Lɛɛ gbɔwɔ ɓa 28:3 - Yálá laawoo hɛɓɛ (dc)

³ Nuąi ŋą́ą́ di laa hvɛɛ a mɛ̨nį kɔ́lɔn gili, di yɛlɛɛ, mo diɛ, di Aarɔn nwɔ həɠəɠaai pɛli, ə gɛ, Aarɔn ə kɛ a nwɔ́ haláá laa həli mun.

Yálá laawoo hɛɓɛ

³ Nuąi ŋą́ą́ di laa hvɛɛ a mɛ̨nį kɔ́lɔn gili, di yɛlɛɛ, mo diɛ, di Aarɔn nwɔ həɠəɠaai pɛli, ə gɛ, Aarɔn ə kɛ a nwɔ́ haláá laa həli mun.

Bible

³ Nyɛrɛ kɛ́-ƃelai nyii-ŋai kélee ŋá táre tɛ́ɛ dípɔi, m̀ó dîa a gɛɛ dí Eelɔŋ ŋɔseɣe-ŋai kpɛtɛ a gɛɛ é nâa ŋásâla láa-soŋ tii kɔ́ɔ pîlaŋ.

Lɛɛ gbɔwɔ ɓa 28:3 Iomraidhean Croise

Tɔɔɓɛlaa dɔlɔɔ 7:14

Hiramə ə kɛ a Nɛftali nɛ̨ɛ̨nu ta lon. Nɛ̨ɛ̨nu kpɔ ə kɛ a galanįn, Tirə hulɔnu ta ɓə Hiramə kaa nɛ̨ɛ̨nui tii ɓa. Hiramə ə kɛ a nui ŋɛlɛɛ ɓala kwɛli koló ɓa, yɛ goló kɛ kpɔ a nɛlɛɛ. Ə pa tɔɔmun Salomɔn pɔ, golói di dəli mą, ə gəlee kɛ.

Lɛɛ gbɔwɔ ɓa 35:10

Ɛlɛɛ, yɛlɛ kɛ nuąi kpɔ ka lɔwai, di pa, kólóɠaai Yai-Laa ə vaa ɓo, di gɛ, diɛ ɓaa:

Lɛɛ gbɔwɔ ɓa 35:25

Nɛ̨ąi kɛ di wəlɛɛ yee pɛnɛ̨, di kɛi yee pɛnɛ̨ diɛ paa la, yee kpɔluɔ mu tɛɠiɛ, gbɔluɔ gbələ tətə, mahiɓoɔ, gwəlɛɛ pə-pə.

Lɛɛ gbɔwɔ ɓa 35:30

Moisə yɛ Israɛlə lonnii diɛ: «Yai-Laa aa Uri lon Besalɛlə həɠə ɉu, yai gaa a Hurə mąnįn, Ɉuda huwuhu mun.

Lɛɛ gbɔwɔ ɓa 35:31

Aa gɔ́ a Yálá nwɔ Kilii, ə gɛ, mɛ̨nį hu kpɛ kili, nwun gɛ ɉulaa, da mɛ̨nį kɔ́lɔn ŋąą, yɛ pɛli yɛlɛ kɛi la.

Lɛɛ gbɔwɔ ɓa 35:35

Aa di kɔ́ a mɛ̨nį kɔ́lɔn gili kɛnɛ̨, diɛ pɛli kóló huwui lɔpee gəlee kɛi a yɛlɛ, kwɛni haɠa kóló, ganą hee kóló, diɛ pɛli həɠə palai a ɲɛ̨i pɛ̨ɛ̨, a viliiɓoɔ, a gbɔluɔ mu tɛɠiɛ, gbɔluɔ gbələ tətə, gwəlɛɛ pə-pə, da yɛlɛ huwui lɔpee gəlee kɛ nuą di wɔ kóló.»

Lɛɛ gbɔwɔ ɓa 36:1

Besalɛlə, Oholiavə, da nuąi kpɔ Yai-Laa ə di kɔ́ a kili mɛ̨nį kɔ́lɔn ŋąą da yɛlɛ, di pɛli bɛlɛ́ mąą həɠɛɛ nwɔ kóló kɛ pələ kɔ́lɔn ɉi. Mąąnɛ̨ɛ̨ di mɛ̨nį kəlee kɛ, yɛ bələi Yai-Laa ə mo la.

Lɛɛ gbɔwɔ ɓa 36:2

Moisə ə Besalɛlə da Oholiavə təli, da nuąi kpɔ Yai-Laa ə di kɔ́ a kili, di kəlee di kɛi pa góló ɓa, a di kwəinɛ̨ɛ̨, diɛ góló kɛ.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Dutɛrɔnome 34:9

Yálá ə mɛ̨nį kɔ́lɔn gili tɛɛ Nun lon Ɉosue pɔ kpɔ kɛnɛ̨; mąąhɔlɔɓo, Moisə ə ɉuɓo Ɉosue hu a ɲee pɛlɛɛ nwuɔ̨. Ə həɠə kɛa ɲələ ɓa, yaa tii ɓə Israɛlə lonnii di kɛ nwoo ŋą, dɔ́n ŋɛ̨i Yai-Laa ə dɛɛ Moisə pɔ, di hvilɛn ŋąą bulu.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.