Lɛɛ gbɔwɔ ɓa 32:5 - Yálá laawoo hɛɓɛ (dc)

⁵ Yili nąą kaai Aarɔn ə mo, ə nɛɛ mą, ə haláá kulɔi pɛli nįŋɛ̨ lon mąą nįnįn tii lííla. Yili pulu, ə nolo ɓo, yɛ diɛ: «Tínąą hvólói kaa a Yai-Laa nwɔ hɛli.»

Yálá laawoo hɛɓɛ

⁵ Yili nąą kaai Aarɔn ə mo, ə nɛɛ mą, ə haláá kulɔi pɛli nįŋɛ̨ lon mąą nįnįn tii lííla. Yili pulu, ə nolo ɓo, yɛ diɛ: «Tínąą hvólói kaa a Yai-Laa nwɔ hɛli.»

Bible

⁵ Tãi Eelɔŋ è nyíŋi káa lai, è Ɣâla-teƃele kpɛ̀tɛ niŋa-sirɛ pɔkɔɔŋ ŋɛ́i-tuɛ, é mó ǹûai dîa ǹyɛɛi, “Kwa tínaa kúu kɛ̂i Yâwɛɛ ma.”

Lɛɛ gbɔwɔ ɓa 32:5 Iomraidhean Croise

Tɔɔɓɛlaa dɔlɔɔ 21:9

Mɛ̨nįɠaa ə bɛ̨ɛ̨ ɉɛɓɛ́ hu, diɛ ka; yɛ diɛ: «Ka hin gɛnɛ̨ lɔ mɛ̨nį noloɓo, ka Nabɔtə hee nu kɛnɛ̨ haɠa ɓa nu kəlee ɲɛ̨i tɔwɔ.

Tɔɔɓɛlaa veelɛ 10:20

Ɉehu ə mo, di Baalə mąąwiɛ ŋąąkpɔn gɛnɛ̨ too, yili ɓə gɛ, di nuą tamąą təli.

Tɔɔɓɛlaa veelɛ 16:11

Ɉaláá laa həli mun Uriya ə ɉaláá kulɔi pɛli yɛ bələi kpɔlɔɔ tɔɔmun Akazə ə dɔɔ pələ kpaɠala lɛ la mą. Ə gɛ kpɔlɔɔ gɛɛ tɔɔmun Akazə hvo həɠə Damasə yɛ pa.

Kɔlɔnikɔ Veerɛi 30:5

Ɛlɛɛ, di gɛ tii a wɛlɛɛɠaa di dɔɔ Israɛlə lɔi kəlee hu, ə həɠə Beɛrə-Seva ə həli la Dan. Diɛ nuą di pa Ɉerusalɛmə Israɛlə nwɔ Yálá Yai-Laa nwɔ pakə hɛlii pu mɛ̨nį ɓa; hvó gaai nu tamąą di hvo ta bu li yɛ bələi bɛ̨ɛ̨i la.

Lɛɛ gbɔwɔ ɓa 10:9

Moisə yɛ mą: «Ku lonnii, ku wɔ nu pɔlɔ-pɔlɔɠaa, ku yəi taatɛlɛɛɠaai kəlee, kwa diɛni ɓə lii. Mąąhɔlɔɓo, ku kaa lii Yai-Laa mąąwiɛ hɛli pui.»

Lɛɛ gbɔwɔ ɓa 12:14

«Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Lɛɛ gbɔwɔ ɓa 17:15

Moisə ə haláá kulɔi ta pɛli, ə nąą la hee a: «Yai-Laa nwɔ́ kɔ́kuláá.»

Lɛɛ gbɔwɔ ɓa 32:4

Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Osia 8:11

Ɛfraimə aa ɉaláá kulɔiɠaa tamą, nɛ̨ŋɛ̨n ɉəɠə mɛ̨nį ɓa, ɛlɛɛ ɉaláá kulɔiɠaai tii daa kɛ ɲəi a nɛ̨ŋɛ̨n ɉəɠə nwun.

Osia 8:14

Israɛlə aa lɛ̨ą bɛlimun ma, aa gbɔwɔ nwɔ tɔɔ pɛlɛ́ɠaa tɔɔ. Ɉuda nwɛi, gaa nwɔ taaɠaai mąątinɛ̨n ɉii a di mąąkpɛ hįį. Kɛlaa, gáá pai nwɔ̨n bilii nwɔ taaɠaai hu, yɛ daa mąą kɔ̨nwɔ̨ pɛlɛ́ɠaa kələn.

Levetekɔ 23:2

«'Mo Israɛlə lonnii diɛ, yɛ́ diɛ: «Yai-Laa nwɔ hɛli kpɛa-kpɛai da həli, mąąnɛ̨ɛ̨ ka ka ɲąąkpɔn, əgɛ, ka mąąwiɛ. Voló kpɛa-kpɛai mąąnɛ̨ɛ̨ gu gu kee kaa la, diɛ ka:

Levetekɔ 23:21

Voló tɔ̨nɔ̨i tii yee mu, ka nuą təli, ka ka ɲąąkpɔn mą́ą́wiɛ mɛ̨nį ɓa, ka hva kóló lɔpee ta kɛ a mąą yələ; yili kaa a ka wɔ yɛnɛ̨ɛ̨ kɛ pələ ta, kwɛlan gəlee mɛ̨nį li, ɓɛi lɔpee ka kɛ laa heeni, hva ɉəɠə mą.

Levetekɔ 23:37

«Yai-Laa nwɔ hɛli kpɛa-kpɛaa ka tii, mąąnɛ̨ɛ̨ ka ka ɲąąkpɔn na, kaa haláá laa həli Yai-Laa ɓa, haláái da gəlee kələn, kaa naa həli, a wala kɛ tii, Yálá kɔ́ haláá, liilaa haláá, kaa Yálá kɔ́ a lɔɔ, yɛ bələi voló tɛitɛi kəlee nwɔ haláá heekpəlin na kaa la.

Levetekɔ 23:4

«Yai-Laa nwɔ hɛli kpɛa-kpɛai yiiɠaai mąąnɛ̨ɛ̨ ka ka ɲąąkpɔn na, kaa mąąwiɛ, diɛ ka:

Korɛntə dɔlɔɔ 5:8

Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Samuɛlə dɔlɔɔ 14:35

Bələ ɓə Saulə ə haláá kulɔi pɛli la Yai-Laa ɓa, ɉaláá kulɔi dɔlɔɔ tɔlɔɔ ka tii yii Saulə ə bɛli Yai-Laa ɓa.