Lɛɛ gbɔwɔ ɓa 32:7 - Yálá laawoo hɛɓɛ (dc)

⁷ Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Yálá laawoo hɛɓɛ

⁷ Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Bible

⁷ Yâwɛɛ è mò Mose mà ǹyɛɛi, “Yeŋ ǹyéei kwára. Kpɛ́ni fêi, ínûai í díkùla Ize lɔii sui da ŋumɛ-mɛni kɛ́i.

Lɛɛ gbɔwɔ ɓa 32:7 Iomraidhean Croise

Kɔlɔnikɔ Veerɛi 27:2

Yotamə ə túwɔ́ a nɛlɛɛ Yai-Laa ɲɛ̨i ɓa, yɛ bələi nąn Oziasə ə gɛ la. Kɛlaa, hvo lɔ Yai-Laa nwɔ pɛlɛ́i mu. Ə mą kɛ tii, nɔi lonnii di hvo di túwɔ́ pələ mąąhvalin.

Mąątɛ̨nɛ̨ 78:36

Kɛlaa, di kɛi mowo a di laaləi, di nɛ̨n yɛ lɛɛ kɛ mą.

Lɛɛ gbɔwɔ ɓa 19:24

Yai-Laa yɛ Moisə ɓa: «Pənə ə́ yɛɛ, yɛ́ ka Aarɔn ka tɛ. Kɛlaa, ɉaláá laa həli nuą da nɔi nuą, di hvo kɛ di kaa kpuluun ɉi, diɛ tɛ Yai-Laa pɔ; ə gɛ, hvo pa ləi níiholi di pɔ hvo di kɛlɛ!»

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Lɛɛ gbɔwɔ ɓa 32:4

Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Osia 9:9

Di yee aa ɓɔ nɔgwəi mɛ̨nį hu, yɛ bələi ə kɛ la Givea, di hɔn gɛnɛ̨i tii, kili kaa pai lɛɛi Yai-Laa ɲą, gaa pai di wɔ nɛ̨ŋɛ̨nŋąą i kwələ kulɔi diɛ.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Dutɛrɔnome 32:5

Kɛlaa, ka wɛi, kaa kɛ a nu huwu kalaa, kaa ka kpɔwɔ kɔ́hɔɓo, kaa həɠə tɛ̨ą pulu, kaa kulɔ nwɔ lon naa hu, ka mąą nwumɛ̨ li!

Dutɛrɔnome 4:16

Yili ɓa, ka hvo tɔɔ, kaa ka kpɔwɔ ɓowo a hɛn da mąą nįnįn bɛliɛ, kaa kɛ Yálá mąą nįnįn ni; ə kɛ a hɛn ɉilɛ, a wala kɛ tii, ɉaa;

Dutɛrɔnome 9:12

Nąąlɔwai Yai-Laa yɛ mą́ą́: «Ə́ muhəɠə, ə́ kɛhu ə yɛɛ! Mąąhɔlɔɓo, yɛ́ nuąi daa túwɔ́ pələ ɲɔ̨n gulɔ. Ə́ wɔ nuą ŋɛ̨i ə́ di kulɔ Eziptə lɔi hu, ɉu hvo nii kpɛli kwɛa li; bələi ŋį́ nɛ diɛ, daa həɠə mɛ̨i, daa kwɛli həɠeen daa bɛli a hɛn da mąąnįnįn.»

Dutɛrɔnome 9:8

Ká Yai-Laa liiholi mɛ̨nį kɛ Horɛbə yee ɓa. Yai-Laa lii ə holi ka pɔ, yɛ kɛ ə ka hukala.

Nwun mąąɓo 2:19

Kɛlaa, ɓɛlɔwai guláái yili a haa la, da lan gbɔ, di tɛɛ di nąnni diɛ, diɛ haliɠaa həɠə, diɛ kwɛli hvilɛn diɛ, di hvo kɛi kpɛla túwɔ́ pələ ɲɔ̨n ma, di wɔ kili walawala laa ta hvo kɛi kulɔ mą.