdə, Amɔn da Moabə nɛ̨ąą həɠə la a di nɛ̨ąni;

Lɛɛ gbɔwɔ ɓa 23:28

Gáá pai kwɛinŋaa tɔɔi di li, di Hivi nuą Kanaan nuą da Hɛtə nuą kpɛ ka tɔwɔ.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 33:2

Gáá pai malaka hvilɛn ɉi ka tɔwɔ, ŋį́ Kanaan nuą Amɔrə nuą Hɛtə nuą, Perizi nuą, Hivi nuą, da Ɉebusə nuą kpɛ ka tɔwɔ.

Lɛɛ gbɔwɔ ɓa 8:27

Bələi ti Moisə ə ɉu hvɛli la, Yai-Laa ə gɛ ti. Vɔnŋąą tii mąą ə kwɛa tɔɔmun ma, da nwɔ nu kpɛa-kpɛaa-o, ə mą kɛ, nɔi nuą. Dɔ̨nɔ̨ kpɛli hvo lɛɛ laa.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Dutɛrɔnome 12:28

Díɓo wooɠaa kpɔ ŋɛ̨i gáá dɛɛi ka pɔ, ka ka wəli tɔɔ diɛ, ka di pɔ mɛ̨nį kɛ, yili pɔ pələ ɓə ka kɛ la nwunąnɛ̨ɛ̨ hu; ka ka lonnii ka haa pulu, a yələ kəlee; hvo gaai, mɛ̨nįi ɉaŋąą Yai-Laa ka wɔ Yálái ɲɛ̨i ɓa, ya ka tii ka káá pai kɛi gɛi.

Dutɛrɔnome 28:1

«Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa, kaa tɔɔ a ka nwanąi kaa nwɔ tɔ́nŋąą kəlee hon diɛi gáá di tɛɛi ka pɔ háákələi; ka gɛ tii, Yai-Laa ka wɔ Yálái kaa pai ka kɛnɛ̨i lɔi mɛ̨i nu huwuɠaa kəlee diɛ.

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Dutɛrɔnome 6:25

Bələi gwa kɛ la a tələnmo nuą, bələ ka tii; Ya ɓaa gu nwɔ tíɓoɠaai tii kəlee kɛ Yai-Laa gu wɔ Yálái ɲɛ̨i ɓa, yɛ bələi ə gu tí la.»

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Dutɛrɔnome 7:19

Ka ka kiliŋąhiɛ, Yai-Laa ka wɔ Yálái hvaŋą kɛnɛ̨ pələ ɓa, da ɲee kwɔnwɔ̨n ɉu walawala pələ. Mɔ̨nɔ̨ kpɛa kpɛaɠaa ka ɲɛ̨i ə tɔɔ ɉu, gbalo mɛ̨nįɠaa da gwəi pili mąą mɛ̨nįɠaa; yili gili ə too ka ŋą, a ɓɛlɔwai Ə ka kulɔ la nɔi tii hu, a nwɔ yee walawala laai hɛn da hva tɔɔ na. Yai-Laa ka wɔ Yálái kaa lɔ pai yili ɲɔ̨nwɔ̨nmą naai nu huwu tii diɛ, diɛi ka ka ɲɔwi diɛ.

Zasua 23:5

Yai-Laa ka wɔ Yálái yaa kpinįi gaa pai heei di hu ka mąą mɛ̨nį ɓa, yɛ di kpɛ ka ɲɛ̨itɔwɔ; ka káá pai di wɔ lɔi hɔlɔɓoi a ka kwɛlin, yɛ bələi Yai-Laa ka wɔ Yálái ə mo la.