Lɛɛ gbɔwɔ ɓa 3:16 - Yálá laawoo hɛɓɛ (dc)

¹⁶ 'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Yálá laawoo hɛɓɛ

¹⁶ 'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Bible

¹⁶ Lí í Eezuɛ nuu-pɔlɔ-ŋai ŋá tɛ́ gîe ma yɛ̂ɛ dîa, Ńyãa Yâwɛɛ nyii gáa a dínâŋ-ni Díɣâlai, Eberaɣɛ̃ɛ Ŋɔɣâlai, Aise Ŋɔɣâlai da Zeeka Ŋɔɣâlai è kùla íŋɛi. Mó dîa a gɛɛ ŋá m̀ɛnii kɔ́lɔŋ Ize-ŋai da gɛ́i a dia Ize lɔii sui.

Lɛɛ gbɔwɔ ɓa 3:16 Iomraidhean Croise

Zɛnɛse 1:7

Yili ə kɛ ti, Yálá ə ɉɛn tii kɛ a yələi pələ yá da lɔi ɓa pələ yá di ɓɛlaɓo hɛn.

Zɛnɛse 21:1

Pələi tii Yai-Laa ə mo la Sara ɓa, ə nwoo tii pɔ mɛ̨ni kɛ.

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Mąątɛ̨nɛ̨ 102:21

Yɛ nwəli tɔɔ gahonąminą ɲiŋɛ̨ woo ɓa, nuąi daa di kiti tee a di paa mɛ̨nį, yɛ di nwun mąąɓo.

Mąątɛ̨nɛ̨ 33:18

Kɛlaa, nuąi da ɲɔw Yai-Laa ɓa, a ɲɛ̨i kɛ diɛ, a nuąi di kilitɔɔ nwɔ wɛlikɛmąąlaa ɓai.

Mąątɛ̨nɛ̨ 8:4

Ŋą́ ɲɛ̨́i hee yələ kɔlɔn ma, yai ə́ bɛli a Ə́ yee, Ə́ ɲąnįn da pɛmɛ̨lɛ̨n-gɔwɠaa, hɛlɛn ma;

Lɛɛ gbɔwɔ ɓa 1:8

Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Lɛɛ gbɔwɔ ɓa 13:19

Moisə ə mo, di Ɉosɛfə kɔ́wɠaa həɠə, diɛ li la. Mąąhɔlɔɓo, Ɉosɛfə ə wɔlɔ kɛ niɛni diɛ, ka ka kwɛla, kaa diɛ: «Yálá a pa ka kulɔi ɓɛ, ka gɔ́wɠaa həɠə, ə lɛɛ ka yəi, ka li la!»

Lɛɛ gbɔwɔ ɓa 15:14

Hį́i takpɛliɠaa da mɛ̨nį ŋɛ̨i bələ mɛ̨n, di mąą a kpɛlin, liihɛlɛn aa too Filisti nuą diɛ.

Lɛɛ gbɔwɔ ɓa 17:5

Yai-Laa yɛ Moisə ɓa: «Tɛɛ nuą tɔwɔ, ə́ Israɛlə kalanɉonŋąą taɠaa hvilɛn ə́ pɔ, dunwɔ̨n tii ə́ ɲá lee kɛlɛ la, ɉon ə́ yee pɔ; ɛlɛɛ, ə́ li.

Lɛɛ gbɔwɔ ɓa 18:12

Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Lɛɛ gbɔwɔ ɓa 2:25

Yálá ə ɲɛ̨i hee Israɛlə lonnii diɛ, di mąąwɛli ə ɉon.

Lɛɛ gbɔwɔ ɓa 24:11

Israɛlə kalanɉonŋaai ti, Yálá hvo mɛ̨nį ɲɔ̨n gɛ a diɛ, di pɛli Yálá kaai, di di laa mįi, di di kpələ.

Lɛɛ gbɔwɔ ɓa 3:2

Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 4:1

Moisə ə Yálá woo ŋąąpənə yɛ mą: «Israɛlə nuą di hvo lii laai nwóó la, mąąhɔlɔɓo, di kaa lii kɛi mą́ą́: ‹Yai-Laa, hvo kɛ gbɔwɔ lɛ li yɛ́!›»

Lɛɛ gbɔwɔ ɓa 4:29

Moisə da Aarɔn di bɛlɛ gee ɓa, di li di Israɛlə kalanɉonŋąą kəlee ɲąąkpɔn.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Lɛɛ gbɔwɔ ɓa 4:5

Yai-Laa, yɛ Moisə ɓa: «Yá li, yili ɓə yá gɛ Israɛlə nu huwu ɲɛ̨i ɓa, ya ɓə a gɛ di gɔlɔn diɛ ŋį́ gbɔ́wɔ́ lɛ yɛ́, ɲą́ą́ ŋɛ̨i gáá a di nąnni Abrahamə, Isaakə da Ɉakɔbə di wɔ Yálá.»

Maafîu 26:3

Nąąlɔwai, ɉaláá laa həli nuą kpɛa-kpɛaɠaa, da Ɉuifə hulɔgoloɠaa di di ɲąąkpɔn Kaifə nwɔ tɔɔ kwəlii hu, ə gɛ, di Jesus hon mɛ̨nį mąą nwun dɔɔ kɛ.

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Lukə 19:44

Di kaa pai ə laɠan ɉii nɔi ɓa, yɛ́ ka ə́ kwəi lonnii, di hvo kpɛli pai kwɛni lɛɛi ɓɛ kwɛni mɛ̨i. Mąąhɔlɔɓo, hvó ə́ ɓalo yələ kɔ́lɔn ni.

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Gɛlaɠaa 20:17

Polə kɛɛ Milɛtə daai, gbɔn ŋɛ̨i gaa Efɛsə daai, ə ɉu kalanɉonŋaa təli.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.