Lɛɛ gbɔwɔ ɓa 32:1 - Yálá laawoo hɛɓɛ (dc)

¹ Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Yálá laawoo hɛɓɛ

¹ Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Bible

¹ Tãi ǹûai dí gàa la a gɛɛ Mose è kɛ̀ tûai ǹyéei ma vé kɛ́ ní pâi a maa felai, dí díŋa tɛ̀ gîe ma Eelɔŋ ŋɛ́i-tuɛ dîyɛɛ mai, “Pá í ɣâla kpɛtɛ kúmɛni ma a gɛɛ é tɔ́ɔ kútuɛ, kpɛ́ni fei, kúfe mɛnii kɔ́lɔŋ kɛ̂i a Mose nyii kú kula Ize lɔii su.”

Lɛɛ gbɔwɔ ɓa 32:1 Iomraidhean Croise

Zɛnɛse 19:14

Lɔtə ə li, nuąi ŋɛ̨i kɛi pa nonnii nɛ̨ąą həɠəi a di nɛ̨ą, yɛ diɛ: «Ka kulɔ ɓɛ daai ɉa, mąąhɔlɔɓo, Yai-Laa kaa pai daai ŋɛ̨i kələn ɉii.» Kɛlaa, di kɛi Lɔtə wooi tii kaa yɛ yola woo.

Zɛnɛse 21:26

Abimelɛkə ə nwoo ŋąąpənə, yɛ mą: «Nui mɛ̨nį tii kɛ, və́ gɔlɔn, ɛlɛɛ, háá ɓaa háá, yɛ́ kpinį, hvo ta da ɓo li mą́ą́, və́ nwɔ̨nɔ̨ ta bələ mɛ̨n ni.»

Zɛnɛse 39:8

Ɉosɛfə yɛ mą: «Vá pɛli mą! Nwɔ́ mɛ̨nį nąmu aa gilitɔɔ mą́ą́, aa ɲəi hɛnŋąą kəlee lɛɛ ɲéé kɔ́nma.

Zɛnɛse 44:15

Ɉosɛfə yɛ diɛ: «Lə mɛ̨nį ɓa, ka gɛ tii a ɲą́ą́? Ka hvo gɔlɔn kaa diɛ gáá a nui a pɛli ə mɛ̨nįɠaa tii kpaɠala kaa?»

Zɛnɛse 44:4

Di kulaa daai, di hvo kpɛli li kwɛa la, Ɉosɛfə yɛ nwɔ nui tii ɓa: «Hvilɛn nuąi tii pulu, ya həli diɛ, ə́ di mąąnikɛ, yɛ diɛ: ‹Lə mɛ̨nį ɓa ka mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨?

Mąątɛ̨nɛ̨ 106:19

Di nįŋɛ̨ lon mąąnįnįn bɛli Horɛbə yee ɓa, di pɛlɛ diɛ kwɛli hvilɛn mą.

Lɛɛ gbɔwɔ ɓa 13:21

Hvóló a kulɔ, Yai-Laa, a kɛ hvilɛn ni di tɔwɔ a tulɔ kpinįn, yɛ di tənən dɔɔ, kpinį a pɛlɛ yɛ ɓo a nwɔ̨n nən yɛ di mąąpono gbinį hiɛ kɛɛ hu.

Lɛɛ gbɔwɔ ɓa 14:11

Diɛ Moisə ɓa: «Akɛtii kámą ɓə hvo kɛ Eziptə lɔi hu, yai ə́ kuɔ həɠə ku pa haai ɓɛ nɔi pun ɉu? Lə ɓə ŋɛ̨i ə́ gɛ a kuɔi, yɛ́ ku kulɔ Eziptə lɔi hui?

Lɛɛ gbɔwɔ ɓa 16:3

Israɛlə lonnii diɛ diɛ: «Yai-Laa ə li kpɛli kɛ ku paa Eziptə lɔi hu, ɓɛlɔwai ku kɛ la heeni ləɠiɠaa kwɛlɛ, naahvɛɛ a huwɔ, kuɔ kɔ̨nɔ̨n mįi a ku liiɓa! Ka pa a kuɔ nɔi pun ŋɛ̨i hu, nu kpului ŋɛ̨i kəlee haa mɛ̨nį ɓa a pulu!»

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 24:12

Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Lɛɛ gbɔwɔ ɓa 24:18

Moisə ə lɔ dulɔ kpinįn ɉu, ə tɛ ɲee ɓa. Moisə ə lɛɛ ɲee hu hvóló pow nąąn da kpinį pow nąąn.

Lɛɛ gbɔwɔ ɓa 32:11

Kɛlaa, Moisə ə nɛ̨ɛ̨mąą hvə Yai-Laa ɓa, yai a nwɔ Yálá yɛ mą: «Ə́ líílaa! Yai-Laa, lə mɛ̨nį ɓa yá ə́ lii ŋąnwąną nuąi ŋɛ̨i pɔ? Yɛ́ lɔ ɓə di kulɔ Eziptə lɔi hu a ə́ wɔ yee walawala laa, yii hɛn da hva tɔɔ na.

Lɛɛ gbɔwɔ ɓa 32:22

Aarɔn yɛ Moisə ɓa: «Nwɔ́ mɛ̨nį nąmu, hvó ə́ líiholi! Yɛ́ kpinįi gbaɠala kaa yɛ́, nuą ŋɛ̨i di wɔ kiliŋąhiɛ a li lɔ mɛ̨nį ɲɔ̨n bɔ pələ.

Lɛɛ gbɔwɔ ɓa 32:23

Di kɛ mą́ą́: ‹Hali pɛli ə́ dɛɛ ku pɔ, ə pələ kulɔ a kuɔ; hvó gaai, Moisə ŋɛ̨i ku kulɔ Eziptə lɔi hu, mɛ̨nįi aa laa mą, ku hvo gɔlɔn.›

Lɛɛ gbɔwɔ ɓa 32:7

Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Izikiɛ 20:8

Kɛlɛɛ di di kwɛli tee ɲə́i, di hvo di wəli tɔɔ nwóó ɓa; di ta lɔpee hvo ɲee kulɔ mowo mɛ̨nįɠaai tii hu, di hvo gɛ di hvo ɓo Eziptə haliɠaa diɛ. Ŋą́ kɛli kɛ kɛa diɛ: Gáá pai nwɔ́ líiholi yɛɛi di mɛ̨i. Vá nwɔ́ líiholi kpɛla bələi di pɔ, Eziptə lɔi hɛ̨ąi.

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Lonon mo 14:22

Nuąi ŋɛ̨i kpɔ nwɔ́ mąąwiɛlaa kaa, da mɛ̨nįi ŋį́ gɛ Eziptə lɔi hu, ə mą kɛ nɔi pun ɉu ɓɛ. Nuą ŋɛ̨i daa ɉúkɔɔn ɉii kɛ gee mɛ̨i pow, di hvo nwóó hon ni.

Maafîu 24:43

Ka gɔlɔn kaa diɛ, akɛ pɛlɛ́ nąmu ə nwuɔ̨mun bai lɔwai kɔ́lɔn, mąą kpinįi tii, hva yii kɛ; ə gɛ, di hvo pa nwɔ pɛlɛ́i laa yali di hvo mu hɛnŋąą həɠə.

Maafîu 24:48

Kɛlaa, akɛ a nui ɉɔn ɲɔ̨nwɔ̨ɔ̨, yɛ giliŋąhiɛ yɛ kɛ diɛ: ‹Nwɔ́ mɛ̨nį nąmu hvo pai pai ɉa.›

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Gɛlaɠaa 7:40

Ya ɓə gɛ, diɛ kɛ Aarɔn ɓa: ‹Yálá pɛlɛɛɠaa pɛli kuɔ, di hvilɛn ku tɔwɔ, hvo gaai, Moisəi ŋɛ̨i ku kulɔ Eziptə lɔi hu, mɛ̨nįi aa həli mą, ku hvo gɔlɔn.›

Dutɛrɔnome 31:8

Yai-Laa ɓə pai tɔɔi ə́ ɲɛ̨itɔwɔ kaa li, gaa pai kɛi ə́ pɔ, hvo pai ə́ lɛɛi laa, hva gili kulɔ ə́ hu, hvó ɲɔw, ə́ mąą hvo kpɛlin.»

Dutɛrɔnome 9:1

Israɛlə lonnii, ka ka wəli tɔɔ! Ka káá pai Ɉurdɛn yá teen ɉii háákələi. Nu huwuɠaa ŋɛ̨i di kpɛa kpɛaa di tɛɛ kaa, di hvaŋą kɛnɛ̨ dɛɛ kaa, ka káá lii di wɔ lɔi kulɔi di yəi da di wɔ taaɠaai, taa kpɛa kpɛaɠaa di mąątinɛnŋąą a hįį muhəɠɛɛ ləɠə ləɠə.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Piɛrə veelɛ 3:4

Di kaa pai kɛi kaa: «Jesus ə kɛ kaa: ‹Gáá pai›; kɛlɛi? Akɛti, ə wɔɔ kɛa aa pa? Mąąhɔlɔɓo, ku nąnni diɛ kpɔ wɔlɔ haa, mɛ̨nį kəlee kaa lɔ ni a gɛ pələ, yɛ pələi wɔlɔ yɛnɛ̨ɛ̨ ə gɔwɔ tɔɔ la.»