Lɛɛ gbɔwɔ ɓa 30:12 - Yálá laawoo hɛɓɛ (dc)

¹² «Bɛlɔwai ə́ kaa pai Israɛlə lonnii laa pɛ̨ɛ̨i la a nuą lonon ɲələ, mąąnɛ̨ɛ̨ nu tɛitɛi kəlee ə nwɔ yɛnɛ̨ɛ̨ nwun mąąɓo hɛn dɛɛ Yai-Laa pɔ, ɓɛlɔwai di kaa pai naa pɛ̨ɛ̨i la, ə gɛ, mɛ̨nį nwąnąą hvo pa həli diɛ a nonon ɓo kɛ yələ.

Yálá laawoo hɛɓɛ

¹² «Bɛlɔwai ə́ kaa pai Israɛlə lonnii laa pɛ̨ɛ̨i la a nuą lonon ɲələ, mąąnɛ̨ɛ̨ nu tɛitɛi kəlee ə nwɔ yɛnɛ̨ɛ̨ nwun mąąɓo hɛn dɛɛ Yai-Laa pɔ, ɓɛlɔwai di kaa pai naa pɛ̨ɛ̨i la, ə gɛ, mɛ̨nį nwąnąą hvo pa həli diɛ a nonon ɓo kɛ yələ.

Bible

¹² “ƃà kɛ̀ Eezuɛ-ŋai lônoi fɛ̂ɛ díkelee dí dífulu-laai maa fela-fei kɛ́ tɛi-tɛi a gɛɛ tãi ƃà dílònoi lai, mɛni kpɔ̂lu fé pà dípɔ.

Lɛɛ gbɔwɔ ɓa 30:12 Iomraidhean Croise

Kɔlɔnikɔ Maa-ŋuŋ 21:1

Ɓilihi ə pɛlɛ Israɛlə ɓa, ə Davidə ɲąątɛ, yili ə Israɛlə nuą lonon.

Kɔlɔnikɔ Maa-ŋuŋ 21:12

«Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Kɔlɔnikɔ Maa-ŋuŋ 21:14

Yai-Laa ə nɛɛ mą ə kwəi kulɔ ɲɔ̨n bɛlɛ Israɛlə nuą diɛ, nu waa pow mɛ̨ihveelɛ ə haa Israɛlə nuą lɔwai.

Kɔlɔnikɔ Maa-ŋuŋ 21:3

Ya ɓə Ɉoabə a kɛ mą: «Gɛ́ Yai-Laa ə nwɔ nuą tamą a ɉeei waa tamąą! Di kəlee di hvo mɔ̨ɔ̨ a nwɔ́ mɛ̨nį nąmu tɔɔmun, nwɔ tí nuą? Lə ɓə kɛ yai ə́ kaa nonon mo yili kɛi? Israɛlə kaa pai nɛ̨ŋɛ̨n yili həɠəi lə mɛ̨nį ɓa?»

Kɔlɔnikɔ Maa-ŋuŋ 27:24

Seruya lon Ɉoabə aa kɛ gbalatɔɔ, yɛ nonon ɓo kɛ, kɛlaa, hvo naakulɔ; mąąhɔlɔɓo, yili mąą mɛ̨nį ɓə Yálá nwɔ liiholi ə yɛɛ Israɛlə mɛ̨i. Yili mąą mɛ̨nį ɓə gɛ, nuą lononŋąą hvo kɛ laa tɔɔmun Davidə kɛ mɛ̨nį hɛɓɛ́ɠaa ta hu.

Kɔlɔnikɔ Veerɛi 24:6

Tɔɔmun ə nɛɛmą ə ɉaláá laa hɛlimun gɛnɛ̨ Yehoyada təli, yɛ mą: «Lə mɛ̨nį ɓa yaai, hvó mo li Levi lonnii diɛ a ə́ nwąnąi, di hvo, nįįhɔ̨nwɔ̨i Yálá ŋą tímun Moisə ə vaaɓo, di hvo ɉon Ɉuda nuą yəi da Ɉerusalɛmə nuą, ɛlɛɛ, da Israɛlə lonnii kəlee yəi, Yai-Laa ŋą mįnɛ̨ pɛlɛ lon mąą mɛ̨nį ɓa?

Kɔlɔnikɔ Veerɛi 24:9

ɛlɛɛ, di nolo ɓo Ɉuda lɔi hu nąą kəlee, da Ɉerusalɛmə daa, diɛ kɛ mą: Nįįhɔ̨nwɔ̨i ŋɛ̨i Yálá ŋą tímun Moisə ə naa Israɛlə nwuɔ̨ nɔi pun ɉu, 'ka paa la Yai-Laa pɔ.

Zôo 33:24

Malakai ti a ɲɛ̨i mąąwɛli kaa, yɛ kɛ Yálá ɓa: «Nui ŋɛ̨i mąąhvaalɛɛ, ə ɉəɠə gámą laaləi, Ŋą́ą́ mąąkpɔn mąą ɓo pələ hɔlɔbo.»

Zôo 36:18

Ə́ kpɔɔ hon, ə́ gɛ liiholi hvo ə́ lɔ mɔ̨nɔ̨ hu, ə gɛ mɔ̨nɔ̨ kɛnɛ̨ pələ hvo ə́ həɠə bələ mɛ̨i.

Mąątɛ̨nɛ̨ 49:7

A nuąi di kilitɔɔ di wɔ hɛn gɔw ɓa? Diɛ di kpɔwɔ ɲąą kɛnɛ̨ di wɔ hɛn gɔw kpɛa kpɛaai mąą mɛ̨nį ɓa.

Lɛɛ gbɔwɔ ɓa 30:11

Yai-Laa yɛ Moisə ɓa:

Lonon mo 31:49

«Ə́ wɔ tínuą daa kɔ́kulááɠaai kɛ di yee mu di lonon, nu ta lɔpee hvo lɛɛ li gɔ́ hu.

Lonon mo 31:50

Yili mąą mɛ̨nį ɓa, ɉɛnŋąąi kpɔ ku di kaa a hɛni, ku kaa pai a diɛ a Yai-Laa kɔ́ hɛn, ku mąąhəɠə mɛ̨nį ɓa Yai-Laa yəi, ə kɛ a yee kwaną kwɛli, ə kɛ a gbono, ə kɛ a kɔ́wɔ ɓa kwɛli, ə mą kɛ a wəlii kwɛli.»

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Markə 10:45

Mąąhɔlɔɓo, Nu Lon hvo kɛ pa li, əgɛ, nuą di tí mą. Kɛlaa, ə pa ə kɛ nuą di wɔ luwɔ, əlɛɛ, ə haa nu tamąą mąą mɛ̨nį ɓa.»

Timote dɔlɔɔ 2:6

yaa ɓə gbɔwɔ kulɔ a haláá nu kanŋaa mąą mɛ̨nį ɓa. Gɛla hvaai di mo a guuii di ɉee, yaa li;