Lɛɛ gbɔwɔ ɓa 32:11 - Yálá laawoo hɛɓɛ (dc)

¹¹ Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Yálá laawoo hɛɓɛ

¹¹ Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Bible

¹¹ Kɛ́lɛ Mose è Ŋɔɣâla Yâwɛɛ kperai fè ǹyɛɛ mai, “Óo Yâwɛɛ, ƃa pâi ínûai nyii-ŋai í díkula Ize lɔii su a íwala-laai kɛ́tɛi su-karai a ílii-ŋwanai lé mɛni ma?

Lɛɛ gbɔwɔ ɓa 32:11 Iomraidhean Croise

Zɛnɛse 18:27

Abrahamə yɛ nwɔ̨nɔ̨ mą: «Ną́mu, ə́ lii laa bɔ́, gáá nwɔ̨nɔ̨ bɔ ŋą́ mɛ̨nį ta ɓo yɛ́, ɲą́ą́ ŋɛ̨i və́ ɓaa hɛn da, gáá lɔ a muluun gbala a wala kɛtii luwu.

Tɔɔɓɛlaa dɔlɔɔ 8:51

Mąąhɔlɔɓo, ə́ wɔ nu huwui li, ə́ kwɛlin ni, nuą ə́ di kulɔ Eziptə lɔi hu hvuluun nwɔ̨n ɉu, diɛ li.

Nehemi 1:10

Ə́ wɔ nu huwui li, ə́ di nwun mąąɓo a ə́ wɔ hvaŋą kɛnɛ̨, a ə́ yee nwɔ huwalawalalaa.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Lɛɛ gbɔwɔ ɓa 32:7

Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 8:8

Moisə da Aarɔn di həɠə tɔɔmun bɔɔli. Moisə ə nɛɛmą, ə nwoo tɛ Yai-Laa ɓa, gbəŋəɠaa ti ə ɲąątɔɔ Eziptə tɔɔmun ma, mąą mɛ̨nį hu.

Azaya 63:17

Yai-Laa, lə ɓə kɛ yaai, ya ku lɛɛ laa, kuɔ lia li ku nwun mą? Kuɔ ku mąą kwɛa ə́ wɔ pələɠaai diɛ? Ɛlɛɛ yɛ́ ku kili wala wala, hva mą kɛa ɲɔw yɛ́? Ə́ wɔ tínuąi mąą mɛ̨nį ɓa, 'pənə ə́ pa, nu kanŋaai a ə́ pɔɔ, 'pa di mąą mɛ̨nį ɓa.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Woolaa 2:20

Yai-Laa! 'Ə́ ɲɛ̨i hee tai, ə́ kɛɛ kaa! Gbɛɛ ɓə yá ta ɉon bələ kɛ kpɔ ŋɛ̨i-yoo? A kɛ tii, hvo kɛli kɛ nɛ̨ąą di di kwəi lonnii mįi? A di kpɔwɔ lonnii ŋɛ̨i laani di ɲįnį mui? Akɛti, hvo kɛli kɛ da ə́ wɔ haláá laa həli nuą, da ə́ kwəi mɛ̨ni hukulɔ nuą nwun dee, ə́ wɔ haláá kulɔi ɓa?

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Lonon mo 11:11

«Yai-Laa, lə mɛ̨nį ɓa, ə́ kaa mɛ̨nį nwąnąą laai ə́ wɔ tí mun ma? Lə mɛ̨nį ɓa hvó ə́ ɲɛ̨i lɛlɛɛ hee li mą́ą́? Yɛ́ nuą ŋɛ̨i mąą mɛ̨nį diɲɛ laa nwúɔ̨?

Lonon mo 14:13

Moisə yɛ Yai-Laa ɓa: «Eziptə nuą di gɔlɔn diɛ, ə́ Israɛlə lonnii kulɔ di yee mu a ə́ wɔ huwalawalai hɛn da hva tɔɔ na.

Lonon mo 16:22

Moisə da Aarɔn di too nɔi ɓa, diɛ Yai-Laa ɓa: «Ee kə Yálá, yɛ́i pɛli hɛn gəlee nɔ̨ɔ̨ kaa ə́ yee kɔ́nma, nu tɔ̨nɔ̨ lɔ ɓə nɛ̨ŋɛ̨n ɉəɠə, ya ɓə ə́ kaa ə́ liiholii nu kpulu kəlee pɔ.»

Lonon mo 21:7

Nuą di pa Moisə pɔ diɛ mą: «Kwaa nɛ̨ŋɛ̨n ɉəɠə Yai-Laa ɓa, a ka yaa ka laa pələ́ ɲɔ̨nwɔ̨ɔ̨i ku moi. Ku mąą nɛ̨ɛ̨mąą hvə Yai-Laa ɓa, ə gaalə huwui ŋɛ̨i mąą kwɛa kuɔ.» Moisə ə nuą mąą nɛ̨ɛ̨mą hvə Yai-Laa ɓa.

Lonon mo 27:4

Akɛti, ku nąn laa yɛ mɔ̨ɔ̨ ə pa kpɛɛ ɉuwu hu? Mąąhɔlɔɓo, lon ɉulɔnu hvo kɛ mą? Yili ɓa tii, lɔi tɛɛ ku pɔ, yɛ bələi ə́ dɛɛ la ku nąn niɛni, da nəɠəni di pɔ.»

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.