Lɛɛ gbɔwɔ ɓa 30:1 - Yálá laawoo hɛɓɛ (dc)

¹ «Yili pulu, ə́ haláá kulɔi pɛli a kpitili wulu ɓɛla, diɛ lansan kələn nąą.

Yálá laawoo hɛɓɛ

¹ «Yili pulu, ə́ haláá kulɔi pɛli a kpitili wulu ɓɛla, diɛ lansan kələn nąą.

Bible

¹ “Fɛ̂ɛ í kéreŋ-sɛŋ kúŋ nɛ̃ɛ kéreŋ ɣâla-teƃele kpɛtɛ. Gbɛtɛ a kpitili.

Lɛɛ gbɔwɔ ɓa 30:1 Iomraidhean Croise

Tɔɔɓɛlaa dɔlɔɔ 6:20

Bɛlɛ́ yii ŋɛ̨i kɛ ɉu pələ, gwɛa yee ə ɓo a yee laa mą pow hveelɛ, ŋąą ə ɓo a yee laa mą pow hveelɛ, dɔɔmɛ̨i ə ɓo a yee laa mą pow hveelɛ, yaa ɓə Salomɔn ə hɛni ya hiɛ ɉu nąą kəlee. Ə haláá kulɔi pɛli laa bɛlɛ́n a kpitili wulu.

Tɔɔɓɛlaa dɔlɔɔ 6:22

Hɛni yá hiaa bɛlɛ́ nąą kəlee ɓa. Ɉaláá kulɔi ŋɛ̨i kɛ Yálá nwɔ pɛ́lɛ́i mu, ə hɛni yá hiɛ yili ɓa.

Tɔɔɓɛlaa dɔlɔɔ 7:48

Salomɔn ə Yai-Laa hee pɛlɛ́ mu hɛnŋąą kəlee kɛ. Ə ɉaláá kulɔi kɛ a hɛni, ə Yálá kɔ́i kɛ a hɛni, diɛ Yálá kɔ́ nɛɠɛ laa.

Kɔlɔnikɔ Maa-ŋuŋ 28:18

Lencen kələn ɉii, ə kɛ a hɛni tee-tee da muwiɛ pələ, ə mą kɛ wotolo pɛli pələ, da mąąkpɛ malakaɠaai kɛ a hɛni, di koon ɉuhvoloon ŋąą, bɛlɛɛ Yai-Laa nwɔ mįnɛ̨ kəhii mɛ̨i.

Kɔlɔnikɔ Maa-ŋuŋ 6:49

Israɛlə lonnii di daaɠaa tii tɛɛ Levi lonnii pɔ, bɛlɛɛ gwɛlɛ lɔiɠaa diɛ, a daatɛlɛɛɠaa laa mį́i.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Lɛɛ gbɔwɔ ɓa 30:2

Gwɛaa yee ə kɛ a yee laa mą tɔ̨nɔ̨, ŋąą kɛnɛ̨ pələ ə kɛ a yee laa mą tɔ̨nɔ̨; nąą kəlee ə kɛ a bɛliɛ a gee. Dɔɔmɛ̨i ə kɛ a yee laa mą hveelɛ, ə́ mįnɛ̨ɠaa kɛ mą, di kpanwoɔ mą.

Lɛɛ gbɔwɔ ɓa 31:8

Ɉaláá kulɔi da gwɛlɛ hɛnŋąą kəlee, nwulɔ nwɔ̨n ɉee hɛn, yai bɛliɛ a hɛni leelee, da bɔ hɛnŋąą kəlee; lansan gələn ɉaláá kulɔi,

Lɛɛ gbɔwɔ ɓa 35:15

Lansan haláá kulɔ kəhi, da gbəŋə wuluɠaa, mąątí wulɔ, lansan di kaa pai gələn ɉi, da ɉəɠə ɓɛlai da ɉɛlɛn bɛlɛ́ laaləi.

Lɛɛ gbɔwɔ ɓa 39:38

Ɉaláá kulɔi kɛ a hɛni, mąątí wulɔ, lansan, ɛlɛɛ, ɉəɠə ɓɛlai kɛ pɛlɛ ni bɛlɛ́ laaləi.

Lɛɛ gbɔwɔ ɓa 40:5

ɉaláá kulɔ kəhi tii a hɛni, yai gaa a lansan kələn ɉi, ə́ vilɛn mįnɛ̨ kəhi lííla, ə́ ɉəɠə ɓɛla hɛlɛn bɛlɛ́ laaləi.

Izikiɛ 41:22

haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Levetekɔ 4:18

Ə ɲąmąi tii ta hiɛ ɉaláá kulɔi tii Yai-Laa lííla gee kaa kələ mu mįnɛ̨ɠaa diɛ. Ə gbəlii tii pu Yai-Laa mąąwiɛ haláá kulɔ kəhi kɔ́wɔ mu, yaa tii gee kaa kələ laaləi.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Lonon mo 3:31

Diɛ ɓə mįnɛ̨ kəhi mąą mɛ̨nį ə kɛ di nwuɔ̨, da daɓali, nwɔ̨n ɉee hɛn, ə mą kɛ, ɉaláá kulɔ kəhi, da yiiɠaa kpɔ mąąnɛ̨ɛ̨ ə kɛ a gólói tii kɛ hɛn, ə mą kɛ, ɉəɠəi da ɉɛlɛn naa, da ɉɛnŋąą pɛli kóló kəlee.

Lonon mo 4:11

Di həɠə ɓɛla ɓahiɓoɔ pɛlɛ ɉaláá kulɔ kəhii tii a ɉɛni mɛ̨i, di nini kɔ́lɔ pɛlɛ mɛ̨i. Di gbəŋə wuluɠaa lɔ mą.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

M̀ɛni-lɛɛi 8:3

Malaka takpɛli ə pa, ə tɔɔ ɉaláá kulɔi kwɛlɛ. Lansan kələn ɉɛn yɛ ɓo ɲəi a hɛni, ɛlɛɛ, di wulɔ kun-nɛ̨ɛ̨ tɛɛ bɔ kpɔ kɛnɛ̨, əgɛ, ə gulɔ a haláá ə bɛlɛ nu mąąhəɠɛɛɠaa di wɔɔ hvɛli wooɠaa diɛ, ɉaláá kulɔi tii ɓa, yai a hɛni, ə ɓo dɔɔkpəlin níílai.