Lɛɛ gbɔwɔ ɓa 32:9 - Yálá laawoo hɛɓɛ (dc)

⁹ Yai-Laa yɛ nwɔ̨nɔ̨ Moisə ɓa: «Ŋą́ą́ nuąi ŋɛ̨i mąąkpɛɛ, di kaa a nuąi di wəli walawalaa.

Yálá laawoo hɛɓɛ

⁹ Yai-Laa yɛ nwɔ̨nɔ̨ Moisə ɓa: «Ŋą́ą́ nuąi ŋɛ̨i mąąkpɛɛ, di kaa a nuąi di wəli walawalaa.

Bible

⁹ É ŋɔ́nɔ mò Mose ma ǹyɛɛi, “Ŋá ǹûai ŋí kɔ́lɔŋ. Díŋuŋ su kpanaŋɔ̂ɔi.

Lɛɛ gbɔwɔ ɓa 32:9 Iomraidhean Croise

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.

Kɔlɔnikɔ Veerɛi 30:8

«Ka hvo gɛ kan a kwɛli tee laa, yɛ ka nąnni. 'Ka ká yee haŋą Yai-Laa pɔ pələ, ka pa ŋą pɛlɛ mąąhəɠɛɛ mu, yaai aa mąąhəɠə a yələ kəlee mɛ̨nį. 'Ka tí ka wɔɔ Yálái Yai-Laa ɓa, əgɛ, ə nwɔ liiɲąnwąną ɲɛ̨i həɠə kaa.

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Nehemi 9:17

Di hvo gɛ di hvo di wəli tɔɔ, di hvo di kili lɛɛ gbalo mɛ̨nįɠaa ə́ gɛ diɛ ɉu, di di nwun ɉuwalawala, di di nwun dɛ ə́ pɔ, di naa di kwəi, diɛ kɛ di pənə də li di wɔ luwɔlaai hu. Kɛlaa, ə́ wɛi, nu mąą hvaalɛɛ Yálá ɓaa yɛ́, ə́ wɔ mɛ̨nį lɛlɛɛi, yɛ́ nu mąąwɛli kaa, hva ə́ líiholi ɉa. Ə́ kulaa ə́ woo ɓa, hvo ə́ yee kulɔ di mu.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Lɛɛ gbɔwɔ ɓa 33:5

Yai-Laa yɛ Moisə ɓa: «Mo Israɛlə lonnii diɛ, yɛ́ diɛ: ‹Nu huwu nwun nwalawala ɓaa a kaa, ŋį́ mą kɛ diɛ, gáá lɛɛi ka lɔwai, ə mą kɛ a hvóló tɔ̨nɔ̨ kpɛli, ŋą́ nəi ka hu kala. Ə həli kani kaa! Ka ɉɛli həɠəɠaa kulɔ ka kwąną, bələi gɛ́ ŋį́ pa ka hon na, gɛ́ pɛli bələ kaai.›»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Hanwon 29:1

Nui a gbowo too ɉutɔɔ woo ɓa, a tee lɔ kpə, ɉali hva kɛ.

Azaya 48:4

Ŋą́ gɔlɔn gɛ, gɛ́ diɛ ə́ kili wala walaai, ɛlɛɛ ə́ kpowola wala walaai yɛ kwɛli, ə́ tɔwɔla wala walaai yɛ ɓala kwɛli,

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Osia 6:10

Ŋą́ą́ mɛ̨nį ɲɔ̨nwɔ̨ɔ̨ kpɛa-kpɛa kaa Israɛlə nwɔ pɛlɛ́i mu, nąą ɓə Ɛfraimə a nwɔ wɛli mɛ̨nįi kɛ laa, Israɛlə mąą yɛ liɓi la.

Lonon mo 14:11

Yai-Laa yɛ Moisə ɓa: «Nuąi ŋɛ̨i ɲɛ̨i kaa pai lɛɛi tɛɠɛɓoi ɉú, ə lɛɛ ɉu mįnɛ̨ lɔwai? Mįnɛ̨ lɔwai ɓə di kaa pai hvaai la mą di laa ná. Pələi mąn gáá kpalo mɛ̨nįɠaa kɛi la di lɔwai?

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Dutɛrɔnome 10:16

Yili ɓa, ka ka kpɔɔ lɛɛ kan Yai-Laa ka wɔ Yalai yee kɔ́nma, ka hvo tɔɔ na.

Dutɛrɔnome 31:27

Mąąhɔlɔɓo, ka kwɛli teɛi, ɛlɛɛ, ka nwun ɉu walawalaa mɛ̨nį nwɛi, yili kpaɠala ka mą́ą́ nii háákələi ka lɔwai. Vúlú kɔ́wɔ ŋą ɓə ka tɔɔlaa Yai-Laa la, gu hvo mun kɛ ɉáá pulu!

Dutɛrɔnome 9:13

Ɛlɛɛ Yai-Laa yɛ mą́ą́: «Ŋą́ą́ nuą tii kaa, nu huwu nwun ɉuwalawalaa ɓaa diɛ!

Dutɛrɔnome 9:6

Mąąnɛ̨ɛ̨ ka gɔlɔn kaa kɛ, ka haŋą bələ hvəi gɛ Yai-Laa ka wɔ Yálái yɛ nɔi lɛlɛɛ ŋɛ̨i tɛɛ la ka pɔ. Ka káá a nu huwu nwun ɉu walawalaa.