Lɛɛ gbɔwɔ ɓa 3:10 - Yálá laawoo hɛɓɛ (dc)

¹⁰ Gáá kɛa ə́ tɔɔi yiihu, ə́ li Eziptə tɔɔmun bɔ, ə́ nwɔ́ nu huwui a Israɛlə lonnii, ə́ di kulɔ laa.»

Yálá laawoo hɛɓɛ

¹⁰ Gáá kɛa ə́ tɔɔi yiihu, ə́ li Eziptə tɔɔmun bɔ, ə́ nwɔ́ nu huwui a Israɛlə lonnii, ə́ di kulɔ laa.»

Bible

¹⁰ Ŋa pâi ítɛɛ̂i Gâloŋ pɔ́ naa a gɛɛ í ŋánûai Eezuɛ-ŋai kúla Ize lɔii su í pá a dia.”

Lɛɛ gbɔwɔ ɓa 3:10 Iomraidhean Croise

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Zɛnɛse 15:14

Kɛlaa, nɔi ŋɛ̨i di kaa pai luwɔlaa kɛi ɉu nuą diɛ, gáá pai nɔi tii kitii teei, ŋį́ ə́ huwuhu nuą kulɔ di yəi luwɔlaa hu; da di pulu pənə a hɛn gɔw kɛnɛ̨.

Mąątɛ̨nɛ̨ 105:26

Ə nwɔ tímun Moisə tɔɔ, da nui ə ɉəɠə ɉu a Aarɔn.

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Lɛɛ gbɔwɔ ɓa 12:40

Gwɛlan Israɛlə lonnii di gɛ Eziptə, ə kɛ a kwɛlan nwun nąąn kwɛlan bow haaɓa.

Lɛɛ gbɔwɔ ɓa 12:41

Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Lɛɛ gbɔwɔ ɓa 33:12

Moisə yɛ Yai-Laa ɓa: «Yɛ́ kpinį ɓə kɛ mą́ą́: ‹'Li a nuą ŋɛ̨i nɔi ŋį́ naakwɛlanmo diɛ ɉu.› Kɛlaa, nui Ə́ kaa kwa yaa ku tɔɔi, Hvó nɛ li mą́ą́. Ɛlɛɛ yaan ə́ kɛ mą́ą́: ‹Ŋą́ ə́ kɔ́lɔn a ə laa.› Yɛ́ nwɔ̨nɔ̨ mą́ą́: ‹Yáá níí hon.›

Lɛɛ gbɔwɔ ɓa 33:13

Yii hu, akɛ ŋą́ą́ ə́ líí hon a neelee, mɛ̨nįi ə́ kaa bɔ, nɛ mą́ą́, əgɛ, ŋą́ ə́ kɔ́lɔn a neelee, yá gɛ ti, akɛti ŋą́ą́ Ə́ líí hon gbɔ a tɛ̨ą; Ɛlɛɛ, Ə́ nu huwui ŋɛ̨i kaa a Yɛ́ nu huwu.»

Lɛɛ gbɔwɔ ɓa 6:26

Aarɔn da Moisə ɓə Yai-Laa ə kɛ diɛ: «Ka Israɛlə lonnii kulɔ Eziptə lɔi hu, yɛ bələi di huwu hee pələ kaa la.»

Osia 12:13

Ɉakɔbə ə pu Aramə yɛɛ kɔ́wɔ hu, ɛlɛɛ, Israɛlə yɛ nɛ̨ɛ̨nu mąą koló ɓo laa, ɛlɛɛ, yɛ gbɔwɔ kɛ a taatɛlɛɛ mɛ̨i kaamun nɛ̨ɛ̨nu mɛ̨nį ɓa.

Mise 6:4

A kɛ tii, ka kulɔi ŋį́ mo Eziptə lɔi hu, ya ɓə? Ka nwun mąąɓoi ŋį́ mo nuwɔ pɛ́lɛ́i tii mu, yili ɓə mɔ̨ɔ̨? Gɛ́ Moisə, Aarɔn da Miriamə di tɛɛ a ka tənən dɔɔ nuą, yili ɓə?

Gɛlaɠaa 7:34

A tɛ̨ą, mɔ̨nɔ̨i nwɔ́ nuą kaa mįi Eziptə lɔi hu, ŋą́ą́ gaa, ŋą́ą́ di ɲiŋɛ̨ woo mɛ̨n, ŋą́ yɛɛ, ə gɛ, ŋą́ di nwun mąąɓo. Yiihu kɛa, gáá ə́ tɔɔi ə́ li Eziptə lɔi hu.›

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Gɛlaɠaa 7:6

Kɛlaa, yii Yálá ə mo mą ya ka, yɛ mą: 'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Gɛlaɠaa 7:7

Kɛlaa, Yálá ə kɛ mą: ‹Nɔi ti di kaa pai kɛi ɉu luwɔlaa hu, gáá pai gití teei, yili pulu, da kulɔ laa di pa ɓɛ diɛ kwɛli hvilɛn mą́ą́ ɓɛ Ɉerusalɛmə.›

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Samuɛlə dɔlɔɔ 12:6

Samuɛlə yɛ nuą diɛ: «Yaa kpɔ ɓə. Yai-Laa tii kɛ Moisə da Aarɔn di pɔ, yɛ ka nąn ni kulɔ Eziptə lɔi hui.

Samuɛlə dɔlɔɔ 12:8

Ɓɛlɔwai Ɉakɔbə ə li la Eziptə lɔi hu, Eziptə nuą di hee di mɛ̨i, ka nąn ni di wɔlɔ di di woo kulɔ Yai-Laa ɓa. Yai-Laa ə Moisə da Aarɔn di tɔɔ, ə gɛ, di ka nąn ni kulɔ nuwɔ laa tii hu, di di hee gɛɛnąą ŋɛ̨i ɓa.