Lɛɛ gbɔwɔ ɓa 3:2 - Yálá laawoo hɛɓɛ (dc)

² Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Yálá laawoo hɛɓɛ

² Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Bible

² Nya ƃe Yâwɛɛ ŋɔkélai è kùla nɔ̀ɔi sáma é kúla ŋ̀ɛ́i yɛ̂ɛ ŋɔŋ-leŋ. Mose è nàa kàa é nɔ̀ɔi káa ŋɔŋ kɛ́ sóŋ ma, kɛ́lɛ vé kɛ́ ní kêrenii.

Lɛɛ gbɔwɔ ɓa 3:2 Iomraidhean Croise

Zɛnɛse 21:17

Yálá ə lɛɛ yələi ə nokoloi tii wɔlɔ woo mɛ̨n ə nwɔ malaka tɔ̨nɔ̨ tɔɔ, yili ə Hagarə təli, yɛ mą: «Hagarə, lə ɓə kɛ yɛ́? Hvo ɲɔw, Yálá aa nokoloi ŋɛ̨i wɔlɔ woo mɛ̨n.

Zɛnɛse 22:11

Kɛlaa, Yai-Laa nwɔ malaka ə lɛɛ yələ, ə Abrahamə təli, yɛ mą: «Abrahamə! Abrahamə!» Abrahamə yɛ mą: «Ną́mu, ɲą́ą́ ka, nwə́li tɔɔi.»

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Mąątɛ̨nɛ̨ 66:12

Yáá hvaa mą diɛ ku hon, yɛ taatɛlɛɛɠaa. Kwaa lɔ nwɔ̨n ɉu, kwaa lɔ yái, Kɛlaa, ə́ ku kulɔ di yəi, Ə́ ku ɓɛlɛhee kɔ̨nɔ̨n gɛ.

Lɛɛ gbɔwɔ ɓa 19:18

Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Lɛɛ gbɔwɔ ɓa 23:20

«‹Gáá pai malaka ta hvilɛn ɉii ka tɔwɔ, yɛ ɲɛ̨i kɛ kaa bələ pɔ, ə lɛɛ ɉu ka həli ɓɛi ŋį́ naa pɛli a ka wɔɔ.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Danîa 3:27

Nu kpɛa-kpɛaɠaa, ɉɛn gɔw laaikɛ nuą, guvɛnɛɛliɠaa da tɔɔmun gwɛlɛ nuą, di lɛɠɛ nu haaɓai tii diɛ, di di kaa, nwɔ̨n və kpɛli pɔɔ lɔpee ta kɛ diɛ, nwɔ̨n və hɛn da kɛ a di nwun nəɠa, hvo hɛn da kɛ a di mąą həɠə, nwɔ̨n gun gbɛli hvo kɛ di kɔ́lɔ ɓa.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Lukə 20:37

Haa ɓɛlaa nwun mɛ̨nį nwɛi, Moisə ə yili mo kpɔ a ɉu ponoɔ̨, ɓɛlɔwai ə kɛi nwɔ̨n nən mąą mɛ̨nį pɛ̨ɛ̨ laa nwɔ hɛɓɛ́i hu; yɛ kɛ Ną́mu Yálá laa ɓa a: ‹Abrahamə nwɔ Yálá, Isaakə nwɔ Yálá da Ɉakɔbə nwɔ Yálá.›

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Dutɛrɔnome 33:16

Ɉɛnŋąą kpɔ nɔi laahvɛɛ, a nɛlɛ-lɛlɛɛ a ɉɔlɔɓo. Nui ŋɛ̨i gbɔwɔ lɛ gala nwun ma nwɔ̨n nən ɉu, ə ɲɛ̨i lɛlɛɛ hee yɛ́, ə pa ə hee Ɉosɛfə nwun na, yaai kɛ a niɛni nwun nąmui.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

Nwun mąąɓo 13:13

Yai-Laa nwɔ malaka yɛ Manoa ɓa: «Mɛ̨nįɠaai ŋą́ mo nɛ̨ɛ̨nui ŋɛ̨i ɓa, mąąnɛ̨ɛ̨ ə yiliɠaai kɛ.