Lɛɛ gbɔwɔ ɓa 3:18 - Yálá laawoo hɛɓɛ (dc)

¹⁸ Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Yálá laawoo hɛɓɛ

¹⁸ Di kaa pai di wəli tɔɔi ə́ woo ɓa; ka diɛni ka bɛlɛ gee ɓa, ka li Eziptə tɔɔmun bɔ, kaa mą: Yai-Laa, Hebreuɠaa di wɔ Yálá, aa gbɔwɔ lɛ kuɔ pɔ̨nɔ̨ŋą, yiihu, hvo kɛli kwə li, ku hvóló haaɓa hiɛ kɛ nɔi pun ɉu, ku haláá kulɔ laa ku wɔ Yálái a Yai-Laa mą.

Bible

¹⁸ “Ŋánûai da pâi díwoli tɔɔ̂i yâ. Gɛ̀ ní ka dîa-ni ka lí Ize kaloŋ pɔ́ naa kâa mai, ‘Yâwɛɛ, nyii gáa a Ibulu-ŋai Díɣâlai a pá kúpɔ. Mɛni ma kpera yɛ̂ ǹɛɛ naa kú lí a ɣele-kûu saaƃa sia vɛ̃ɛ-kpâlaŋ su a gɛɛ kú sâla kula Yâwɛɛ Kúɣâlai ma.’

Lɛɛ gbɔwɔ ɓa 3:18 Iomraidhean Croise

Zɛnɛse 12:1

Yai-Laa yɛ Abramə ɓa: «Həɠə ə́ pɔ lɔi, ə́ pɔ taai, ə́ kulɔ ə́ nąn ɲəi bɛlɛ́n ə́ li ɓɛi gáá pai nąą lɛi yɛ́.

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 48:3

Ɉakɔbə yɛ Ɉosɛfə ɓa: «Huwalawala kəlee Nąmu Yálá ə gbɔwɔ lɛ mą́ą́ Luzə Kanaan lɔi hu, ə lúwɔ́ too mą́ą́;

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Lɛɛ gbɔwɔ ɓa 10:3

Moisə da Aarɔn di li Eziptə tɔɔmun bɔɔli, diɛ mą: «Hebreuɠaa di wɔ Yálái a Yai-Laa, nwoo ka, yɛ diɛ: Ə́ wɔ kili walawalai ŋɛ̨i ə́ kaa ɉui, lə yələ ɓə yá kpɛla la mą, ə́ ə́ kpɔwɔ mąąyɛɛ? 'Ɓo nwɔ́ nu huwui ɓa di li di kwɛli hvilɛn mą́ą́.

Lɛɛ gbɔwɔ ɓa 17:5

Yai-Laa yɛ Moisə ɓa: «Tɛɛ nuą tɔwɔ, ə́ Israɛlə kalanɉonŋąą taɠaa hvilɛn ə́ pɔ, dunwɔ̨n tii ə́ ɲá lee kɛlɛ la, ɉon ə́ yee pɔ; ɛlɛɛ, ə́ li.

Lɛɛ gbɔwɔ ɓa 19:1

Israɛlə lonnii kulaa Eziptə lɔi hu, ɲąnin ɉaaɓa tɛɛ pulu, di həli Sinai nɔi pun ɉu.

Lɛɛ gbɔwɔ ɓa 25:22

Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.

Lɛɛ gbɔwɔ ɓa 3:12

Yálá yɛ Moisə ɓa: «Gáá ə́ pɔ. Yá pa Israɛlə nu huwu kulɔi Eziptə, ɲeei ŋɛ̨i ɓa ɓə ka tí laa Yálá ɓa; yili pɔ pələ ɓə yá gɔlɔn na yɛ́ ɲą́ą́ ɓə ə́ tɔɔ.»

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Lɛɛ gbɔwɔ ɓa 30:36

Ya mɛla ɓo ɉu, ə́ bələ tɔ̨nɔ̨ hunwɔ̨ kpɔ kpə-kpə, ə́ da wolo kpɛŋɛ̨n mįnɛ̨ kəhi lííla, gee kaa kələ mu, da ɓɛi gu kaa pai kɛi gu kee kaai laa. A kɛ ka yəi a hɛn mąąhəɠɛɛ kpɔ hva-hva.

Lɛɛ gbɔwɔ ɓa 30:6

Ɉəɠə ɓɛlai ti a kɛ pɛlɛ ni mįnɛ̨ kəhi mɛ̨i, ɲɛ̨itɔwɔ ɓə ya vilɛn nąą, gəhi laakalan ɲɛ̨i tɔwɔ, ɓɛi ti ɲą́ą́ gwa yɛ́ gwa gu kee kaa laai.

Lɛɛ gbɔwɔ ɓa 4:1

Moisə ə Yálá woo ŋąąpənə yɛ mą: «Israɛlə nuą di hvo lii laai nwóó la, mąąhɔlɔɓo, di kaa lii kɛi mą́ą́: ‹Yai-Laa, hvo kɛ gbɔwɔ lɛ li yɛ́!›»

Lɛɛ gbɔwɔ ɓa 4:23

Ŋą́ą́ mo yɛ́, 'ɓo nón ma ə li ə tí mą́ą́; ya ka hvó gɛi hvó ɓo mą hvo li! Yili ɓa, gáá ə́ lon ɉulɔnu dɔlɔɔ paai.›»

Lɛɛ gbɔwɔ ɓa 4:24

Moisə kɛɛ bələ pɔ, kpinį ə pɛlɛ diɛ di tɔɔ, Yai-Laa ə pɛlɛ Moisə ɓa, yɛ kɛ ə baa.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Lɛɛ gbɔwɔ ɓa 5:1

Yili pulu, Moisə da Aarɔn di li Eziptə tɔɔmun nií la, diɛ mą: «Mɛ̨nįi Yai-Laa Israɛlə nwɔ Yálá, ə mo ya ka: ‹'Nwɔ́ nuąi lɛɛ laa di li nɔi pun ɉu, di hɛli pu laa náá hu.›»

Lɛɛ gbɔwɔ ɓa 5:3

Moisə da Aarɔn, diɛ mą: «Hebreuɠaa di wɔ Yálá, aa gbɔwɔ lɛ kuɔ, yɛ kwəli ku hvóló haaɓa hiɛ kɛ nɔi pun ɉu, ə gɛ, ku haláá kulɔ Yai-Laa ɓa, yai gaa a ku wɔ Yálá, kwa wala li, a ku nwun na pili a kwəi kulɔ, a wala kɛ ti, ku lɛɛ kɔ́ hu.»

Lɛɛ gbɔwɔ ɓa 7:16

A pa, yɛ́ mą: ‹Yai-Laa Hebreuɠaa di wɔ Yálái ɓə dɔ́ɔ́ ə́ pɔ, yɛ ə́ ɓo nwɔ nu huwui ɓa, ə li nɔi pun ɉu, ə kwɛli hvilɛn mą; ya ka ti hvó gɛ li.

Lɛɛ gbɔwɔ ɓa 8:1

Yai-Laa yɛ Moisə ɓa: «'Mo Aarɔn ɓa, ə nwɔ tunwɔ̨n ɉaŋą ɲá pɛlɛɛɠaa kəlee mɛ̨i, da bowa kəlee, gbəŋəɠaa di tɛ Eziptə lɔi nąą kəlee.»

Lɛɛ gbɔwɔ ɓa 8:20

Yai-Laa ə gɛ tii. Vɔn gbulu kɛnɛ̨ ə lɔ tɔɔmun ɲəi bɛlɛ́n, nwɔ nu kpɛa-kpɛaa yəi bɛlɛ́n, ə mą kɛ Eziptə nuą kəlee. Vɔn ə kɛ nɔi nąą kəlee, yɛ kɛɛ kala.

Lɛɛ gbɔwɔ ɓa 8:23

Mąąnɛ̨ɛ̨ ku kulɔ ɓɛ nɔi, ku hvóló haaɓa hiɛ kɛ nɔi pun ɉu, ku haláá kulɔ Yai-Laa ku wɔ Yálá ɓa yɛ bələi gaa pai gɛ pələ lɛi la kuɔ.»

Lɛɛ gbɔwɔ ɓa 9:1

Yai-Laa yɛ Moisə ɓa: «'Li, ə́ mo Eziptə tɔɔmu ma, yɛ mą: Yai-Laa Hebreuɠaa di wɔ Yálái woo ka, yɛ: ə́ ɓo nwɔ nu huwui ɓa, di li di kwɛli hvilɛn mą.

Lɛɛ gbɔwɔ ɓa 9:13

Yai-Laa yɛ Moisə ɓa: «'Humo tinąą ə́ li tɔɔmun bɔ, yɛ́ mą: Yai-Laa Hebreuɠaa di wɔ Yálái, nwoo ka, yɛ: Ə́ ɓo nwɔ nu huwui ɓa, di li di kwɛli hvilɛn mą.

Azaya 64:5

Ku kəlee ku kɛ yɛ nu kɔ́hɔɓoɔ, ku wɔ təlimo túwɔ́ɠaa kəlee di kɛ yɛ həɠə kɔ́hɔɓoɔ, ku kəlee kwaa yohva yɛ laakpala, ku wɔ túwɔ́ pələ ɲɔ̨nŋąą diɛ li a kuɔ yɛ hvaŋą.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Ɉeremi 26:5

ká wala ká wəli tɔɔ nwɔ́ tínuą, da gwə́i mɛ̨nį hukulɔ nuą woo ɓa, diɛi ŋą́ kɛ di tɔɔ ká pɔɔli a yələ kəlee, ɛlɛɛ, yaan, ka hva kpɔ kɛ ka wəli tɔɔi diɛ.

Lonon mo 17:4

Lansan kpowoɠaai tii pɛliɛi kɛ a kwɛli kpɔlu, diɛi kɛ nuąi kələn di yəi. Eleazarə ə di həɠə, di di yɔw a kwɛli ɓɛlaɠaa, di di pɛlɛ ɉaláá kulɔ kəhi ɓa.

Zasua 1:17

Pələi lɔ ku kɛ la Moisə woo ŋą, mɛ̨nį kəlee hu, bələ lɔ ɓə ku kaa gɛi la a yɛ́. A tɛ̨ą, Yai-Laa ə́ wɔ Yálai kaa pai kɛi ə́ pɔ, yɛ bələi ə kɛ la Moisə pɔ.