Lɛɛ gbɔwɔ ɓa 32:4 - Yálá laawoo hɛɓɛ (dc)

⁴ Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Yálá laawoo hɛɓɛ

⁴ Aarɔn ə ɉon di yəi, ə bɛli a nįŋɛ̨ lon mąą nįnįn. Nąąlɔwai, nuą diɛ kɛa kɛ diɛ: «Israɛlə ka gu wɔ yálái ka; yai gu kulɔ Eziptə lɔi hu.»

Bible

⁴ Eelɔŋ è ŋ̀ôlii-sãai sòŋ é zéɣeŋ é gbɛtɛ yɛ̂ɛ niŋa-sirɛ pɔkɔɔŋ. Nya ƃe ǹûai dí mò dîyɛɛi, “Óo Eezuɛ-ŋai kúɣâlai ká ŋí nyii kú kùla Ize lɔii sui!”

Lɛɛ gbɔwɔ ɓa 32:4 Iomraidhean Croise

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Tɔɔɓɛlaa dɔlɔɔ 12:32

Ɉeroboamə ə hɛli kɛnɛ̨ pu a ɲąnin mɛ̨ihaaɓa nąą nwɔ hvóló pow kɔ́w lɔɔli yələ, yɛ bələi di kɛi gɛ la Ɉuda lɔi hu, ɛlɛɛ, ə tɔɔ ɉaláá kulɔi lííla. Bələ ɓə ə gɛ la Betɛlə, yɛ haláá kulɔ nįŋɛ̨ lon ŋɛ̨i ə bɛli mą, ə nɛɛ mą ə haláá laa həli nuą hee Betɛlə, Yálá kɔ́iɠaa tii ɓa, yai ə dɔɔ.

Tɔɔɓɛlaa veelɛ 10:20

Ɉehu ə mo, di Baalə mąąwiɛ ŋąąkpɔn gɛnɛ̨ too, yili ɓə gɛ, di nuą tamąą təli.

Tɔɔɓɛlaa veelɛ 10:29

Kɛlaa, Nevatə lon Ɉeroboamə, nɛ̨ŋɛ̨n ŋɛ̨i ə Israɛlə yee lɔ ɉu, Ɉehu hvo həɠə yiliɠaa pulu; ya ɓaa: Nįŋɛ̨ lonŋaai di bɛli a hɛni Betɛlə da Dan, hvo di kala li.

Kɔlɔnikɔ Veerɛi 11:15

Kɛlaa, Ɉeroboamə ə haláá laa həli nuą hee a nwɔɔ, hali kɔ́iɠaa ɓa, diɛ ɓaa a ɓooli hilɛɠaa da nįŋɛ̨ lonnii di di pɛli.

Kɔlɔnikɔ Veerɛi 13:8

Yii hui ŋɛ̨i kɛa, ka káá kɛi ka tɔɔ Yai-Laa ŋą tɔɔlaai la, yaai gaa Davidə lonnii yəi! Ka kpulu hu kɛnɛ̨i, nįŋɛ̨ lonnii Ɉeroboamə ə di pɛli a hɛni, di kaa ka yə a ka wɔɔ yáláɠaa;

Nehemi 9:18

Ə mą kɛ ɓɛlɔwai di nįŋɛ̨ lon bɛli la a hɛni, diɛ kɛ diɛ: ‹Ə́ wɔ Yálá ka, ya ɓə ə́ kulɔ Eziptə lɔi hu.› Di di hɔn gɛ mɛ̨nį kpɛa kpɛa hu.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 20:4

«Mąą nįnįn ɉaɠaa lɔpee ta hvo kɛ ka yəi, ə mą kɛ a yələkɔlɔn ɉu hɛn da kulɔmąą, ə mą kɛ, a lɔi mɛ̨i hɛn da, da yái hɛn da yii gaa lɔi mu gulɔmąą.

Lɛɛ gbɔwɔ ɓa 28:11

Ə́ kaa pai Israɛlə lonnii laa pɛ̨ɛ̨i gwɛni ɓɛla hveelɛi mɛ̨i, yɛ bələi kwɛni haɠamun nwəlɛɛ a gɛ la, bɔɔ yɛ lɛɛ gwɛni ɓa. Di gbulɔn galan ŋą yɛli hveelɛi ɓa yai ɉɛniyá lɔɔ mą.

Lɛɛ gbɔwɔ ɓa 28:9

Ə́ kwɛni ɓɛla lɛlɛɛ tɛɠiɛ hveelɛ həɠə, ə́ Israɛlə lonnii laa pɛ̨ɛ̨ mą.

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Lɛɛ gbɔwɔ ɓa 32:24

Ŋą́ di mąąningɛ, gɛ́ diɛ: ‹Gbɛɛ ɓə hɛni kaa ɲəi?› Di gulɔ di wəliiɠaa, di dɛɛ bɔ́, ŋį́ ɉəɠeen nwɔ̨n ɉu, ŋį́ bu ə kɛ a nįŋɛ̨ lon ŋɛ̨i.»

Lɛɛ gbɔwɔ ɓa 32:3

Nuą kəlee di pa a nwəlii kwɛliɠaa, di dɛɛ Aarɔn pɔ.

Lɛɛ gbɔwɔ ɓa 32:35

Yai-Laa ə nuą kɛlɛ, mąąhɔlɔɓo, di nįŋɛ̨ lon bɛli, Aarɔn ɓə bɛli di yəi.

Lɛɛ gbɔwɔ ɓa 32:5

Yili nąą kaai Aarɔn ə mo, ə nɛɛ mą, ə haláá kulɔi pɛli nįŋɛ̨ lon mąą nįnįn tii lííla. Yili pulu, ə nolo ɓo, yɛ diɛ: «Tínąą hvólói kaa a Yai-Laa nwɔ hɛli.»

Lɛɛ gbɔwɔ ɓa 32:7

Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Lɛɛ gbɔwɔ ɓa 32:8

Niɛwooɠaai ŋɛ̨i ŋį́ dɛɛ, di pɔ, daa di pulu tɔɔ mą, daa nįŋɛ̨ lon bɛli di kpɔɔ ɓa, diɛ pɛlɛ gɔwɔ mu, diɛ haláá kulɔ mą, diɛ kɛ mą: Israɛlə, ka gu wɔ yálái ka, yai gu kulɔ Eziptə lɔi hu.»

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 46:6

Nu taɠaa da di wɔ hɛni hu kala, diɛ wali kɔ́ɔn, diɛ yɛlɛ kɛmun ɉala, hali pɛli mɛ̨nį ɓa, ɛlɛɛ, diɛ di mąąwiɛ, diɛ pɛlɛ di liiɓa, diɛ kwɛli hvilɛn diɛ.

Izikiɛ 23:8

Ə nwɛli mɛ̨nįi ti kpalatɔɔ Eziptə lɔi hu; a ɓɛlɔwai da yaa di kɛi laa la, ə ɓo nii a nɛ̨ɛ̨non; ɓɛlɔwai di kɛi ɲįnį hon na, diɛ pɛli wɛli pələ kəlee kəi la. Ɲee ə kɛ lɔ nwɛli honŋąąi ti hu.

Osia 10:5

Samari nuą kaa ɲɔwi Bɛtə-Awɛn haliɠaai a nįŋɛ̨ kpəlaaɠaa, di mąą mɛ̨nį ɓa, mąąhɔlɔɓo, nɔi nuą, da ɉaláá laa həli nuą, diɛi kɛi di ɲąąnɛ̨ɛ̨ kulɔ ŋą kɛnɛ̨ laa hu, di kəlee, di mąą kaa kpɛlin ɉii, diɛ wɔlɔ pu di wɔ halii mɛ̨i, yai a nįŋɛ̨ lon, yiihu, yii kɛa daa li la tii kwɛaa la, ka gwəinɛ̨ɛ̨ ta kulɔ wɛ kan!

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.

Gɛlaɠaa 7:41

Mąą yələi tii, di nįŋɛ̨ lon bɛli, diɛ hálaa kulɔ ɉalii ti ɓa, diɛ di kɛ kólói tii mąą kwəinɛ̨ɛ̨ kulɔ.

Korɛntə dɔlɔɔ 10:7

'Ká hvo kɛ a hali kɔ nuą yɛ di taɠaa, yɛ bələi bɛ̨ɛ̨i la: «Nuą di hee di di laa mįi, di di kpələ, yili pulu di di muhəɠə diɛ pə́lə́ kɛ.»

Dutɛrɔnome 9:16

Ŋą́ gaa kpɔ tii, kaa kɛ nɛ̨ŋɛ̨n ɉəɠə Yai-Laa ka wɔ Yálái ɓa; a gɛ mɛ̨nį ka kwɛli həɠeen, kaa nįŋɛ̨ lon bɛli la; ɛlɛɛ, ɉu hvo mą kɛ kwɛa li, bələi Yai-Laa ə nɛ kaa, kaa mąn həɠə mɛ̨i.

Nwun mąąɓo 8:24

Yili pulu, Zedeɔn yɛ nwɔ̨nɔ̨ diɛ: «Mɛ̨nį tɔ̨nɔ̨ ɓə gáá ɉu hvɛli kaa, ya ɓaa: Gɔ́ honŋaai tii ka ɉɔlɔɓo, nu kəlee ə gbono tɛitɛi kulɔ ɉu, ə dɛɛ bɔ́.» Ə mo tii diɛ, mąąhɔlɔɓo, nuąi tii də li gɔ́ pɛlɛi diɛ, di kɛ a Ismaɛlə nu huwu, hɛni gbono ə kɛ gəlee yee ɓa.

Nwun mąąɓo 8:27

Zedeɔn ə nɛɛ mą, ə ɉɛnŋaa tii kəlee pɛli a hɛn da mąąnįnįn, ə dɔɔ bɔ taai Ofra. Nąą ɓə Israɛlə nuą di kɛi li laa, diɛ kwɛli hvilɛn naa ɉɛn tii ɓa. Yili ə kɛ a hɛlɛn ə tɛ Zedeɔn nwɔ pɛ́lɛ́i tɔwɔ.