Lɛɛ gbɔwɔ ɓa 28:12 - Yálá laawoo hɛɓɛ (dc)

¹² Ə́ gwɛni ɓɛla hveelɛi tii kpulɔn gəŋə mɛ̨i həɠə yɛli ɓa, gwɛniɠaai tii da kɛ a Israɛlə lonnii pow kɔ́w hveelɛi kili too ŋą hɛn. Bələ ɓə di laa a kɛ la hɛlɛn ni Aarɔn ɓa Yai-Laa lííla, a ka nąą kili too ŋą hɛn.

Yálá laawoo hɛɓɛ

¹² Ə́ gwɛni ɓɛla hveelɛi tii kpulɔn gəŋə mɛ̨i həɠə yɛli ɓa, gwɛniɠaai tii da kɛ a Israɛlə lonnii pow kɔ́w hveelɛi kili too ŋą hɛn. Bələ ɓə di laa a kɛ la hɛlɛn ni Aarɔn ɓa Yai-Laa lííla, a ka nąą kili too ŋą hɛn.

Bible

¹² Gɔni feerɛi sɔlɔ ɛfɔi kâraŋ ŋá-ɣɛli-ŋai dîa a gɛɛ dí kɛ́ a kili-too-ŋa kɔni-ŋa Eezuɛ ǹônii mɛni ma. Berei-sii ŋí ƃé dílaa a pâi kɛ̂i la Eelɔŋ kâraŋ ŋá ŋɛ́i-tuɛ a gɛɛ díkili é kɛ́ ŋá.

Lɛɛ gbɔwɔ ɓa 28:12 Iomraidhean Croise

Zôo 31:36

Ŋą́ yili kəlee laa nwúɔ̨, gɛ́ ɉee nwún ma yɛ tɔɔ ɓɔlɔ.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Lɛɛ gbɔwɔ ɓa 12:14

«Kwɛlan nwoo kwɛlan, mɛ̨nį lɛlɛɛi ŋɛ̨i ŋą́ą́ gɛ kaa, ka kɛ kpɔlɔ ɉɛli pui, ɲą́ą́ Yai-Laa náá hu. Gaa pai kɛi ka mɛ̨i a tɔ́n, hva ɉəɠə mą.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 28:11

Ə́ kaa pai Israɛlə lonnii laa pɛ̨ɛ̨i gwɛni ɓɛla hveelɛi mɛ̨i, yɛ bələi kwɛni haɠamun nwəlɛɛ a gɛ la, bɔɔ yɛ lɛɛ gwɛni ɓa. Di gbulɔn galan ŋą yɛli hveelɛi ɓa yai ɉɛniyá lɔɔ mą.

Lɛɛ gbɔwɔ ɓa 28:29

Aarɔn a kɛi pa lɔi ɓɛi mįnɛ̨ pɛlɛ lon mu, Israɛlə lonnii laa a kɛ gəŋə la giti yɛli ɓa, a kili too ŋą hɛn a yələ kəlee mɛ̨nį Yai-Laa ɲɛ̨i ɓa.

Lɛɛ gbɔwɔ ɓa 28:7

Gbulɔn ɲɛli a kɛ a naa galan ŋą, gbulɔn ŋąą galan bulú.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 62:6

Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Levetekɔ 24:7

Ə́ lansan pu ɲɛli tɛitɛi mɛ̨i, ə́ gələn, yili a kɛ a kili too ŋą kɔ̨nɔ̨n; Yai-Laa nwɔ haláá hɛn ni.

Lonon mo 31:54

Moisə da ɉaláá laa həli mun Eleazarə di ɉɛnii tii hon gɛa gɔ́ nwun nąmįną yəi, di li la gee kaa kələ mu Yai-Laa lííla, yili yɛ pɛli kɛi a kili lɛɛ ɉu hɛn.

Lukə 1:54

Aa kpɔnmąą tɛɛ nwɔ kɛlaɠaa Israɛlə nu huwu pɔ. Hvo lɛ̨ą li diɛ, aa mɛ̨inɛ̨ɛ̨ kɛnɛ̨ kɛ diɛ.

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Gɛlaɠaa 10:4

Kɔrnɛyɛ ə ɲɛ̨i hee mą hįį, ə ɲɔw, yɛ mą: «Ną́mu! Yɛ́ lə?» Malaka yɛ mą: «Yálá hvɛlii yá kɛ moi, yɛ́ kpɔnmąą tɛɛ mąąwɛli nuą pɔi, Yálá aa ɲee hee yili mu, 'hvó lɛ̨ą li yɛ́.

Korɛntə dɔlɔɔ 11:24

ɛlɛɛ, gbɛɛ a Yálá hɛɠɛɛɓoɔ, ə ɉu yali, yɛ diɛ: «Yii kaa a gɔ́lɔ, yai a ká wɔɔ, 'ká yii kɛ káá ną́ą́ kili too la ká ɲą.»

Dutɛrɔnome 33:12

Yɛ Bɛnɉamɛn nwɛi ɓa: «Yai-Laa liiɓa lon! Ə́ hvii tɔɔ Yai-Laa hvaŋąn mu a ə́ wəli pulu laɠiɛ; yai, a ə́ mɛ̨i kaa a yələ kəlee. Ɛlɛɛ, ə́ huwu lɔwai ɓə Yai-Laa a vįitɔɔ laa.»

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»