Lɛɛ gbɔwɔ ɓa 30:34 - Yálá laawoo hɛɓɛ (dc)

³⁴ Yai-Laa yɛ Moisə ɓa: «Hɛnŋąą kun nɛ̨ɛ̨ɠaa kwɛli, a wulu kɔ́lɔ kun nɛ̨ɛ̨ɠaa, di kɛnɛ̨ yee pɛliɛ a gee.

Yálá laawoo hɛɓɛ

³⁴ Yai-Laa yɛ Moisə ɓa: «Hɛnŋąą kun nɛ̨ɛ̨ɠaa kwɛli, a wulu kɔ́lɔ kun nɛ̨ɛ̨ɠaa, di kɛnɛ̨ yee pɛliɛ a gee.

Bible

³⁴ Yâwɛɛ è mò Mose mà ǹyɛɛi, “Zãai ŋí síɣe tɛi-tɛi a bɔriɛɛ, sate, onika, gabaluŋ, tuma-laa kúŋ nɛ̃ɛ da wúru mãlaŋ kúŋ nɛ̃ɛ.

Lɛɛ gbɔwɔ ɓa 30:34 Iomraidhean Croise

Nehemi 13:5

Di pɛlɛ kɛnɛ̨ ta tɛɛ bɔ, ɓɛi mąąnɛ̨ɛ̨ kɛ di gɔɓo hɛnŋaa, lansan, bɛlɛ́n ɉɛnɲąŋąɠaa, ɉɛn bow naa yii kulɔ a mɔ̨nun, lɔɔ nįnɛ̨ da wulɔ nįnɛ̨, yai kɛ a Levi huwuhu nuą di wɔ da nwələ too nuą, ə mą kɛ bɛlɛ́ laaləi nuą da ɉaláá laa həli nuą di wɛi; bɛlɛi tii ɓə di kɛi ɉɛnŋąą tii hee mu.

Lɛɛ gbɔwɔ ɓa 25:6

Labon dɔɔ wulɔ, nu mąąti wulɔ, hąmą;

Lɛɛ gbɔwɔ ɓa 30:23

«Wulɔ kun nɛ̨ɛ̨ɠaa həɠə a ɉuwu tamąą, diɛ ɓaa: Mirə wulɔ gəgən ɉu lɔɔli, sinamomə wulu kɔlɔ kilə hveelɛ da gbulɔ, hvəən gunnɛ̨ɛ̨ kilə hveelɛ da gbulɔ;

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Lɛɛ gbɔwɔ ɓa 30:35

Wulɔ kun nɛ̨ɛ̨ pɛli la, yɛ pələi mąątí wulɔ pɛli mun a gɛ la, kpolo yɛ ɓo mą, a nɛlɛɛ mąąhəɠɛɛ.

Lɛɛ gbɔwɔ ɓa 30:7

Nąą ɓə Aarɔn kaa pai kɛi lansanŋaa kələn ɉii laa yələ wala pɔ tɛitɛi kəlee, ɓɛlɔwai a kɛ nwulɔ nwɔ̨nŋąą təŋą yalii la, nąąlɔwai ɓə a lansan kələn na.

Lɛɛ gbɔwɔ ɓa 31:11

nwulɔ mąąhəɠɛɛ da ɉiɛ nuą diɛ, lansan ə́ kaa pai gələn ɉii bɛlɛ́ mąąhəɠɛɛ mu, mąąnɛ̨ɛ̨ di di kɛ kpɔlɔ ti ɲą́ą́lee, yɛ bələi ŋį́ ə́ tí la.»

Lɛɛ gbɔwɔ ɓa 35:15

Lansan haláá kulɔ kəhi, da gbəŋə wuluɠaa, mąątí wulɔ, lansan di kaa pai gələn ɉi, da ɉəɠə ɓɛlai da ɉɛlɛn bɛlɛ́ laaləi.

Lɛɛ gbɔwɔ ɓa 37:29

Di mąątí wulɔ mąąhəɠɛɛ pɛli, da lansan da gələn, nwulɔ pɛli nuą kɛ kóló li.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Azaya 43:23

Yili kulɔ ə́ wɔ kiliŋąhiɛ hu, yɛ́ kɛ, mɛlaa lonnii ə́ kɛi gulɔ a haláái da kəlee kələn, ɲą́ą́ hvəi ə́ gɛ mą́ą́, a yai ə́ kɛi kɛ yɛ́, ə́ kaa nwɔ́ mą́ą́wiɛ ta pɛlɛi la mą a ə́ wɔ taatɛlɛɛɠaai. Gulɔ nwɔ̨nɔ̨ ə́ nwun ɉu, yɛ́ kɛ, haláá kulɔ mɛ̨nį mą́ą́ ɓə gɛ, gɛ́ ə́ too la luwɔlaa hu, yili hvəi-ee, ɛlɛɛ və́ ta ə́ hviikpɛɛli, gɛ́ kɛ yɛ́, lansan kələn mą́ą́.

Levetekɔ 16:12

Ə ləɠi lon naahvɛɛ a ɉaláá kulɔi nwɔ̨n dəŋą ta, yii gaa Yai-Laa lííla, ə bɛlɛ lansan ɲee ɲąą hveelɛ ɓa, ə li a diɛ ɉəɠə ɓɛla pulu pələ.

Levetekɔ 2:1

«Nu ta a kɛ bɔ ə Yai-Laa kɔ́ a hɛn da, ɉɛn tii mąąnɛ̨ɛ̨ ə kɛ a lɛɠɛ hunwɔ̨, ə wulɔ pu mą, ə lansan kpɛŋɛn mɛ̨i.

Levetekɔ 2:15

Ə́ wulɔ pɛlɛ mą, da lansan, hihɛn mɛ̨ikɔw haláá ka tii.

Levetekɔ 24:7

Ə́ lansan pu ɲɛli tɛitɛi mɛ̨i, ə́ gələn, yili a kɛ a kili too ŋą kɔ̨nɔ̨n; Yai-Laa nwɔ haláá hɛn ni.

Levetekɔ 5:11

«Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Lonon mo 4:16

Ɉaláá laa həli mun Aarɔn lon Eleazarə ɓə nwɔ̨n ɉee wulɔ mɛ̨nį nwun na, da ɉɛn gun nɛ̨ɛ̨ɠaai da di kələn, yələ kəlee haláá hɛn, da nwulɔ mąąhəɠɛɛ. Ya ɓə bɛlɛ́ da mu hɛnŋąą kəlee mąą mɛ̨nį kaa nwuɔ̨, ə mą kɛ gɛɛnąą mąąhəɠɛɛ da nąą hɛnŋąą kəlee.»

Lonon mo 7:14

Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨;

Maafîu 2:11

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.