Lɛɛ gbɔwɔ ɓa 32:13 - Yálá laawoo hɛɓɛ (dc)

¹³ Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Yálá laawoo hɛɓɛ

¹³ Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Bible

¹³ Íkili ŋá sía í bîlaŋ ítii kɛ́-ƃelai Eberaɣɛ̃ɛ, Aise da Zeeka-ni dîa nyii-ŋai í íkono tèe díyêei í mó dîa yɛ̂ɛi, ‘Ŋa pâi kásuui tâmai yɛ̂ɛ bɛ̂mɛlɛŋ-kao-ŋai díkaa ŋ̀elei sui, ŋá ǹɔii-ŋai ŋí tɛ́ɛ kásuui pɔ́ nyii ŋá ŋ́gono tèe la káyêei, nyii pâi kɛ̂i a dípɔɔ wɔlɔ-wɔlɔ da wɔlɔ-wɔlɔi.’ ”

Lɛɛ gbɔwɔ ɓa 32:13 Iomraidhean Croise

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 15:7

Yálá ə mo Abramə ɓa, yɛ mą: «Ɲą́ą́ gáá a Yai-Laa, yii ə́ kulɔ Urə daai Kalde nuą pɔ lɔi, ə gɛ, nɔi ŋɛ̨i ə́ kaa ɉu, ŋį́ dɛɛ ə́ pɔ a ə́ wɔɔ.»

Zɛnɛse 17:8

Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 22:16

«Yai-Laa aa gwɛla a gbɔwɔ, yɛ mą: Ɲą́ą́ ɓə gáá a Yálá hvulú, mɛ̨nįi ŋɛ̨i yáá gɛ, yii kpɔ hvo kɛ lənə li ə́ lon gɔw tɔ̨nɔ̨i ŋɛ̨i kulɔi mą́ą́ a haláái,

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 24:7

Yai-Laa yələkɔlɔn ɉu Yálá, ə gúlɔ ną́n ɲəi bɛlɛ́n, da gáá lɔi hu, mąą Yálái tii ɓə gwɛla, yɛ mą́ą́: ‹Gáá nɔi ŋɛ̨i tɛɛi ə́ pɔ, yɛ́, ka ə́ huwu.› Ɲálái tii kaa pai nwɔ malaka ta tɔɔi ə́ tɔwɔ, əgɛ, ə́ nɛ̨ɛ̨nu ta hɔlɔɓo ku pɔ lɔi, ə́ paa la nón bɔ a nɛ̨ą.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Lɛɛ gbɔwɔ ɓa 13:11

Ɓɛlɔwai Yai-Laa a lɔ la a kaa Kanaan lɔi hu, yɛ bələi ə naakwɛlanmo la ka kalaɓɔlɔni diɛ, a nąą tɛɛ ka pɔi;

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Levetekɔ 26:42

Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Dutɛrɔnome 9:27

Ə́ kiliŋąhiɛ kani ə́ vilɛn ə́ wɔ tínuąi a: Abrahamə, Isaakə da Ɉakɔbə diɛ. Hvó ə́ kili lɛɛ nu huwui ŋɛ̨i nwɔ wəlii kpɔlɔ ɓa, da di wɔ túwɔ́ pələ ɲɔ̨n, ə mą kɛ di wɔ nɛ̨ŋɛ̨n;

Hebreu 6:13

Ɓɛlɔwai Yálá ə mɛ̨nį laakwɛlanmo la Abrahamə ɓai, yɛ bələi hɛn da hvo kɛnɛ̨ li la hvo tɛɛ Yaa mą, ə gwɛla a gbɔwɔ kpinįi,