Lɛɛ gbɔwɔ ɓa 30:10 - Yálá laawoo hɛɓɛ (dc)

¹⁰ Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Yálá laawoo hɛɓɛ

¹⁰ Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Bible

¹⁰ Eelɔŋ é sɔnyɔ̂ŋ su-mɛni lɛɛ sâla kula géreŋ-sɛŋ kúŋ nɛ̃ɛ kéreŋ ɣâla-teƃelei ŋɔƃeɣêŋ-ŋai dîa tɔnɔ a kóraŋ kélee. Zuai è zɔnyɔ̂ŋ su-mɛni lɛɛ salai kùla lai, fɛ̂ɛ é ŋãa sía ƃeɣêŋ-ŋai dîa tɔnɔ a kóraŋ kélee. Ka gɛ́ tí a kóraŋ kélee káfulu-laai su da kásuui. Maa waâi ŋɛ́i.”

Lɛɛ gbɔwɔ ɓa 30:10 Iomraidhean Croise

Tɔɔɓɛlaa dɔlɔɔ 1:50

Adoniasə kpinįi tii, ɲɔwi kɛ ɉu yɛ hvilɛn na Salomɔn ɓa, yili mąą mɛ̨nį ɓa, ə kpuluun, ə li ə ɉaláá kulɔi mįnɛ̨ hon.

Kɔlɔnikɔ Maa-ŋuŋ 6:49

Israɛlə lonnii di daaɠaa tii tɛɛ Levi lonnii pɔ, bɛlɛɛ gwɛlɛ lɔiɠaa diɛ, a daatɛlɛɛɠaa laa mį́i.

Lɛɛ gbɔwɔ ɓa 30:11

Yai-Laa yɛ Moisə ɓa:

Lɛɛ gbɔwɔ ɓa 30:9

Lansan lúwɔ́ hvo mą, di hvo da kələn naa, haláá hɛn yii da gəlee kələn, di hvo da kulɔ laa, ə mą kɛ, Yálá kɔ́ haláá, ɛlɛɛ, ka hvo lɔɔ pu ɉaláá kulɔi ti ɓa.

Levetekɔ 16:16

Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Levetekɔ 16:18

A kulɔ geenąą mąąhəɠɛɛ ɓa, ə li ɉaláá kulɔi tii gee kaa kələ tənən ma Yai-Laa lííla, ə nɛ̨ŋɛ̨n mąą hvaalɛɛ kóló kɛ mɛ̨i, a nįŋɛ̨ gbɔn ɲąmą da molu hilɛ ɲąmą ta həɠə, ə ɉiɛ ɉaláá kulɔi mįnɛ̨ɠaa diɛ.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Levetekɔ 23:27

«Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Levetekɔ 4:18

Ə ɲąmąi tii ta hiɛ ɉaláá kulɔi tii Yai-Laa lííla gee kaa kələ mu mįnɛ̨ɠaa diɛ. Ə gbəlii tii pu Yai-Laa mąąwiɛ haláá kulɔ kəhi kɔ́wɔ mu, yaa tii gee kaa kələ laaləi.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 9:25

Ɛlɛɛ, hvo kɛ li li laa gbɔwɔ kulɔ mɛ̨nį a haláá, geemɛ̨i tamąą, yɛ bələi ɉaláá laa həli mun gɛnɛ̨ ə kɛli lɔ la ɉəɠəpɛlɛ́ mu a kwɛlan ɉəli pələ tɛitɛi, a ɲąmą nįnɛ̨.

Hebreu 9:7

Kɛlaa, bɛlɛ́ veelɛnąą mu nwɛi, ɉaláá laa həli mun gɛnɛ̨, a lɔ laa, taanɔ̨n gbən yaa tɔ̨nɔ̨, kwɛlan mą; ɛlɛɛ, a kɛi lɔ laa, a lɔ a huwɔ ɲąmą, ə gulɔ a haláá, gbɔwɔ mąą mɛ̨nį ɓa, da nɛ̨ŋɛ̨n nwɔ lɔi nuą hu di ɉəɠə, di mąą mɛ̨nį ɓa.

M̀ɛni-lɛɛi 9:13

Malaka mɛ̨idanąą ə nwɔ tului hvɛɛ, ŋą́ woo ta mɛ̨n yɛ həɠə ɉaláá kulɔi tii kɛ a hɛni Yálá lííla, mįnɛ̨ɠaa hu.